ភ្នំពេញ ៖ មានករណីធ្លាក់កន្ត្រកយោងក្នុងការដ្ឋានសំណង់មួយកន្លែង ដែលមានកម្ពស់១៥ជាន់ ស្ថិតតាមបណ្ដោយមហាវិថីព្រះមុនីវង្ស កែងផ្លូវលេខ២០០ ក្នុងសង្កាត់បឹងរាំង ខណ្ឌដូនពេញនៅម៉ោងជាង១០ព្រឹកថ្ងៃទី២០ ខែសីហា ឆ្នាំ២០២០នេះ។
កន្ត្រកយោងបានដាច់ខ្សែកាបធ្លាក់ពីជាន់ទី៧ ដែលមានកម្មករជិះ២នាក់ បណ្ដាលឱ្យកម្មករជាបុរសម្នាក់ស្លាប់ និងម្នាក់ទៀតរងរបួសធ្ងន់។
លោក សុខ ពេញវុធ អភិបាលខណ្ឌដូនពេញបានឱ្យដឹងនៅកន្លែងកើតហេតុថា ការដ្ឋានសំណង់ត្រូវបិទជាបណ្ដោះអាសន្នសិន ដើម្បីរងចាំការស្រាវជ្រាវ ហើយអ្នករបួសបានបញ្ជូនទៅសង្គ្រោះ៕ដោយ៖កូឡាប