ខេត្តកំពង់ឆ្នាំង ៖ មន្ត្រីជំនាញ និងអាជ្ញាធរមូលដ្ឋាន ចុះរៀបចំដំឡើងឧបករណ៍ការពាររន្ទះបាញ់នៅតាមរមណីយដ្ឋានសំខាន់ៗក្នុងខេត្ត កំពង់ឆ្នាំង ដើម្បីសុខសុវត្ថិភាពប្រជាពលរដ្ឋ និងភ្ញៀវទេសចរ។
ជាក់ស្ដែងនៅព្រឹកថ្ងៃទី៨ ខែសីហា ឆ្នាំ២០២០នេះ ក្រុមការងារមន្ទីរទេសចរណ៍ខេត្ត រួមជាមួយអាជ្ញាធរមូលដ្ឋាន និងអ្នកជំនាញពាក់ព័ន្ធ បានចុះដំឡើងឧបករណ៍ការពាររន្ទះបាញ់ នៅទីតាំងរមណីយដ្ឋាន Green Farm ស្ថិតក្នុងភូមិក្រាំងស្គារត្បូង ឃុំក្រាំងស្គារ ស្រុកទឹកផុស។
ជំហានបន្ត គឺនឹងដំឡើងនៅតំបន់ទឹកធ្លាក់ស្រែអំពិល ទឹកធ្លាក់ថ្មក្រាល ទឹកធ្លាក់អន្លង់ស្លាយ និងទីតាំងមួយចំនួនទៀតក្នុងខេត្តកំពង់ឆ្នាំង ៕ដោយ៖បញ្ញាស័ក្តិ
