ភ្នំពេញ៖ តារាសិចស៊ី ព្រីម លីហ្សា ដែលតែងបង្ហាញឈុតសម្លៀកបំពាក់ប្រ៊ែនថ្លៃៗ អ្នកដែលប្រឡូកនៅក្នុងវិស័យ fashion គេមិនដែលគិតឈឺក្បាលទៅលើអ្នកនៅជុំវិញខ្លួនរបស់គេមើលមុខគេយ៉ាងម៉េចនោះទេសំខាន់គេហ៊ានសាកល្បងស្លៀកពាក់ឈុតសម្លៀកបំពាក់ដែលអ្នកទាំងអស់គ្នាយល់ថាមិនហ៊ានស្លៀក ហើយក៏ជាឈុតសម្លៀកបំពាក់ដែលប្លែក។
ព្រីម លីហ្សា តែងបង្ហាញឈុតសម្លៀកបំពាក់ប្រ៊ែនថ្លៃៗ តាមបណ្ដាញសង្គមតាំងពីដើមមកនោះ បានបន្តបង្ហោះរូបភាព Fashion បែបប្លែក និងសិចស៊ី លើ Instagram អមដោយពាក្យពេចន៍ ក្នុងន័យបញ្ជាក់ឲ្យអ្នកគាំទ្រ បានយល់ពីភាពសិចស៊ី និងការលេង Fashion របស់ខ្លួន។
primlyza បានបញ្ជាក់ក្នុងផេកហ្វេសប៊ុកថា “ភាពសិចស៊ីដែលបានបង្ហាញទៅកាន់អ្នកទាំងអស់គ្នាវាជាភាពស៊ិចស៊ីមួយដែលគ្រាន់តែចង់ភ្ជាប់ទៅជាមួយនឹង Fashion ដែលបង្ហាញពីភាពរឹងមាំរបស់ស្ត្រីនិងបង្ហាញអំពីភាពស្រស់ស្អាតរបស់ស្ត្រី ពណ៌ខ្មៅតែងតែជាពណ៌ដែលរំលេចពីភាពរឹងមាំ របស់ស្ត្រីជានិច្ច”។
ព្រីម លីហ្សា តារាស៊ិចស៊ីបានសរសេរនៅបណ្តាញសង្គម ថា៖ អ្នកដែលប្រឡូកនៅក្នុងវិស័យ fashion គេមិនដែលគិតឈឺក្បាលទៅលើអ្នកនៅជុំវិញខ្លួនរបស់គេមើលមុខគេយ៉ាងម៉េចនោះទេសំខាន់គេហ៊ានសាកល្បងស្លៀកពាក់ឈុតសម្លៀកបំពាក់ដែលអ្នកទាំងអស់គ្នាយល់ថាមិនហ៊ានស្លៀក ហើយក៏ជាឈុតសម្លៀកបំពាក់ដែលប្លែក ដូចជាខ្ញុំបាននិយាយកន្លងមកអញ្ចឹងការដែលយើងរៀបចំឈុតសម្លៀកបំពាក់ឲ្យមើលទៅមានភាពស្រស់ស្អាតវាជារឿងដែលងាយ តែការដែលយើងរៀបចំឈុតសម្លៀកបំពាក់ឲ្យមើលទៅប្លែកភ្នែកទើបវាជារឿងដែលពិបាក ។ ដូច្នេះហើយទើបខ្ញុំតែងតែជ្រើសរើសយកឈុតសម្លៀកបំពាក់ដែលពិបាកទើបពេលដែលបង្ហាញជូនទៅកាន់អ្នកទាំងអស់គ្នា ទើបអ្នកទាំងអស់គ្នាមានអារម្មណ៍ថាប្លែកភ្នែក។
តារាស៊ិចស៊ីរូបនេះបានបញ្ជាក់ថា ក្នុងនាមជាអ្នកលេង Fashion (ឬ Fashionista) ម្នាក់ គឺតែងតែហ៊ានស្លៀកពាក់ដែលប្លែកខ្លាំង ដោយមិនខ្វល់ពីការយល់ឃើញរបស់អ្នកជុំវិញខ្លួននោះទេ។ អ្នកដែលគេហៅខ្លួនគេថាជា Fashionista ការរៀបចំសម្លៀកបំពាក់ឲ្យមើលទៅប្លែកភ្នែកជារៀងរាល់ថ្ងៃ វាក៏ជាខ្យល់ដកដង្ហើមមួយសម្រាប់គេ ដូច្នេះហើយពួកគេតែងតែមានចំំណុចសម្គាល់ពិសេសសម្រាប់ខ្លួនគេជានិច្ច ហើយគេហ៊ានសាកល្បងស្លៀកពាក់ឈុតសម្លៀកបំពាក់ដែលមើលទៅប្លែកភ្នែកខ្លាំងជាទីបំផុត ដោយគេក៏មិនខ្វល់ពីអ្នកជុំវិញខ្លួនរបស់គេយល់ថាគេបែបណា ដែលសំខាន់គេហ៊ានសាកល្បងស្លៀកពាក់ឈុតសម្លៀកបំពាក់ដែលមើលទៅវាមានភាពប្លែកភ្នែកខ្លាំង ហើយហេតុផលតែមួយគត់របស់គេនោះគឺ គេជាអ្នកដែលស្រឡាញ់វិស័យ Fashion យ៉ាងខ្លាំង ហើយគេក៏ពិតជាចង់ឲ្យវិស័យមួយនេះមានការរីកចម្រើនខ្លាំង នេះគឺជាអ្វីដែលខ្ញុំចង់ចែករំលែកទៅកាន់អ្នកទាំងអស់គ្នាខ្លះដើម្បីអោយអ្នកទាំងអស់គ្នាបានយល់អំពីអ្នកដែលគេហៅថាជា Fashionista”។
