យុវជនខ្មែរម្នាក់ បាននិងកំពុងបង្កឲ្យមានការរិះគន់កក្រើកបណ្តាញសង្គមតែម្តង បន្ទាប់ពីបានប្រូម៉ូតសិន (Promotion) សៀវភៅជាសា្នដៃមួយគ្មានពីររបស់ខ្លួន ជាភាសាអង់ភ្លេសសរសេរជាសូរសព្ទខ្មែរ ដាក់លក់ជាសាធារណៈតាមរយៈទំព័រហ្វេសប៊ុករបស់ខ្លួនឈ្មោះថា Dara Ly Book។
ឆ្លើយតបទៅនឹងការបោះពុម្ពសៀវភៅបែបនេះ ត្រូវបានអ្នកអភិរក្សអក្សរសាស្ត្រខ្មែរជាច្រើន បានយល់ឃើញថា វានឹងធ្វើឲ្យកូនខ្មែរជំនាន់ក្រោយកាន់តែភ្លេចប្រើប្រាស់អក្សរសាស្ត្រជាតិរបស់ខ្លួនហើយ ខណៈពេលដែលបច្ចុប្បន្ននេះ គេតែងតែសង្កេតឃើញអ្នកប្រើប្រាស់បណ្តាញសង្គមមួយចំនួន ជាពិសេសយុវវ័យៗនាំគ្នាមិនសរសេរអក្សរខ្មែរទេ តែសរសេរអក្សរអង់គ្លេសជាសូរសព្ទខ្មែរព្រោងព្រាត។
លោកផែង វណ្ណៈ បានសរសេរសារក្នុងផេកហ្វេសប៊ុកថា “យុវជនរូបនេះកំពុងបោះពុម្ពសៀវភៅ ជាភាសាអង់គ្លេសតែ សរសេរជា សូរសព្ទខ្មែរ ដាក់លក់ជាសាធារណៈ និង បង្ហោះលក់តាមបណ្ដាញសង្គមហ្វេសប៊ុក Dara Ly Book ទៀតផង ។
ការបោះពុម្ពសៀវភៅបែបនេះត្រូវបានអ្នកអភិរក្សអក្សរសាស្ត្រខ្មែរ យល់ឃើញថា នឹងធ្វើឲ្យក្មេងៗជំនាន់ក្រោយកាន់តែភ្លេចប្រើប្រាស់អក្សរសាស្ត្រជាតិរបស់ខ្លួន ។ ជាពិសេសបច្ចុប្បន្ន នៅលើបណ្ដាញសង្គមហ្វេសប៊ុក មានបងប្អូនមួយចំនួនមិនសរសេរអក្សរខ្មែរទេ តែសរសេរអក្សរអង់គ្លេសតែសូរសព្ទខ្មែរវិញ ។ ដូច្នេះសូមសមត្ថកិច្ចនគរបាលក្រសួងមហាផ្ទៃ និង ក្រសួងព័ត៌មាន និង ក្រសួងអប់រំ យុវជន និង កីឡា មេត្តាពិនិត្យមើលករណីនេះផង ។ តើការបោះពុម្ពនេះមានការអនុញ្ញាតពីក្រសួងព័ត៌មានដែរឬទេ ?”។
ទន្ទឹមនេះផងដែរ ក្រោយពីបានឃើញបែបនេះ អ្នកលេងហ្វេសប៊ុក៩៩.៩% បាននាំគ្នាប្រតិកម្មយ៉ាងចាស់ៗដៃថា៖ «គួរតែយកសៀវភៅនេះទៅដុតចោលឲ្យអស់ទៅ ទុកនៅកើតជាជំងឺសង្គម ដល់ក្មេងជំនាន់ក្រោយទេ, នៅជិតអី២០ជើងរាប់១ហ្មងហា, អាហ្នឹងគេហៅថាអាអត់ប្រយោជន៍, ចេះច្រើនពេកបែកអស់ហើយ, ដល់ទៅរៀនចេះដឹងជ្រុលពេកចូលលក្ខណៈបែកបាត់ សង្សយ័បងអាចារ្យធំរ៉េបម៉ាឃ្លីបអោយស្តាប់ឥលូវហើយ» និងមានពាក្យរិះគន់ជាច្រើនទៀតរាប់មិនអស់នោះទេ។
ហេតុដូច្នេះ សូមក្រសួងពាក់ព័ន្ធពិសេសក្រសួងព័ត៌មាននិងក្រសួងអប់រំយុវជននិងកីឡា មេត្តាពិនិត្យមើលករណីនេះផង៕ ដោយ៖ លឹម ហុង