ព្រៃវែង ៖ កម្លាំងជំនាញនគរបាលខេត្តព្រៃវែង និងកម្លាំងជំនាញអធិការដ្ឋាននគរបាលស្រុកបាភ្នំ បានសហការជាមួយកម្លាំងនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ
នៅថ្ងៃទី22 សីហា 2020 វេលាម៉ោង 20នឹង00នាទី បានធ្វើការឃាត់ខ្លួនជនសង្ស័យម្នាក់ ទៅវាយសម្លាប់នារីម្នាក់រួចយកសពទម្លាក់ចូលក្នុងប្រឡាយទឹកដើម្បីបំបិតភស្តុតាង។
ដោយមានការដឹកនាំ ចង្អុលបង្ហាញពីលោកឧត្តមសេនីយ៍ត្រី ព្រុំ សន្ធរស្នងការ នគរបាលខេត្ត លោក ឧត្តមសេនីយ៍ត្រី ពៅ ជីវី និង លោក វរសេនីយ៍ឯក នៅ ហាច ស្នងការរង នគរបាលខេត្តព្រៃវែងបានដឹកនាំផ្ទាល់ក្នុងការស្រាជ្រាវបង្ក្រាប ករណី ឃាតកម្ម លើស្ត្រីម្នាក់នៅចំណុចប្រឡាយទឹក ភូមិស្វាយតានី ឃុំបឹងព្រះ ស្រុកបាភ្នំ កាលពីថ្ងៃទី១៩ សីហា ២០២០ វេលាម៉ោង១៩និង៣០នាទី ។
ដោយមានកម្លាំងជំនាញនគរបាលខេត្តព្រៃវែង និងកម្លាំងជំនាញអធិការដ្ឋាននគរបាលស្រុកបាភ្នំ បានសហការជាមួយកម្លាំងនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ នៅថ្ងៃទី22 សីហា 2020 វេលាម៉ោង 20នឹង00នាទី បានធ្វើការឃាត់ខ្លួនជនសង្ស័យ ម្នាក់ឈ្មោះ អ៊ឹម រ័ត្ន ហៅឆ្អឹង ភេទប្រុស អាយុ 20 ឆ្នាំភូមិប្រស្រែ ឃុំបឹងព្រះ ស្រុកបាភ្នំ ។ ឃាត់ខ្លួននៅចំណុចបេនឡាន ក្នុងសង្កាត់វត្តភ្នំ ខណ្ទដូនពេញ រាជធានីភ្នំពេញ។ ជនសង្ស័យឃាត់ខ្លួន នៅអធិការដ្ឋាននគរបាលស្រុកបាភ្នំ ដើម្បីកសាងសំណុំរឿងតាមនីតិវិធី។
បើតាមរបាយការណ៍របស់នគរបាលព្រហ្មទណ្ឌកម្រិតស្រាលបានឲ្យដឹងថា ករណីរំលោភសម្លាប់ស្ដ្រីម្នាក់ នៅស្រុកបាភ្នំ ខេត្តព្រៃវែង ត្រូវកម្លាំងនាយកដ្ឋាននគរបាលព្រហ្មទណ្ឌ ស្រាវជ្រាវបង្ក្រាបបានជនដៃដល់ហើយ៊
នៅថ្ងៃទី១៩ ខែសីហា ឆ្នាំ២០២០ មានករណី ឃាតកម្ម(រំលោភសម្លាប់) ត្រង់ចំណុចភូមិស្វាយតានី ឃុំបឹងព្រះ ស្រុកបាភ្នំ ខេត្តព្រៃវែង ។
បើយោងតាមពាក្យបណ្តឹងឈ្មោះ អ៊ឹង ប៉ាង ភេទស្រី អាយុ៦៥ឆ្នាំ ត្រូវជាម្ដាយរបស់ជនរងគ្រោះ បានអោយដឹងថា នៅថ្ងៃទី១៩ ខែសីហា ឆ្នាំ២០២០ វេលាម៉ោង១៧:៣០នាទី ឈ្មោះ អ៊ឹម រ័ត្ន ភេទប្រុស អាយុ២០ឆ្នាំ ជនជាតិខ្មែរ បានមកឌុបជនរងគ្រោះឈ្មោះ ឌឹម ផង់ ភេទស្រី អាយុ២៦ឆ្នាំ ជនជាតិខ្មែរ ជាមួយម៉ូតូ០១គ្រឿង ចេញទៅទិសខាងកើតទៅបាត់ ។ ស្រាប់តែនៅថ្ងៃទី២១ ខែសីហា ឆ្នាំ២០២០ ក៏ប្រទះឃើញសាកសពជនរងគ្រោះតែម្តង ។
បន្ទាប់ពីធ្វើការស្រាវជ្រាវ និងកំណត់មុខសញ្ញា នៅថ្ងៃទី២២ខែសីហាឆ្នាំ២០២០ វេលាម៉ោង៧និង៥០នាទី កម្លាំងនាយកដ្ឋាននគរបាលព្រហ្មទណ្ឌដឹកនាំដោយ លោកវរសេនីយឯក ខេង ម៉េងឈាង នាយការិយាល័យព្រហ្មទណ្ឌកំរិតស្រាល ដឹកនាំកម្លាំងស្នងការដ្ឋាននគរបាលខេត្តព្រៃវែង បង្ក្រាបករណីខាងលើ ឃាត់ខ្លួនបានជនសង្ស័យឈ្មោះឈ្មោះ អ៊ឹម រ័ត្ន ហៅឆ្អឹង ភេទប្រុស អាយុ២០ឆ្នាំ ស្នាក់នៅភូមិប្រស្រែ ឃុំបឹងព្រះ ស្រុកបាភ្នំ ខេត្តព្រៃវែង ត្រង់ចំណុច សង្កាត់ស្រះចក ខណ្ឌដូនពេញ រាជធានីភ្នំពេញ ដើម្បីយកមកធ្វើការសាកសួរ។
សំភារៈដកហូតរួមមាន៖ ទូរស័ព្ទ០១គ្រឿង ម៉ាក LG V20 ពណ៌ខ្មៅ និងកាបូបប្រាក់ ចំនួន០១។
បន្ទាប់ពីធ្វើការសាកសួរជនសង្ស័យបានសារភាពថា ខ្លួនពិតជាបានលួងលោម និងបង្ខំនារីរងគ្រោះឈ្មោះ ឌឹម ផង់ ភេទស្រី អាយុ២៦ឆ្នាំ ជនជាតិខ្មែរ ស្នាក់នៅ ភូមិតាពេជ្រត្បូង ឃុំរក្សជ័យ ស្រុកបាភ្នំ ខេត្តព្រៃវែងរំលោភ ប៉ុន្តែនារីជនរងគ្រោះមិនព្រម ទើបខ្លួនសម្រេចចិត្ត វាយ និងចាប់ជ្រមុជទឹកសម្លាប់បំបិទមាត់ ប្រាកដមែន ។
បច្ចុប្បន្ននាយកដ្ឋាននគរបាលព្រហ្មទណ្ឌ បានប្រគល់ជនសង្ស័យ និងសម្ភារដកហូត ជូនកម្លាំងស្នងការដ្ឋាននគរបាលខេត្តព្រៃវែង ដែលមានលោកវរសេនីយ៍ឯក នៅ ហាច អ្នកមកទទួល ដើម្បីសាកសួរបន្ត និងចាត់ការតាមនីតិវិធី៕ ដោយ៖បញ្ញាស័ក្តិ