កំពង់ឆ្នាំង ៖ កម្លាំងមូលដ្ឋានកងរាជអាវុធហត្ថស្រុកបរិបូរណ៍ សហការជាមួយកម្លាំងជំនាញរដ្ឋបាលព្រៃឈើសង្កាត់បរិបូណ៍ បានចុះធ្វើការឃាត់រថយន្តដឹកឈើខុសច្បាប់ ១ គ្រឿង ម៉ាក Lexus RX300 (អ្នកបើកបររត់គេចខ្លួនបាត់) ដោយចាប់វត្ថុតាងឈើប្រណិតប្រភេទលេខ ១ សុក្រម ចំនួន ១៦ ដុំ ស្មើនឹង ០,៧២៦ ម៉ែត្រគូប ។
បើតាមរបាយការណ៍របស់កម្លាំងមូលដ្ឋានកងរាជអាវុធហត្ថស្រុកបរិបូរណ៍ បានឲ្យដឹងថា កាលពីវេលាម៉ោង ១០និង៣០ នាទី ថ្ងៃទី ២៦ ខែសីហា ឆ្នាំ២០២០ នៅចំណុចភូមិសាឡង់ ឃុំចក ស្រុកបរិបូណ៌ កម្លាំងមូលដ្ឋានកងរាជអាវុធហត្ថស្រុកបរិបូរណ៍ចំនួន ០៥ នាក់ មធ្យោបាយមានរថយន្ត ០១ គ្រឿង ដឹកនាំដោយលោកអនុសេនីយ៍ឯក ស៊ឹម ផល្លី មេបញ្ជាការរងស្រុក សហការជាមួយកម្លាំងជំនាញរដ្ឋបាលព្រៃឈើសង្កាត់បរិបូណ៍ បានចុះធ្វើការឃាត់រថយន្តដឹកឈើខុសច្បាប់ ០១ គ្រឿង ម៉ាក Lexus RX300 ចំនួន ០១ គ្រឿង ពណ៌ទឹកមាស ពាក់ស្លាកលេខ ភ្នំពេញ 2R-8304 (អ្នកបើកបររត់គេចខ្លួនបាត់) ។
វត្ថុតាងដកហូតរួមមាន ឈើប្រណិតប្រភេទលេខ ១ (សុក្រម) ចំនួន ១៦ ដុំ ស្មើនិង ០,៧២៦ ម៉ែត្រគូប ។
បច្ចុប្បន្នវត្ថុតាងប្រគល់ជូនសង្កាត់រដ្ឋបាលព្រៃឈើស្រុកដើម្បីអនុវត្តនិតិវិធីបន្ត៕ ដោយ៖បញ្ញាស័ក្តិ
