ព្រះសីហនុ៖ លោកឧត្ដមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានថ្លែងប្រាប់សារព័ត៌មាននៅរសៀលថ្ងៃទី ២៤ ខែ សីហា ឆ្នាំ ២០២០ នេះថា សមត្ថកិច្ចជំនាញរបស់លោកបានអញ្ជើញជនរងគ្រោះមកបំភ្លឺបន្ថែម ពាក់ព័ន្ធនឹងបណ្ដឹងប្ដឹង ឧកញ៉ា ភិរម្យ វិចិត្រដារ៉ា ពីបទហឹង្សាដោយចេតនា ។
លោកស្នងការនគរបាលខេត្តព្រះសីហនុ បានឲ្យដឹងថា បន្ទាប់ពីសាកសួរបំភ្លឺរបស់ជនរងគ្រោះឈ្មោះ គឹម ចាន់សុធី ភេទស្រី អាយុ២៧ឆ្នាំរួចហើយ លោកស្នងការនឹងសុំគោលការណ៍ព្រះរាជអាជ្ញា កោះហៅ ឧកញ៉ា ភិរម្យ វិចិត្រដារ៉ា ចូលខ្លួនបំភ្លឺនៅពេលឆាប់ៗខាងមុខនេះ ៕ដោយ៖កូឡាប