បើតាម primLyza ៖ “ខ្ញុំនឹងនិយាយអំពីការងាររបស់ខ្ញុំចែករំលែកទៅកាន់បងប្អូនទាំងអស់គ្នា សម្រាប់ខ្ញុំខ្ញុំពិតជាស្រឡាញ់អាជីពជាតារាសម្ដែងខ្លាំងណាស់រហូតដល់បានការផ្ដល់កម្លាំងចិត្តពីក្រុមគ្រួសារជាពិសេសពីអ្នកម្ដាយជាទីស្រឡាញ់របស់ខ្ញុំដូច្នេះហើយទើបអ្នកម្ដាយរបស់ខ្ញុំបានជំរុញឱ្យខ្ញុំចូលរៀននៅក្នុងសាលាវិចិត្រសិល្បៈក្នុងកំឡុងឆ្នាំ 2004 និង 2005 ហើយខ្ញុំក៏បានចាប់ផ្ដើមអាជីពជាតារាសម្ដែងនៅដើមឆ្នាំ 2006 រហូតដល់ឆ្នាំ 2009 ខ្ញុំមានអារម្មណ៍ថាខ្ញុំស្រលាញ់ការតុបតែងខ្លួនបែបប្លែកៗទើបខ្ញុំចាប់ផ្ដើមប្រឡូកនៅក្នុងវិស័យ Fashion ដូច្នេះហើយរាល់រូបភាពដែលខ្ញុំបានបង្ហាញជូនទៅកាន់បងប្អូនទាំងអស់គ្នាសិតសឹងតែជារូបភាពដែលផ្ដោតទៅលើឈុតសម្លៀកបំពាក់បែបប្លែកភ្នែកដែលផុសចេញអំពីការស្រមើស្រមៃនិងគំនិតរបស់ខ្ញុំផ្ទាល់ អ្វីដែលសំខាន់ខ្ញុំចង់ឲ្យវិស័យ Fashion នៅក្នុងស្រុកខ្មែររបស់យើងមានការរីកចម្រើន ឲ្យបានខ្លាំងជាងមុន ដូចអ្នកទាំងអស់គ្នាបានដឹងអញ្ចឹងអ្នកដែលរៀននៅក្នុងវិស័យច្នៃម៉ូដជាពិសេសដែលយើងអាចហៅបានថាជា fashion design ពេលនេះពិតជាមានច្រើនខ្លាំងណាស់ក៏ប៉ុន្តែពួកគាត់មិនសូវមានកន្លែងដែលពួកគាត់អាចបញ្ចេញសមត្ថភាពរបស់ពួកគាត់ឲ្យអ្នកទាំងអស់គ្នាបានឃើញ ដូច្នេះហើយក្នុងនាមខ្ញុំជាអ្នកដែលស្រឡាញ់វិស័យ Fashion ខ្ញុំពិតជាចង់ឲ្យវិស័យនេះមានការរីកចម្រើននៅក្នុងប្រទេសរបស់យើង ដើម្បីឲ្យអ្នកដែលគាត់រៀននៅក្នុងវិស័យច្នៃម៉ូដមានកន្លែងដែលពួកគាត់អាចបញ្ចេញសមត្ថភាពច្រើនជាងមុន”។
នាងលើកឡើងទៀតថា អ្វីដែលនាងខ្ញុំតែងតែបង្ហាញជូនទៅកាន់បងប្អូនទាំងអស់គ្នាកន្លងមកគ្រាន់តែចង់បង្ហាញអំពី Fashion ផ្ទាល់ខ្លួនរបស់នាងខ្ញុំតែប៉ុណ្ណោះ នាងខ្ញុំជាតារាសម្ដែងហើយនាងខ្ញុំបានប្រឡូកនៅក្នុងវិស័យ Fashion បែបនេះហើយរាល់រូបភាពរបស់នាងខ្ញុំ គ្រាន់តែចង់បង្ហាញអំពី Fashion របស់ស្ត្រីសម័យថ្មី មិនមែនចង់បង្អួតឬសម្ញ៉ែងភាពមានបានឬក៏ភាពហ៊ឺហាអ្វីទេ ហើយទោះជាងនាងខ្ញុំស្រឡាញ់វិស័យ Fashion ខ្លាំងកម្រិតណាក៏ដោយ ក៏នាងខ្ញុំមិនដែលបំភ្លេចវប្បធម៌ខ្មែរដែរ វប្បធម៌ខ្មែរតែងតែដក់ជាប់នៅក្នុងដួងចិត្តរបស់កូនខ្មែរគ្រប់រូប ពីព្រោះនាងខ្ញុំក៏ជាសិស្សម្នាក់ដែលឈានជើងចេញពីសាលាវិចិត្រសិល្បៈដូចគ្នា គ្រាន់តែថានាងខ្ញុំក្នុងនាមជាអ្នកសិល្បៈម្នាក់គ្រាន់តែចង់បង្កើតអ្វីដែលប្លែកនិងថ្មី ភាពទាន់សម័យមួយរបស់ស្ត្រីសម័យនេះ។
អរគុណសម្រាប់បងប្អូនមួយចំនួនដែលតែងតែយល់អំពីអ្វីដែលនាងខ្ញុំធ្វើ៕ ដោយ៖កូឡាប