ខេត្តក្រចេះ៖ អាជ្ញាធរមីនបានផ្សព្វផ្សាយព័ត៌មានថា នៅថ្ងៃទី១៣ ខែសីហា ឆ្នាំ២០២០ ក្រុមកម្ទេចគ្រាប់(EOD) នៃអង្គការដោះមីនកម្ពុជា(CSHD) បានទទួលសំណើពីប្រជាពលរដ្ឋ ភូមិក្បាលស្នួល ឃុំស្នួល ស្រុកស្នួល ខេត្តក្រចេះ រកឃើញគ្រាប់មីន និងយុទ្ធភណ្ឌមិនទាន់ផ្ទុះចំនួន ២១២គ្រាប់ ដែលប្រជាពលរដ្ឋប្រទះឃើញនៅក្នុងបរិវេណផ្ទះអ្នកដើរទិញអេតចាយ ហើយបានរាយការណ៍ទៅអង្គការដោះមីនកម្ពុជា ដើម្បីយកវាទៅបំផ្លាញចោល ។
អាជ្ញាធរមីន សូមអំពាវនាវដល់បងប្អូនប្រជាពលរដ្ឋបញ្ឈប់ជាបន្ទាន់ យកគ្រាប់ទាំងនោះមកកែច្នៃធ្វើជាឧបករណ៍ប្រើប្រាស់ផ្សេងៗ វាអាចបណ្តាលឲ្យផ្ទុះស្លាប់ របួស ពិការ គ្រប់ពេល និងនៅពេលឃើញគ្រាប់ទាំងនោះ សូមរាយការណ៍ទៅអាជ្ញាធរមូលដ្ឋាន និងប្រតិបត្តិករបោសសម្អាតមីន ដែលនៅជិតទីនោះ ដើម្បីយកគ្រាប់ទាំងនោះទៅកម្ទេចចោល៕ដោយ៖កូឡាប