ភ្នំពេញញ៖ បើតាមក្រសួងបរិស្ថានបានឲ្យដឹថា នៅថ្ងៃទី២ កុម្ភៈ ឆ្នាំ១៩៧១-ថ្ងៃទី២ កុម្ភៈឆ្នាំ២០១៨ គឺជាខួប៣៧ឆ្នាំនៃការចុះហត្ថលេខាបង្កើតអនុសញ្ញាដីសើមអន្តរជាតិ អំឡុងពេលដែលពិភពលោកទើបតែប្រារព្ឋទិវាដីសើមអន្តរជាតិដំបូងកាលពីឆ្នាំ១៩៩៧ដើម្បីលើកកម្ពស់ស្តីពីតម្លៃនៃតំបន់ដីសើមដែលមានសារៈសំខាន់បំផុតសម្រាប់មនុស្សសត្វរុក្ខជាតិ និងភពផែនដី។
សម្រាប់កម្ពុជា ក្រសួងបរិស្ថានដែលជាសេនាធិការឱ្យរាជរដ្ឋាភិបាលកម្ពុជា បានប្រារព្ឋពិធីនៅតាមទីតាំងផ្សេងៗគ្នាដើម្បីអប់រំផ្សព្វផ្សាយពីតម្លៃនៃតំបន់ដីសើម ដល់សាធារណៈជន ប្រជាសហគមន៍ ជាពិសេស សិស្ស និស្សិត យុវជនកម្ពុជា។
រាជរដ្ឋាភិបាលកម្ពុជាបានដាក់តំបន់ដីសើមបួនកន្លែង ជាតំបន់រ៉ាមសារដែលមាន ផ្ទៃក្រឡា សរុប ៧៥.៩៤២ហិកតា ដែលស្ថិតនៅទីតាំងភូមិសាស្ត្រ និងប្រព័ន្ធ អេកូឡូស៊ី៣ផ្សេងៗគ្នា គឺតំបន់បឹងទន្លេ សាបតំបន់ទន្លេមេគង្គ និងតំបន់ឆ្នេរ ហើយបច្ចុប្បន្ននេះក្រសួង បរិស្ថាន បាននឹងកំពុងដំណើរការរៀបចំដាក់បញ្ចូល តំបន់ស្នូលស្ទឹងសែន នៃឋបនីយជីវមណ្ឌលបឹងទន្លេសាបដែលមានភូមិសាស្ត្រក្នុងខេត្តកំពង់ធំនេះជាតំបន់រ៉ាមសារទីប្រាំរបស់កម្ពុជា។
ក្រសួងបរិស្ថានដែលជាសេនាធិការរបស់រដ្ឋាភិបាលកម្ពុជាកាលពីពេលថ្មីៗនេះ បានធ្វើជាម្ចាស់ផ្ទះរៀបចំសន្និសីទថ្នាក់តំបន់ស្តីពី “និរន្តរភាពតំបន់ដី សើមជាយក្រុង” ដែលសន្និសីទថ្នាក់តំបន់នេះមានការចូលរួមពីបណ្តាប្រទេសហត្ថលេខីចំនួន ១៧ ដោយបានធ្វើការ ចែក រំលែកនូវបទពិសោធន៍ ពិភាក្សាអំពីបញ្ហាជាអទិភាព និងគោលនយោបាយ ថ្មីៗ ដើម្បីការពារ និង ប្រើប្រាស់ធនធាន ធម្មជាតិតំបន់ ដីសើម នេះប្រកបដោយនិរន្តរភាព។ ទាំងនេះ គឺជាពីការប្តេជ្ញាចិត្តរបស់រដ្ឋាភិបាលក្នុងការចូលរួមជាអន្តរជាតិ ក្នុងការការពារនិងគ្រប់គ្រងតំបន់ដីសើមសម្រាប់ផល ប្រយោជន៍ មនុស្សជាតិ និងជីវចម្រុះ។
ការ ប្រារព្ធទិវាដីសើមអន្តរជាតិ “តំបន់ដីសើម ដើម្បីនិរន្តរភាពទីក្រុងនាពេលអនាគត”។នៅព្រឹកថ្ងៃសុក្រ ថ្ងៃទី ២ កុម្ភៈ ឆ្នាំ២០១៨ មន្ទីរបរិស្ថានខេត្តកណ្តាល បានប្រារព្ធទិវាដីសើមអន្តរជាតិ ក្រោមប្រធានបទ “តំបន់ដីសើម ដើម្បីនិរន្តរភាពទីក្រុងនាពេលអនាគត” នៅវត្តជ្រោយឫស្សី ភូមិលេខ៤ឃុំប្រាសាទ ស្រុកស្អាង ខេត្តកណ្តាល ក្រោមអធិបតីភាពរបស់ លោក គង់ សោភ័ណ្ឌ អភិបាលរង ខេត្តកណ្តាល ដែលមានការចូលរួមពី មន្ទីរអង្គភាពជំុវិញខេត្ត អង្គការការីតាកម្ពុជា អាជ្ញាធរស្រុកស្អាង អាជ្ញាធរឃុំប្រាសាទ មេភូមិ កងកំលាំងប្រដាប់អាវុធទាំងបី ប្រជាការពារ សិស្សានុសិស្ស និងបងប្អូនប្រជាពលរដ្ឋ សរុបចំនួន៦០០នាក់ ដោយមានដាំកូនឈើចំនួន៨ ប្រភេទ សរុប៣៣៥ដើម និងបដាចំនួន១ផ្ទាំង៕ ដោយ៖បញ្ញាស័ក្តិ