វីដេអូមួយឃើញថាបានកំពុងទទួលការចាប់អារម្មណ៍ និងចែករំលែកតៗគ្នាយ៉ាងច្រើនតែម្តង ដោយបង្ហាញពីទិដ្ឋភាពគ្រោះថ្នាក់ចរាចរណ៍ដ៏ស្រៀវៗសាច់ រវាងរថយន្តនិងរថយន្តបុកគ្នា នៅត្រង់កន្លែងចំនុចផ្លូវប្រសព្វមួយកន្លែង ដែលដល់ថ្នាក់ប្រជាពលរដ្ឋនៅតំបន់នោះដាក់ឈ្មោះថា «ផ្លូវបំបែកមរណៈ»។
អ្វីដែលធ្វើឲ្យអ្នកលេងអ៊ិនធឺណិតគ្រប់ៗគ្នា មានការភ្ញាក់ផ្អើល និងចាប់អារម្មណ៍នោះ គឺត្រង់ថា រាល់កើតមានករណីគ្រោះថ្នាក់ចរាចរណ៍នៅទីនោះម្តងៗ គេតែងតែឃើញសត្វឆ្កែ២ក្បាលដដែលៗ បានបង្ហាញមុខភ្លាមៗតែម្តង ដែលពិតជាចម្លែកខ្លាំងមែនទែន។
ជុំវិញរឿងដ៏គួរឲ្យព្រឺក្បាលនេះផងដែរ បើតាមប្រភពជាច្រើនបាននិយាយថា អ្នកស្រុករស់នៅតំបន់នោះ បានចាត់ទុកសត្វឆ្កែ២ក្បាលនេះជាភ្ញាក់ងារកំពុងអនុវត្តភារកិច្ច “សង្កេតការណ៍ និងវាយតម្លៃហេតុការណ៍” ពីបញ្ហាគ្រោះថ្នាក់ចរាចរណ៍នៅផ្លូវបំបែកនេះ ព្រោះថាករណីបែបនេះបានកើតមានជាយូរមកហើយ ពោលគឺមិនថាមេឃភ្លៀងខ្យល់ ថ្ងៃ ឬយប់នោះទេ ហើយនៅរាល់ពេលកើតមានគ្រោះថ្នាក់នេះឡើង គឺពួកវាតែងទៅដល់កន្លែងកើតហេតុភ្លាមៗតែម្តង។
សូមបញ្ជាក់ផងដែរ ចំពោះទីកន្លែងកើតហេតុខាងលើនេះ ត្រូវបានគេដឹងថាបានកើតឡើងនៅក្នុងប្រទេសវៀតណាម៕ ដោយ៖ លឹម ហុង