បន្ទាយមានជ័យ ៖ លោកមេបញ្ជការកងរាជអាវុធហត្ថខេត្ត និងលោកអភិបាលក្រុង បានជំរុញកងកម្លាំងក្រោមឱវាទ អោយជួយប្រជាពលរដ្ឋនិងការពារអាជ្ញាធរ សមត្ថកិច្ចនៃរាជរដ្ឋាភិបាល ក្នុងឋាន:ជាកងកម្លាំងកើតចេញពីប្រជាជននិងបម្រើគោលនយោបាយរបស់រាជរដ្ឋាភិបាល។
លោក សាន ស៊ានហូ អភិបាលក្រុងប៉ោយប៉ែត ក៏ដូចលោកឧត្តមសេនីយ៍ត្រី បោន ប៊ិន មេបញ្ជការកងរាជអាវុធហត្ថខេត្តបន្ទាយមានជ័យថ្លែងដូច្នេះក្នុងពេលប្រកាសផ្លាស់ប្តូរមុខងារមេបញ្ជាការមូលដ្ឋានក្រុងប៉ោយប៉ែតកាលពីថ្ងៃទី២កុម្ភ:ឆ្នាំ២០១៨ ។
ការផ្លាស់ប្តូរនោះគឺ លោកវរសេនីយ៍ ជា ដា មេបញ្ជាការចាស់បានចាកចេញ ទៅជានាយរងសេនាធិការនៃកងរាជអាវុធខេត្ត ដោយលោកវរសេនីយ៍ បោន នីណារ៉ួ ពីមេបញ្ជាការរង ឡើងជាមេបញ្ជាការទី៤នៃមូលដ្ឋានកងរាជអាវុធហត្ថក្រុងប៉ោយប៉ែត។
លោកវរសេនីយ៍ ជា ដា បានរំលឹកពីសកម្មភាព លទ្ធផលនិងស្នាដៃការងារក្នុងអំឡុងលោកកាន់តំណែងដែលរា៉ប់រងបានតាមបទបញ្ជាខ្សែបណ្តោយនិងខ្សែទទឺង ហើយប្រកាន់ខ្ជាប់តាមគោលការណ៍គោរពសិទ្ធុមនុស្ស ច្បាប់ លក្ខន្តិក: បទបញ្ជាវិន័យកងកម្លាំង។
ក្នុងនោះកងកម្លាំងបានអនុវត្តតួនាទីកងកម្លាំងតាមរយ:បម្រើ រក្សា ការពារ និងសង្គ្រោះ។ ក៏បានដឹកនាំ គ្រប់គ្រង កសាងសមិទ្ធផលជាច្រើនក្នុងអង្គភាពអស់ទឹកប្រាក់ជាង២មឺុនដុលហលាសរអា។ ចំណេែកលោក នួន នីណារ៉ូ បានប្តេជ្ញាចិត្តខិតខំបំពេញតួនាទីប្រកបដោយការទទួលខុសត្រូវ អោយបានលទ្ធផលនិងប្រសិទ្ធភាព ។
លោក សាន ស៊ានហូ អភិបាលក្រុងប៉ោយប៉ែតបានស្នើអោយកងកម្លាំង ជាពិសេសលោកមេបញ្ជាការថ្មីរូបនេះនិងកងកម្លាំងបន្តខិតខំចូលរួមលើការងារស្នូលនិងការងារអន្តរាគមន៍ ការងារសង្គម ព្រមទាំងការងារជួយពលរដ្ឋគ្រប់កាល:ទេស: គ្រប់កន្លែងដើម្បីរក្សាជំនឿជាក់របស់ពួកគេ លើអាជ្ញាធរ។
ចំណែកលោកឧត្តមសេនីយ៍ បោន ប៊ិន មេបញ្ជការកងរាជអាវុធហត្ថខេត្តបន្ទាយមានជ័យបានក្រើនរំលឹកកម្លាំងថា ត្រូវតែគោរពបទបញ្ជា វិន័យ ដោយឆ្លើយតបនូវការអនុវត្តការងារស្នូលនិងការងារអន្តរាគមន័ ការងារមនុស្សធម៍ជួយពលរដ្ឋលើការងារថែរក្សា ការពារសន្តិសុខ សណ្តាប់ធ្នាប់ ។
លោកឧត្តមសេនីយ៍ បោន ប៊ិន និយាយបន្តថា: កងកម្លាំងត្រូវតែស្មោះត្រង់ ប្តូរផ្តាច់ គោរពច្បាប់កងទ័ពគឺគ្មានការប្រកែកតវ៉ាឬលើកហេតុផលអ្វីឡើយ ។ត្រូវការពាររាជរដ្ឋាភិបាល ព្រះមហាក្សត្រ ជាតិមាតុភូមិនិងប្រជាជន៕ ដោយ ៖ បន្ទាយ
