ភ្នំពេញ៖ បើតាមផេកហ្វេសប៊ុក Galaxy Navatra នៅថ្ងៃទី២០ខែសីហាឆ្នាំ២០២០នេះ បានប្រកាសព័ត៌មានថា ផលិតកម្ម Galaxy Navatra សូមស្វាគមន៍យ៉ាងកក់ក្ដៅបំផុតចំពោះវត្តមានកំពូលតារាចម្រៀង ព្រាប សុវត្ថិ ចូលមករួមរស់ក្នុងគ្រួសារតែមួយនៃគ្រួសារ Galaxy Navatra
ចំណែក តារាចម្រៀង Ton ChanSeyma តន់ ចន្ទសីម៉ា ក៏បានប្រកាសផងដែរថា
នាងខ្ញុំសូមស្វាគមន៍យ៉ាងកក់ក្ដៅបំផុត ចំពោះវត្តមានកំពូលតារាចម្រៀង បងប្រុស ព្រាប សុវត្ថិ ចូលមករួមរស់ក្នុងគ្រួសារតែមួយ នៃគ្រួសារ Galaxy Navatra។
លោក យឹម តាស្រង់ នាយកចាត់ការទូទៅផលិតកម្ម Galaxy Navatra បានថ្លែងថា លោក ព្រាប សុវត្ថិ បានសម្រេចចិត្តចូលមកផលិតកម្ម Galaxy Navatra ជាមួយកុងត្រារយៈពេល៥ឆ្នាំ។
កម្មវិធីទទួលស្វាគមន៍កំពូលតារាចម្រៀង ព្រាប សុវត្ថិ នឹងត្រូវធ្វើឡើងនៅថ្ងៃទី២៥ ខែសីហា ឆ្នាំ២០២០ខាងមុខនេះនៅសណ្ឋាគារ Garden City ៕
ដោយ៖កូឡាប