ភ្នំពេញ៖ និយាយដល់រឿងលក់ផលិតផលអនឡាញ គេសង្កេតឃើញថា មានស្ត្រីមួយចំនួនដែលប្រកបមុខរបរលក់ផលិតផលអនឡាញ បានចេញមុខឲ្យគ្រប់គ្នាដឹង បន្ទាប់ពីពួកគាត់បានក្លាយជាជនរងគ្រោះដោយសារការចាញ់បោកមេធំ (អ្នកផ្គត់ផ្គង់ស្តុកផ្តាច់មុខ) តាមរយៈការមិនទទួលខុសត្រូវ ឬ មិនផ្តល់ទំនុកចិត្តជាដើម ហើយម្យ៉ាងវិញទៀត ម្ចាស់ប្រេនខ្លះក៏ល្បីធ្វើស៊ីជាលក្ខណៈប្រព័ន្ធទៅលើអ្នកលក់បន្តផងដែរ ប៉ុន្តែ ត្រង់ចំណុចនេះយើងក៏មិនដឹងថាបានកើតឡើងពិត ឬ យ៉ាងណានោះទេ។
ទាក់ទងនឹងរឿងដ៏ចាក់ដោត បើពិចារណាទៅក៏ទំនងដែរនោះ អ្នកចម្រៀងល្បីឈ្មោះ ពេជ្រ សោភា ថ្មីៗនេះបានសម្រេចចិត្ត Live វីដេអូ មកនិយាយអំពីល្បិចដ៏ខ្មៅកខ្វក់របស់ម្ចាស់ប្រេនខ្លះ ពិសេសអ្នកដែលតែងតែថតអួតលុយឡាន និងអួតពីកូនតំណាងចែកចាយរបស់ខ្លួនលក់តែផលិតផល ក៏ពួកគេក្លាយជាអ្នកមានក្នុងរយៈពេលដ៏ខ្លី (ល្បិចគេទេ កុំជឿគេពេក ប្រយ័ត្នចុងក្រោយ អស់គូទខោ)។
ដើម្បីចង់ដឹងច្បាស់ថា ល្បិចធ្វើស៊ីរបស់ម្ចាស់ហ្វ្រេនលក់ផលិតផលរកស៊ីខិលខូចមួយចំនួនតូច ធ្វើឡើងជាលក្ខណៈប្រព័ន្ធ តាមជំហ៊ានៗ រហូតធ្វើឲ្យអ្នកយកផលិតផលលក់បន្តលង់ខ្លួន ដល់ថ្នាក់ហ៊ានសម្រេចចិត្តខ្ចីលុយធនាគារ តែទីបំផុត ត្រូវ….ទឹកភ្នែក សូមទស្សនាវីដេអូខាងក្រោម៕ ដោយ៖ លឹម ហុង