ភ្នំពេញ៖ និយាយអំពីកញ្ញា Rose នោះអ្នកលេងហ្វេសប៊ុកណាដែលថាមិនស្គាល់នោះ ដែលតារាសម្តែងស្រីម្នាក់នេះមានឈ្មោះថា ហាស់ វីរ៉ាស្រីរ័ត្ត បានធ្វើឲ្យផ្ទុះការរិះគន់កក្រើកប្រទេសកាលពីចុងឆ្នាំ២០១៩ ដោយសារតែថត MV ឈុតស្នេហាអោបថើបស្រើបស្រាលយ៉ាងពេញទំហឹង ដែលធ្វើឲ្យមហាជនមិនអាចទទួលយកបានឡើយ។
ដោយឡែក កាលពីថ្មីៗនេះ កញ្ញា រ៉ូស ក៏បានធ្វើឲ្យផ្ទុះល្បីសារជាថ្មី បន្ទាប់ពីវីដេអូនៅលើបណ្តាញសង្គម Tik Tuk រ៉ូសនិយាយខឹងមីងម្នាក់ថាអត់ស្គាល់ខ្លួនជានរណា អ៊ីចឹងហាក់ដូចជាអត់ស្គាល់ក្រដាស ១០ ក្រដាស ២០ អ៊ីចឹង។
ក្រោយពាក្យប៉ុន្មានម៉ាត់នេះ ត្រូវបានផ្ទុះឡើង កញ្ញា រ៉ូស ក៏ត្រូវបានក្លាយជាប្រធានបទក្តៅ សម្រាប់ផេកជាច្រើន នាំគ្នាត្រូលផ្ទុះសំណើចពេញបណ្តាញសង្គមតែម្តង។
ដោយឡែក លោក ម៉ៃ សុគន្ធ ដែលមហាជនក្នុងបណ្តាញសង្គមដាក់ងារឲ្យថា តារាកំពូលទើសគ្មានពីរ ខណៈឃើញ រ៉ូស ហាក់កំពុងល្បីកាន់តែខ្លាំងដោយសាររឿងនេះផងរឿងនោះផង ស្រាប់តែលោកបានសារភាពដាក់ រ៉ូស មួយមាត់យ៉ាងខ្លីថា៖ «Rose បងស្រឡាញ់អូន» តែរូបសញ្ញា emoji ខាងក្រោយបញ្ជាក់ថា ចង់ក្អួត ធ្វើឲ្យហ្វេនៗផ្ទុះសំណើចឡើងចុកពោះតែម្តង៕ ដោយ៖ លឹម ហុង