បាត់ដំបង ៖ បុរសចំណាស់ម្នាក់វ័យប្រហែល៦០ឆ្នាំ តែនៅមានតម្រេកតណ្ហាខ្លាំង បានលួងលោមនាងក្រមុំម្នាក់រស់នៅផ្ទះក្បែរគ្នា យកទៅរំលោភនៅក្នុងព្រៃបានសម្រេចចំនួន ៣ លើក តែចុងក្រោយ បែកធ្លាយដល់ម្តាយនាង ក៏ប្តឹងទៅសមត្ថកិច្ចធ្វើការឃាត់ខ្លួនតែម្តង កាលពីថ្ងៃទី១៨ ខែសីហា ឆ្នាំ២០២០។
ជនសង្ស័យឈ្មោះ ហេង អាយុ ៦០ ឆ្នាំ រស់នៅឃុំបួរ ស្រុកភ្នំព្រឹក ។ ចំណែកនាងក្រមុំរងគ្រោះឈ្មោះ ស ស ឡ អាយុ ២៤ ឆ្នាំ នៅផ្ទះក្បែរគ្នា។
នៅចំពោះមុខសមត្ថកិច្ច នាង ស ស ឡ បានបញ្ជាក់ឲ្យដឹងថា កាលពីថ្ងៃទី២៣ ខែកក្កដា ឆ្នាំ២០២០ កន្លងទៅ នៅវេលាម៉ោងប្រហែល ១២ ថ្ងៃត្រង់ ខណៈនាងនៅផ្ទះជាមួយប្អូនស្រី ស្រាប់តែតា ហេង បានដើរមកបបួលនាងទៅក្រោយផ្ទះចម្ងាយប្រហែល ៣០ ម៉ែត្រ ដោយប្រាប់ថាមានការបន្តិច។ ប៉ុន្តែ លុះដល់កន្លែងកើតហេតុ តា ហេង ស្រាប់តែឱបថើប និងបបោសអង្អែលសព្វលើខ្លួនប្រាណធ្វើឲ្យនាងស្រៀវស្រើបយ៉ាងខ្លាំង ហើយបន្ទាប់មកក៏បានធ្វើសកម្មភាពរំលោភសេពសន្ថវៈលើរូបនាងរហូតបានសម្រេចតែម្តង។
នាង ស ស ឡ បន្តថា ក្រោយពីរំលោភបានម្តង តាហេង ក៏បានហៅនាងទៅកន្លែងចាស់រំលោភជាលើកទី២ នៅវេលាថ្ងៃត្រង់អំឡុងខែកក្កដា ដដែល និងលើកទី៣ថ្មីៗនេះ នៅថ្ងៃទី១៥ ខែសីហា វេលាម៉ោងប្រហែល ៥ ល្ងាច នៅកន្លែងដដែលទៀត ដោយតាហេង តែងយកកម្រាលមកក្រាលចាំទុករួចស្រេច។
ទោះយ៉ាងណា ក្រោយរឿងនេះបែកធ្លាយ ឪពុកម្តាយរបស់នាងក៏បានទៅដាក់ពាក្យប្តឹងសមត្ថកិច្ចតែម្តង នៅថ្ងៃទី១៦ ខែសីហា ឆ្នាំ២០២០។ នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានប្រព្រឹត្តដូចការចោទប្រកាន់ខាងលើនេះប្រាកដមែន៕ ដោយ៖ លឹម ហុង
