ភ្នំពេញ៖រថយន្តម៉ាកហ្វរន័រមួយគ្រឿងបើកបរក្នុងល្បឿនយ៉ាងលឿនបានរេចង្កូតទៅបុករះរថយន្តនិងម៉ូតូ ២ គ្រឿងរបស់ធម៌នាំម្នាក់និងស្រាលម្នាក់។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១និង១០ នាទីរសៀលថ្ងៃទី១០ ខែសីហា ឆ្នាំ ២០២០ តាមបណ្ដោយផ្លូវ អែ ៨ ក្នុងបឹងកក់សង្កាត់ស្រះចក ខណ្ឌដូនពេញ រាជធានីភ្នំពេញ។
រថយន្តបង្កហ្វរន័រ ពណ៌ស ពាក់ផ្លាកលេខភ្នំពេញ2BA-7263 រងការខូចខាតបែកចង្កៀងខាងមុខផ្នែកខាងឆ្វេង ជាអ្នកបើកបរមិនត្រូវបានស្គាល់ឈ្មោះនៅឡើយ។ រីឯរថយន្តរងគ្រោះម៉ាកម៉ាកឡិចស៊ីស IS 250 ពណ៌សពាក់ផ្លាកលេខភ្នំពេញ 2Z-8882 ការខូចខាតកំពុងវាមុខក្រោយផ្នែកខាងឆ្វេង អ្នកបើកបរមិនត្រូវបានស្គាល់ឈ្មោះនៅឡើយ។ ចំណែកឯម៉ូតូរងគ្រោះ ២ គ្រឿងទៀតមួយគ្រឿងគ្រឿងម៉ាកសេ125 ស៊េរីឆ្នាំ 2016ពណ៌ខ្មៅពាក់ផ្លាកលេខព្រៃវែង1E-4688 អ្នកបើកបររងរបួសស្រាល១គ្រឿងទៀត ម៉ាកសេ125 សេរីឆ្នាំ២០១៩ ពណ៌ខ្មៅរក្សាលេខភ្នំពេញ1FK-9268 រងរបួសធ្ងន់ធ្ងរ។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញរថយន្តហ្វរន័រធ្វើដំណើរតាមដងផ្លូវ អែ៨ ក្នុងទិសដៅពីលិចមកកើត ដែលរថយន្តឡិចស៊ីសនិងម៉ូតូ ២ គ្រឿងទៀត ធ្វើដំណើរតាមបណ្ដោយផ្លូវអែ ៨ ក្នុងទិសដៅពីកើតមកលិច ខណៈពេលធ្វើដំណើរមកដល់ចំណុចកើតហេតុ ត្រូវបានរថយន្តហ្វរន័រ ចង្កូតមកខាងឆ្វេងដៃបុករះរថយន្តរងគ្រោះមួយគ្រឿងនិងម៉ូតូ ២ គ្រឿងទៀត បណ្ដាលឱ្យរងរបួសរងរបួសធ្ងន់ម្នាក់ និងស្រាលម្នាក់។
យោងតាមប្រពព័ត៌មានបានបន្តទៀតថា ក្រោយពេលកើតហេតុគេឃើញសមត្ថកិច្ចមូលដ្ឋាន បានចុះទៅកន្លែងកើតហេតុការវាស់វែង យករថយន្តនិងម៉ូតូទាំងពីរគ្រឿង ដាក់អែបចិញ្ចើមផ្លូវហើយភាគីទាំងសងខាង បានធ្វើការដោះស្រាយគ្នា នៅកន្លែងកើតហេតុនេះ៕ ដោយ៖ ផាន់ណា+មីដា
