លោក បេន (Ben Davis) ត្រូវបានប្រជាជនខ្មែរទូទៅ សម្តែងនូវការគោរពស្រឡាញ់និងកោតសរសើរថា ជាជនជាតិអាមេរិកាំងម្នាក់គត់ ដែលបានលះបង់ទ្រព្យសម្បត្តិនិងសេចក្តីសុខផ្ទាល់ខ្លួន នាំប្រពន្ធកូនចាកចេញពីប្រទេសកំណើត មករស់នៅក្នុងព្រៃដ៏ជ្រៅ នៃតំបន់ភ្នំត្នោត ស្រុកសង្គមថ្មី ខេត្តព្រះវិហារ ដើម្បីការពារការកាប់បំផ្លាញព្រៃឈើនៅកម្ពុជា អស់រយៈពេលជិត២០ឆ្នាំមកហើយ។
លោកបាននិយាយថា លោកមិនស្តាយក្រោយនោះទេ សម្រាប់ការសម្រេចចិត្តជ្រើសរើសយកផ្លូវមួយនេះ ។ លោកបានលះបង់អ្វីៗគ្រប់យ៉ាងទាំងអស់នេះ ក៏ព្រោះតែដើម្បីថែរក្សាព្រៃឈើនៅក្នុងប្រទេសកម្ពុជា ហើយលោកសង្ឃឹមថា ប្រជាជនខ្មែរទាំងអស់នឹងយល់ពីតម្លៃនៃការលះបង់របស់គាត់ ហើយនាំគ្នាចូលរួមថែរក្សាព្រៃឈើទាំងអស់គ្នា ដោយឈប់បន្តកាប់បំផ្លាញព្រៃឈើទៀតទៅ។
លោកហ៊ានចំណាយទ្រព្យសម្បត្តិផ្ទាល់ខ្លួនក្នុងសកម្មការពារព្រៃឈើ រហូតអស់រលីងពីខ្លួន ហើយបច្ចុប្បន្ននេះ គ្រួសាររបស់លោកពុំមានជីវភាពប្រសើរនោះទេ។
ជាក់ស្តែង ក្រឡែកមកមើលរូបភាពមួយសន្លឹកនេះវិញ នោះយើងគ្រប់គ្នាប្រាកដណាស់ជារំជួលចិត្ត នៅពេលដែលបានឃើញលោក បេន ដោយឱបដបទឹកក្រូច២ដប ដែលបញ្ជាក់ថាលោកប្រាកដជាយកទៅផ្ញើប្រពន្ធកូននៅឯផ្ទះហើយ ខណៈលោកទៅចូលរួមក្នុងមង្គលការគេនៅក្នុងភូមិក្បែរតំបន់ព្រៃលោករស់នៅ៕ ដោយ៖ លឹម ហុង
