ស្រះកែវ ថៃ ៖ ពលករខ្មែរ ២នាក់ ស្លាប់ ១២នាក់ របួសដោយសាររថយន្តថៃ១គ្រឿងម៉ាកតូយ៉ូតាហៃឡាក់រីវ៉ូ(Toyota Hillux Revo ពណ័ទឹកប្រាក់ ពាក់ស្លាកលេខ ក ១០០៧ ស្រះកែវ ដឹកពលករខ្មែរ បានជួបគ្រោះថ្នាក់ចរាចរណ៍ក្រឡាប់នៅលើផ្លូវជាតិពីកម្ពុជាទៅថៃក្នុងខេត្តស្រះកែវប្រទេសថៃ កាលពីព្រឹកថ្ងៃទី២ ខែកុម្ភ: ឆ្នាំ២០១៧។ នេះបើតាមលោក ង៉ែត ប៊ុនលី កុងស៊ុលនៃស្ថានអគ្គកុងស៊ុលកម្ពុជាប្រចាំខេត្តស្រះកែវប្រទេសថៃអោយដឹងថ្ងៃទី២កុម្ភ: ។
លោកនិយាយបន្តថា៖ ជនរងគ្រោះជាពលកខ្មែរ១៤នាក់ នោះមាន៖ ១. ឈ្មោះ សុខ សល់ ភេទប្រុស អាយុ៣៥ឆ្នាំ។ ២-ឈ្មោះសុខ ជា ភេទប្រុសអាយុ៣៧ឆ្នាំ ។៣-ឈ្មោះ សុខ ជាតិ ភេទប្រុស អាយុ ២២ឆ្នាំ ។៤-ឈ្មោះ ឃឿន រែម ភេទស្រី អាយុ២០ឆ្នាំ ស្លាប់ ជាប្រពន្ធរបស់សុខ សល់ ។ ៥- ឃ្លោមម សំអុស ភេទប្រុសអាយ២២ ឆ្នាំ ។ ៦-ឈ្មោះ វ៉ាន់ ឡុក ភេទប្រុស អាយ២៥ឆ្នាំ។ ពួកគេទាំងនេះមានលំនៅភូមិអន្លុងកូប ឃុំរបស់មង្គលស្រុក មោងខេត្តបាត់ដំបង។ ៧ -ឈ្មោះ ឌុក ឆួង ភេទប្រុស អាយុ៣៩ឆ្នាំ ។៨ -ឈ្មោះ ស៉ី ទី ភេទប្រុស អាយុ៣១ឆ្នាំ។៩-ឈ្មោះ អូ ស្រីរឿន ភេទស្រី អាយុ ២១ឆ្នាំ។ ១០ -ឈ្មោះ ធុល ធន់ ភេទប្រុសអាយុ ៣០ឆ្នាំ ។១១-ឈ្មោះ ខុម ផានី ភេទស្រី អាយុ៣២ ឆ្នាំ បានស្លាប់ ជាប្រពន្ធរបស់ធុល ធន់ ។ ១២-ឈ្មោះ ធុល លាភហេង ភេទស្រី អាយុ ៤ខែ ត្រូវជាកូន។ ពួកគេមានលំនៅ ភូមិឆ្កែកំប្រើស ឃុំព្រែកជីក ស្រុករុក្ខគីរីខេត្តបាត់ដំបង ។១៣-ឈ្មោះ ប៊ុន សុផាច ភេទស្រី អាយុ២២ឆ្នាំ និង១៤ -ឈ្មោះ សុត ប្រុស ភេទប្រុសអាយុ៤២ឆ្នាំ លំនៅភូមិកូនត្រីឃុំកូប ស្រុក អូរជ្រៅខេត្តបន្ទាយមានជ័យ។
ពលករទាំង១៤នាក់បានស្លាប់២នាក់ របួសធ្ងន់ស្រាល១២នាក់ ។ពួកគេបានធ្វើដំណើរក្នុងប្រទេសថៃ ដើម្បីទៅធ្វើការ ។ក្រុមអ្នកសង្គ្រោះបានដឹកជនរងគ្រោះទៅមន្ទីរពេទ្យ ។
សមត្ថកិច្ចថៃពុំបញ្ជាកពីមូហេតុនៃគ្រោះថ្នាក់ក្រឡាប់ ទីតាំងនិងអត្តសញ្ញាណអ្នកបើកបររថយន្តនេះនៅឡើយ៕ ដោយ ៖ បន្ទាយ
