ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) សូមជម្រាបជូនសាធារណជនឱ្យបានជ្រាបថា គ.ជ.ប ត្រូវការជ្រើសរើសក្រុមចុះឈ្មោះបោះឆ្នោត (គ.ច.ប) ចំនួន ១.៦៩៦ ក្រុម ស្មើនឹង ចំនួន ៣.២៤២នាក់ ជាមន្ត្រីជាប់កិច្ចសន្យារយៈពេលខ្លី ដើម្បីបម្រើការងារនៅតាមឃុំ សង្កាត់ ចំណុះរាជធានី ខេត្ត សម្រាប់ការ ពិនិត្យបញ្ជីឈ្មោះ និងការ ចុះឈ្មោះបោះឆ្នោត ឆ្នាំ២០២០។
តាមរយៈសេចក្តីប្រកាសព័ត៌មាន លោកស៊ិក ប៊ុនហុក ប្រធានគណៈកម្មាធិការជាតិរៀបចំការបោះឆ្នោត បានថ្លែងថា មន្ត្រីជាប់កិច្ចសន្យារយៈពេលខ្លី ដើម្បីបម្រើការងារនៅតាមឃុំ សង្កាត់ ចំណុះរាជធានី ខេត្ត សម្រាប់ការ ពិនិត្យបញ្ជីឈ្មោះ និងការ ចុះឈ្មោះបោះឆ្នោត ឆ្នាំ២០២០ ដែលមុខតំណែងដូចខាងក្រោម ៖
១- ប្រធានក្រុមចុះឈ្មោះបោះឆ្នោត (ក.ច.ប), ២- សមាជិកក្រុម ចុះឈ្មោះបោះឆ្នោត ជាការីកុំព្យូទ័រ
បេក្ខជនដែលមានបំណងដាក់ពាក្យសុំប្រឡងចូលបម្រើការងារតាមមុខតំណែងខាងលើ សូម អញ្ជើញទៅមើលសេចក្តីជូនដំណឹងស្តីពីលក្ខខណ្ឌប្រឡងជ្រើសរើស និងការដាក់ពាក្យ និងការទទួលពាក្យ ដែលនឹងបិទផ្សាយនៅតាមសាលាឃុំ សង្កាត់ និងទីកន្លែងសាធារណៈ ក្នុងឃុំ សង្កាត់ ។
ពាក្យសុំប្រឡងចូលបម្រើកាងាវនឹងមានចែកជូនដោយឥតគិតថ្លៃ នៅតាមសាលាឃុំ សង្កាត់ ។
ការចាប់ផ្តើមចែក និងទទួលពាក្យ ថ្ងៃទី៣១ ខែសីហា ឆ្នាំ២០២០ (វេលាម៉ោង ៧:០០ ព្រឹក) ការឈប់ទទួលពាក្យ ថ្ងៃទី៤ ខែកញ្ញា ឆ្នាំ២០២០ (វេលាម៉ោង ១៧:៣០ នាទីល្ងាច)។
ការបិទផ្សាយបញ្ជីឈ្មោះបេក្ខជនដែលត្រូវប្រឡង QCM និងធ្វើតេស្តកុំព្យូទ័រ នៅថ្ងៃទី៧ ខែកញ្ញា ឆ្នាំ២០២០ នៅតាមសាលាឃុំ សង្កាត់ នៃរាជធានី ខេត្ត ការប្រឡង OCM និងធ្វើតេស្តកុំព្យូទ័រ នៅថ្ងៃទី១០ ខែកញ្ញា ឆ្នាំ២០២០ នៅតាមមណ្ឌលប្រមូលផ្ដុំក្នុង ស្រុក ខណ្ឌ ៕ ដោយ៖កូឡាប