លីបង់៖ លោកនាយករដ្ឋមន្ត្រីហាសាន់ ឌីយ៉ាប នៃប្រទេសលីបង់ បានដាក់ពាក្យលាឈប់ពីតំណែង ក្រោយពីត្រូវបានស្តីបន្ទោស អំពីអំពើពុករលួយដែលមានជាទូទៅ និងដោយសារការផ្ទុះដ៏សាហាវមួយ កាលពីសប្តាហ៍មុនដែលបានបំផ្លាញរដ្ឋធានីបេរូត។
លោកប្រធានាធិបតី Michel Aoun បានទទួលយកការលាលែងពីតំណែងរបស់លោក ហាសាន់ កាលពីថ្ងៃចន្ទ ហើយបានស្នើសុំឱ្យរដ្ឋាភិបាលរក្សានូវសមត្ថភាពចាំផ្ទះ រហូតដល់មានគណៈរដ្ឋមន្ត្រីថ្មីមួយត្រូវបានបង្កើតឡើង។ ភាពតានតឹងបាននិងកំពុងពុះកញ្ជ្រោល នៅក្នុងប្រទេសនៅលីបង់ បន្ទាប់ពីមានការផ្ទុះយ៉ាងខ្លាំងនៅកំពង់ផែបេរូត ដែលបានសម្លាប់មនុស្សប្រហែល ២០០ នាក់និង ៦.០០០ នាក់ផ្សេងទៀតរងរបួស នេះបើយោងតាមរបាយការណ៍ចុងក្រោយ៕
ប្រភព៖ Aljazeera
ដោយ៖បញ្ញាស័ក្តិ