មិត្តរួមក្រុមរបស់ Zaha កីឡាករ Andros Townsend បានប្រាប់សារព័ត៌មាន talkSPORT ថា Zaha កំពុងមានបំណងលេងក្នុងកម្រឹតមួយខ្ពស់ជាងនេះ។ គាត់បានបន្តទៀតថា កីឡាករអន្តរជាតិ Ivory Coast រូបនេះចង់លេងក្នុងពាន Champions League ហើយគាត់អាចនឹងក្លាយជាកីឡាករល្អបំផុតក្នុងលោកនៅថ្ងៃណាមួយ។
គាត់ជាកីឡាករវ័យឆ្លាតបំផុតដែលខ្ញុំធ្លាប់លេងជាមួយ ហើយខ្ញុំនិងអ្នកគ្រប់គ្នាត្រេកអរខ្លាំងណាស់ដែលមានគាត់នៅក្នុងក្លឹប ហើយប្រសិនបើយើងនៅមានគាត់បន្តទៀតនៅរដូវកាលថ្មីវាកាន់តែប្រសើរខ្លាំងណាស់។
គួរបញ្ជាក់ថា Wilfried Zaha ដែលកើតនៅរដ្ឋធានី Abidjan ប្រទេស Ivory Coast ឬ Coté D’Ivore បច្ចុប្បន្នវ័យ២៧ឆ្នាំធ្លាប់ផ្ទេរពី Crystal Palace ទៅ Man Utd កាលឆ្នាំ២០១៣-២០១៥ ដោយលេងឲ្យបិសាចក្រហមបានត្រឹមតែ២ប្រកួតប៉ុណ្ណោះមុនពេលផ្ទេរត្រឡប់ទៅ Crystal Palace វិញក្នុងឆ្នាំ២០១៥មកទល់ពេលបច្ចុប្បនដោយលេងបាន១៣៥ប្រកួតស៊ុតចូល៣៥គ្រាប់ ចាប់ពីឆ្នាំ២០១១ ដល់ ២០១៣ លេងឲ្យក្រុមជម្រើសជាតិ អង់គ្លេស អាយុក្រោម ១៩ឆ្នាំ និង អាយុ២១ឆ្នាំ និងក្រោយមក បានផ្ទេរទៅលេងឲ្យប្រទេសកំណើតរបស់គាត់វិញ ចាប់តាំងពីឆ្នាំ២០១៧មក។
នៅថ្មីៗនេះ គាត់ត្រូវបានសារព័ត៌មានជាច្រើនបានចុះផ្សាយថា Arsenal កំពុងតែចែចូវគាត់៕
ដោយ ៖វិច្ឆិកា
