ខេត្តមណ្ឌលគិរី៖ក្រុមល្បាតចល័តនៃខេត្តមណ្ឌលគិរីបានរឹបអូសសាច់នៃប្រភេទសត្វព្រៃមួយចំនួនក្រោយពីបានចុះល្បាត និងឆែកឆេរតាមភោជនីយដ្ឋាននៅក្នុងក្រុងសែនមនោរម្យ និងតំបន់គោលដៅទេសចរណ៍សំខាន់ៗដទៃទៀត ក្នុងស្រុកកោះញែក និងរមនីយដ្ឋានទឹកជ្រោះប៊ូស្រា ដែលសុទ្ធសឹងជាទីកន្លែងដែលប្រជាជនជាងមួយម៉ឺននាក់កំពុងអញ្ជើញទៅទស្សនាក្នុងអំឡុងពេលឈប់សម្រាក។
អង្គការ WWF បានឲ្យដឹងថា ដើម្បីធម្មជាតិនិងដើម្បីមនុស្សជាតិ! ការទទួលទានអាហារប្រកបដោយសុខភាពល្អ មិនរាប់បញ្ចូលការបរិភោគសាច់សត្វព្រៃទេ។
អង្គការ WWF នៅថ្ងៃទី២០ខែសីហាឆ្នាំ២០២០ បានចេញប្រកាសព័ត៌មានថា កាលពីម្សិលមិញ ក្រុមល្បាតចល័តនៃខេត្តមណ្ឌលគិរីបានរឹបអូសសាច់នៃប្រភេទសត្វព្រៃមួយចំនួនក្រោយពីបានចុះល្បាត និងឆែកឆេរតាមភោជនីយដ្ឋាននៅក្នុងក្រុងសែនមនោរម្យ និងតំបន់គោលដៅទេសចរណ៍សំខាន់ៗដទៃទៀតក្នុងស្រុកកោះញែក និងរមនីយដ្ឋានទឹកជ្រោះប៊ូស្រាដែលសុទ្ធសឹងជាទីកន្លែងដែលប្រជាជនជាងមួយម៉ឺននាក់កំពុងអញ្ជើញទៅទស្សនាក្នុងអំឡុងពេលឈប់សម្រាកក្នុងឱកាសបុណ្យចូលឆ្នាំខ្មែរដែលត្រូវបានលើកថ្ងៃ។
ក្រុមអនុវត្តច្បាប់ចល័តដែលមានសមាសភាពមន្ត្រីនៃមន្ទីរបរិស្ថានខេត្តខេត្តមណ្ឌលគិរី នគរបាល កងរាជអាវុធហត្ថ និងបុគ្គលិកនៃអង្គការ WWF បានបើកយុទ្ធនាល្បាតរបស់ខ្លួនជាប្រចាំ ហើយសម្រាប់ពេលនេះគឺចាប់តាំងពីចុងសប្តាហ៍មុនមកម្លេះ ដោយក្នុងនោះក្រុមល្បាតចម្រុះបានដាក់បង្ហាញនូវសេចក្តីណែនាំលេខ ៥ របស់គណៈអភិបាលខេត្តមណ្ឌលគិរីចុះឆ្នាំ ២០១៩ ដើម្បីហាមឃាត់ការទិញលក់ ដឹកជញ្ជូន និងការប្រើប្រាស់សត្វព្រៃ និងផលិតផលសត្វព្រៃ។
ខណៈពេលដែលព្រះរាជាណាចក្រកម្ពុជាកំពុងបន្តរីករាយនឹងដំណើរកំសាន្តក្នុងសប្តាហ៍នេះ យើងទាំងអស់គ្នាចាំបាច់ត្រូវចូលរួមចំណែកបង្ការ ការរីករាលដាលនៃវីរុសកូរ៉ូណា (កូវីដ១៩) និងបង្ការរោគរាតត្បាតប្រភេទផ្សេងទៀតដែលអាចកើតមាននាពេលអនាគត។
រដ្ឋបាលខេត្តមណ្ឌលគីរីបានចេញសេចក្តីជូនដំណឹង ស្តីពីវិធានការទប់ស្កាត់និងបង្ក្រាបបទល្មើសសត្វព្រៃគ្រប់ប្រភេទនៅក្នុងខេត្តមណ្ឌលគិរី។
លោក លោកស្រី ដែលជាម្ចាស់ភោជនីយដ្ឋាន ម្ចាស់ទីតាំងអាហារដ្ឋាន និងរមណីយដ្ឋានទេសចរណ៍នានា ដែលកំពុងបម្រើសេវាកម្មទទួលរៀបចំម្ហូបអាហារនៅក្នុងខេត្តមណ្ឌលគីរី ឲ្យបានជ្រាបថា ដើម្បីរួមចំណែកការពារ និងអភិរក្សប្រភេទសត្វព្រៃមានដោយកម្រ និងជិតផុតពូជ ហើយកំពុងមានវត្តមាននៅក្នុងភូមិសាស្ត្រខេត្តមណ្ឌលគីរី និងដើម្បីពង្រឹងការអនុវត្តច្បាប់ស្តីពីតំបន់ការពារធម្មជាតិ និងច្បាប់ស្តីពីព្រៃឈើ រដ្ឋបាលខេត្តមណ្ឌលគិរី សូមដាក់ ៖
១.នៅគ្រប់បណ្តាភោជនីយដ្ឋាន ទីតាំងអាហារដ្ឋាន និងរមណីយដ្ឋានទេសចរណ៍នានា ត្រូវចូលរួមទប់ស្កាត់ ការជួញដូរសត្វព្រៃ និងសំណាកសត្វព្រៃគ្រប់ប្រភេទ ជាពិសេសការយកសាច់សត្វព្រៃមកធ្វើជាអាហារឲ្យខាងតែបាន។ ២.ត្រូវបានហាមឃាត់នូវរាល់សកម្មភាពទាំងឡាយណាដែលពាក់ព័ន្ធនឹងការធ្វើពាណិជ្ជកម្មសត្វព្រៃ និង សំណាកសត្វព្រៃគ្រប់ប្រភេទ ហើយត្រូវចូលរួមផ្តល់ព័ត៌មានអំពីសកម្មភាពដែលពាក់ព័ន្ធនឹងបទល្មើសសត្វព្រៃមកអាជ្ញាធរមានសមត្ថកិច្ច ។ ៣.ហាមឃាត់ចំពោះសកម្មភាពដែលយាយី បំផ្លាញជម្រកពង កូន និងកន្លែងបន្តពូជសត្វព្រៃគ្រប់ប្រភេទ និង ហាមឃាត់ចំពោះការដាក់អន្ទាក់ ការចិញ្ចឹមសត្វព្រៃខុសច្បាប់ និងការបរបាញ់សត្វព្រៃគ្រប់ប្រភេទនៅក្នុងតំបន់ ការពារធម្មជាតិ ។
រដ្ឋបាលខេត្តមណ្ឌលគិរី សង្ឃឹមយ៉ាងមុតមាំថា លោក លោកស្រី ដែលជាម្ចាស់ភោជនីយដ្ឋាន អាហារដ្ឋាននិងរមណីយដ្ឋានទេសចរណ៍ទាំងអស់ត្រូវអនុវត្តន៍តាមសេចក្តីណែនាំរនញងប្រសិទ្ធគ្នាពខ្ពស់៕ ដោយ៖កូឡាប