ភ្នំពេញ៖ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា បានចេញព្រះរាជក្រឹត្យត្រាស់បង្គាប់តែងតាំង និងផ្តល់ឋានៈជូនស្នងការនគរបាលខេត្តចំនួន៤ (ស្នងការនគរបាលខេត្តត្បូងឃ្មុំ បាត់ដំបង បន្ទាយមានជ័យ និងខេត្តពោធិ៍សាត់ ដែលទើបចូលនិវត្តន៍ ជាទីប្រឹក្សាក្រសួងមហាផ្ទៃ ឋានៈស្មើអនុរដ្ឋលេខាធិការ។
បើតាមព្រះរាជក្រឹត្យនៅថ្ងៃទី១១ ខែសីហានេះ បានឲ្យដឹងថា ស្នងការនគរបាលខេត្តទាំង៤នោះរួមមាន៖ ១) លោក បែន រ័ត្ន ស្នងការនគរបាលខេត្តត្បូងឃ្មុំ ២) លោក អ៊ុច សុខុន ស្នងការនគរបាលខេត្តបាត់ដំបង ៣) លោក អាត់ ខែម ស្នងការនគរបាលខេត្តបន្ទាយមានជ័យ និង៤) លោក សារុន ចាន់ធី ស្នងការនគរបាលខេត្តពោធិ៍សាត់៕
ដោយ៖បញ្ញាស័ក្តិ