ភ្នំពេញ៖ ភិក្ខុ ឡុងចន្ថា បន្ទាប់ពីមានរឿងអាស្រូវស្នេហាជាមួយស្រីក្មេងហើយបានភៀសព្រះកាយការពូនសម្ងំកន្លែងស្ងប់ស្ងាត់មួយ បាត់មួយរយៈធំ ឥឡូវបានចេញមកជាថ្មីម្ដងទៀតដោយស្នើសុំសម្ដេចតេជោនាយករដ្ឋមន្ត្រីក៏ដូចជារដ្ឋមន្ត្រីក្រសួងធម្មការនិងសាសនាដើម្បីលើកលែងទោសចំពោះកំហុសឆ្គងនាពេលកន្លងមកដោយព្រះសង្ឃឡុងចន្ថាក៏បានអរគុណយ៉ាងជ្រាលជ្រៅជាទីបំផុតចំពោះខុទ្ទកាល័យសម្ដេចនាយករដ្ឋមន្ត្រី។
ក្រោយពីបែកធ្លាយសារសំឡេងញ៉ែស្រីញី ព្រះសង្ឃ ឡុង ចន្ថា បានធ្វើលិខិតទទួលកំហុសនៅមុខមន្ត្រីសង្ឃ និងសន្យាសឹកនៅថ្ងៃទី១៤ ខែឧសភា ឆ្នាំ២០២០នេះ ។ ស្រាប់តែមុននេះ បន្តិច សង្ឃឡុង ចន្ថា បានប្តូរចិត្តមិនសឹកវិញ ក្រោមហេតុផលមិនទាន់អស់និស្ស័យនឹងភេទអ្នកបួស។
ភិក្ខុ ឡុង ចន្ថា នៅថ្ងៃទី ២៣ ខែសីហាឆ្នាំ ២០២០បានចេញសារជាថ្មីម្ដងទៀតនៅលើបណ្តាញ facebook ហើយបានរៀបរាប់ថា អាត្មាភាព ភិក្ខុឡុងចន្ថា សូមអរគុណយ៉ាងខ្លាំងបំផុតចំពោះញោម សម្តេចអគ្គមហាសេនា បតី តេជោ ហ៊ុនសែន នឹង សូមដឹងគុណជានិច្ចគោរពស្រឡាញ់គាំទ្រមិនកែប្រែជួនពរសម្តេចមានសុខភាពល្អបន្តដឹកនាំប្រទេសកម្ពុជានាំមកនៅសុខសន្តិភាពតរៀងទៅ ។
ភិក្ខុ ឡុង ចន្ថា ក៏សូមអរគុណញោមនាយកខុទ្ទកាល័យផងដែ ដែលញោមជួយរកយុត្តិធម៌ សម្រាប់អាត្មាភាព ភិក្ខុ ឡុង ចន្ថា ឲ្យបានគង់នៅបន្តភេទជាអ្នកបួសបន្ត អរគុណញោមខ្លាំងណាស់ សង្ឃឹមថាអ្វីៗនឹងល្អប្រសើ ។
យោងតាមដីកាបញ្ជូនរបស់ខុទ្ទកាល័យ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដែល ធ្វើឡើងថ្ងៃទី ១ ខែមិថុនាឆ្នាំ ២០២០ គោរពជូន ៖ ឯកឧត្តមរដ្ឋមន្ត្រី ក្រសួងធម្មការ និងសាសនា ដើម្បីសំណើ លិខិតចុះថ្ងៃទី ១ ខែ មិថុនា ឆ្នាំ២០២០ របស់ឈ្មោះ ជា លេងហាក់ , លាភ សៅលី, សុក អយ, ថា ប៊ុនរ៉ុង និង ទុយ សុខខេង តំណាងអោយអាចារ្យគណៈកម្មការ តាជី យាយជី ពុទ្ធបរិស័យចំណុះជើងវត្តភ្នំបូរី ស្រុកអង្គរបូរី ខេត្តតាកែវ គោរពជូន សម្តេចតេជោនាយករដ្ឋមន្ត្រី សំណើ សូមអោយសម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា ដើម្បីឲ្យភិក្ខុ ឡុង ចន្ថា បន្ដភេទជាបព្វជិតតទៅទៀត ដោយហេតុថាព្រះអង្គមិនទាន់អស់និស្ស័យជាមួយព្រះពុទ្ធសាសនា។
