នេះជាខណៈពេលដ៏ស្លុតរន្ធត់មួយ ដោយនារីស្រស់ស្អាតម្នាក់ ត្រូវបានចោរម្នាក់ជិះម៉ូតូធ្វើសកម្មភាពឆក់ខ្សែកបានសម្រេច ហើយនាងត្រូវរងរបួសធ្ងន់ធ្ងរគួរឲ្យអាសូរខ្លាំងបំផុត បន្ទាប់ពីរត់ដេញតាមចោរដែលបានឆក់នាងពីផ្ទះលក់ដូរអីវ៉ាន់ចាប់ហួយរបស់នាង។
តាមគណនីហ្វេសប៊ុកឈ្មោះថា Ake Srisuwan កាលពីថ្ងៃទី១០ ខែសីហា ឆ្នាំ២០២០ បានបង្ហោះឲ្យដឹងថា ប៉ូលិសនៅក្នុងខេត្ត Ayuthaya ប្រទេសថៃ បានទទួលរបាយការណ៍ពីករណីចោរឆក់ខ្សែកពីនារីស្រស់ស្អាតម្នាក់ឈ្មោះ Napa Phen Chusriying អាយុ ២៧ ឆ្នាំ បានសម្រេច និងបណ្តាលឲ្យនាងរបួសដាច់រលាត់ដៃជើងយ៉ាងធ្ងន់ធ្ងរ។
កញ្ញា Naphaphen បានប្រាប់ប៉ូលិសឲ្យដឹងថា ខណៈនាងកំពុងអង្គុយលក់ដូរនៅមុខផ្ទះ ស្រាប់តែមានបុរសម្នាក់ជិះម៉ូតូហុងដាវេវ ម៉ូដែល 110 ពណ៌ខៀវ-ខ្មៅ ពុំស្គាល់ផ្លាកលេខ ពាក់មួកសុវត្ថិភាព និងម៉ាស់មុខ ដោយធ្វើជាចូលមកទិញរបស់របស់ និងនៅពេលនោះចោររូបនេះក៏ស្រាប់តែធ្វើសកម្មភាពឆក់ខ្សែពីនាងតែម្តង។ ភ្លាមៗនោះ នាងបានព្យាយាមតោងម៉ូតូរបស់វាជាច្រើនម៉ែត្រ ដែលបណ្តាលឲ្យអស់ជំហដួលផ្កាប់មុខទៅនឹងដីតែម្តង។
នាងបានបញ្ជាក់ថា ខ្សែកដែលចោរនោះឆក់យកទៅមានតម្លៃជាង ៥ ម៉ឺនបាត ហើយលទ្ធផលដេញតាមចោរ ព្រោះតែចង់តាមយកខ្សែមកវិញ គឺបណ្តាលនាងត្រូវរបួសធ្ងន់ធ្ងរនៅត្រង់ក្បាលជង្គង់ និងស្មងជើង៕ ដោយ៖ លឹម ហុង
