តាមរបាយការណ៍ ប៉ូលីសស្រុកឡុងប៊ិន (ហាណូយ) ទើបតែរកឃើញខ្សែបណ្តាញពេស្យាចារដែលអ្នករកស៊ីផ្លូវភេទជាបុរស ហើយក៏ជាគ្រូបង្វឹកហាត់ប្រាណម្នាក់ ធ្វើការជាមួយមជ្ឈមណ្ឌលកីឡាល្បីៗជាច្រើន នៅក្នុងទីក្រុងហាណូយ។
ក្នុងអំឡុងពេលស៊ើបអង្កេត ប៉ូលិសបានរកឃើញអ្នកពាក់ព័ន្ធក្នុងរបរជួញដូរផ្លូវភេទបុរសនេះ គឺនាង Nguyen Phuong Thaos អាយុ ៣០ ឆ្នាំ គឺជានិស្សិតបរទេសម្នាក់ និងមិនបានវិលត្រឡប់ទៅផ្ទះវិញរហូតដល់ចុងឆ្នាំនេះ។
តាមរយៈការស្រាវជ្រាវនៅលើបណ្តាញសង្គម Thao បានដឹងពីតម្រូវការរបស់មនុស្សស្រីចំនួន ដែលចូលចិត្តទៅលើបុរសវ័យក្មេង និងមានសុខភាពល្អ ដើម្បីមកកំដរ។ នៅពេលនោះ នាងក៏បានទាក់ទងជាមួយគ្រូបង្ហាត់សាច់ដុំឈ្មោះ Tran មានកម្ពស់ ១,៨ ម៉ែត្រ តាមរយៈបណ្តាញទំនាក់ទំនងសង្គម ប៉ុន្តែ អ្នកទាំងពីរពុំដែលបានជួបគ្នានោះទេ។
និយាយពី Tran វិញ បើគិតទៅ គឺរាប់ភ្លេចទៅហើយដែលអ្នកហាត់ស្រីៗបានអញ្ជើញគាត់ ផឹកកាហ្វេ និងភេសជ្ជៈ។ គ្រូបង្ហាត់រូបនេះបានយល់ព្រមបន្តិចម្តងៗ ក្នុងការណាត់ជួបជាមួយនារីជាច្រើន ដែលទទួលយកក្នុងតម្លៃសមរម្យ។ Tran មិនត្រឹមតែទទួលយកតម្រូវការដៃគូនៅក្នុងកន្លែងហាត់ប្រាណប៉ុណ្ណោះទេ ប៉ុន្តែ បានពង្រីកបន្ថែមតាមរយៈការទំនាក់ទំនងនៅលើបណ្តាញសង្គមផងដែរ។
មុនពេលភ្ញៀវទាក់ទង Thao បានស្នើ Tran ឲ្យផ្ញើរូបថតមកនាង ដើម្បីនាងផ្តល់ជូនដល់អ្នកមានតម្រូវការផ្លូវភេទ។ ជាក់ស្តែង នៅថ្ងៃទី២៨ ខែកក្កដា ២០២០ មានភ្ញៀវជានារីម្នាក់នៅក្នុងទីក្រុងហាណូយ បានស្នើ Thao ទិញផ្លូវភេទសម្រាប់នាង។ Thao បានផ្ញើរូបថត Tran ទៅឲ្យនារីនោះ និងបានចរចាគ្នាក្នុងតម្លៃ ១៨ លានដុង (ជិត ៨០០ ដុល្លារ) ។ ក្រោយព្រមព្រៀងគ្នារួច Thao ក៏បានផ្ទើរលុយទៅឲ្យ Tran ក្នុងតម្លៃខ្លួនចំនួន ១២ លានដុង (ជាង ៥០០ ដុល្លារ) ដោយនាងទទួលបានតម្លៃសេវា ៦ លានដុង (ជាង ២៥០ ដុល្លារ)។
ទោះយ៉ាងណា នៅទីបំផុត ថ្ងៃទី៤ ខែសីហា ឆ្នាំ២០២០ ប៉ូលិសបានចាប់ខ្លួន Tran និងនារីទិញផ្លូវភេទ នៅឯសណ្ឋាគារមួយ នៅក្នុងទីក្រុងឡុងប៊ិន និងបានរកឃើញថ្នាំជំនួយផ្លូវ Viagra នៅក្នុងកាបូបរបស់គ្រូបង្ហាត់សាច់ដុំនេះទៀតផង។ បន្ទាប់មក ប៉ូលីសក៏បានតាមស្វែងរកចាប់ខ្លួននារីជួញដូរភេទបុរសរូបស្រស់ស្អាតរូបនេះផងដែរ៕ ដោយ៖ លឹម ហុង