គណៈកម្មាធិកាអាច្យារវត្តភ្នំបូរី ស្រុកអង្គបូរី និយាយថា ព្រះសង្ឃ ឡុង ចន្ថា មិនបានគង់ក្នុងវត្តភ្នំបូរីនេះ ដើម្បីសឹកតបតាមការសរសេលាយលក្ខណ៍អក្សរ ដែលព្រះអង្គសរសេរផ្ទាល់ដៃថា សឹកនៅថ្ងៃទី ១៤ ខែឧសភា នេះទេ ។ ភិក្ខុ ឡុង ចន្ថា ត្រូវបានក្រុមគ្រួសារ នាំទៅស្រុកកំណើតចេញពីវត្តនេះហើយ ។
សូមបញ្ជាក់បន្ថែម តាមហ្វេសប៊ុកផ្ទាល់ខ្លួន របស់ព្រះអង្គឡុង ចន្ថា ផ្ទាល់ គឺលោកមិនទាន់អស់និស័យ្សនឹងព្រះទេ។ សង្ឃ ឡុង ចន្ថា អះអាងថា លោកគ្រាន់តែប្រើពាក្យសម្តីលេងសើចជាមួយនារីម្នាក់នោះ តែពុំធ្លាប់បានប៉ះពាល់រាងកាយនាងឡើយ ។
សូមបញ្ជាក់ថា ភិក្ខុ ឡុង ចន្ថា គង់នៅវត្តភ្នំបុរី ឃុំព្រែកផ្ទោល ស្រុកអង្គរបុរី ខេត្តតាកែវ កាលពីរសៀលថ្ងៃទី៤ ឧសភា ឆ្នាំ២០២០ បានសម្រេចចិត្តលាចាកសិក្ខាបទដោយខ្លួនឯង ក្រោយមានការបែកធ្លាយវីដេអូឆាតញ៉ែស្រីតាម Faceb ook ។ ក្នុងកិច្ចសន្យាដែលបានធ្វើឡើងនៅវត្តតុំ ជាវត្តព្រះមេគណ មានទីតាំងនៅភូមិតុំ សង្កាត់រកាក្រៅ ស្រុកដូនកែវ ភិក្ខុ ឡុង ចន្ថា មានសង្ឃដីកាថា បើគិតជាទោសក្នុងព្រះវិន័យមិនដល់ថ្នាក់សឹកទេ ប៉ុន្តែកុំឱ្យខូចតម្លៃព្រះពុទ្ធសាសនា ភិក្ខុ ឡុងចន្ថា សម្រេចលាចាកសិក្ខាបទដោយខ្លួនឯង នៅថ្ងៃទី១៤ ខែឧសភា ឆ្នាំ២០២០ខាងមុខនេះ ប៉ុន្តែរហូតទល់ពេលនេះ(២៣សីហា) ព្រះអង្គមិនទាន់លាចាកសិក្ខាបទនៅឡើយ ហើយក៏ពុំដឹងថាគង់នៅទីណានោះទេ។
ភិក្ខុ ឡុង ចន្ថា ទទួលរងការរិះគន់ខ្លាំងៗពីមហាជន រឿងដែលលោកលួចទាក់ទងនិងប្រើពាក្យលែបខាយក្នុងន័យស្នេហាជាមួយនារីម្នាក់ តាមបណ្តាញសង្គម ។
នៅថ្ងៃទី៤ ខែឧសភា សម្តេចសង្ឃ នន្ទ ង៉ែត សម្តេចគណៈសង្ឃនាយក បានស្នើឲ្យមេគណខេត្តតាកែវ និមន្តភិក្ខុ ឡុង ចន្ថា ចូលទៅដោះស្រាយក្នុងរឿងអាស្រូវដែលផ្ទុះឡើងនេះ ។ ក្រោយឆ្លងកាត់ការដោះស្រាយជាមួយគ្នាព្រះសង្ឃ ឡុង ចន្ថា ក៏សរសេរកិច្ចសន្យាពីការសុខចិត្តលាចាកសិក្ខាបទដោយខ្លួនឯង ៕ ដោយ៖ កូឡាប