ភ្នំពេញ៖ ឆ្លើយតបទៅនឹងពាក្យបណ្តឹងរបស់ឪពុកម្ដាយចំនួន ១៥គ្រួសារ ដែលទារករបស់ពួកគេត្រូវបានសម្រាកព្យាបាល នៅមន្ទីរពេទ្យដោយសារបញ្ហាស្លេកស្លាំង និងកង្វះជាតិដែកនោះ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានអះអាងថា លទ្ធផលនៃការវិភាគបានបង្ហាញថា បរិមាណជាតិដែកនិងជាតិស័ង្កសីជាក់ស្តែងដែលមាននៅក្នុងសំណាក ផលិតផលម្សៅទឹកដោះគោ Nutrilatt ដែលមានលេខកូដ ៤៨៧, ៤៨៨, ៥៣៦, ៥៣៧, ៥៣៨ និង ៥៣៩ មាន កម្រិតទាបឆ្ងាយយ៉ាងខ្លាំងពីបរិមាណដែលបានបញ្ជាក់នៅលើស្លាកសញ្ញាផលិតផល ពោលគឺកម្រិតជាតិដែក មានចំនួន ២០ដង តិចជាងចំនួនជាតិដែក ដែលបានបញ្ជាក់នៅលើស្លាកសញ្ញាផលិតផល។
នៅ ថ្ងៃទី២៦ ខែសីហា ឆ្នាំ២០២០ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំសេចក្តីប្រកាសព័ត៌មានថា ការវិភាគលើសំណាកគំរូម្សៅទឹកដោះគោម៉ាក Nutrilatt ដែលមានលេខកូដ៤៨៧ ,៤៨៨, ៥៣៦, ៥៣៧, ៥៣៨ និង ៥៣៩ ដោយមន្ទីរពិសោធន៍ឯករាជ្យ និងទទួលស្គាល់ជាអន្តរជាតិមួយបានបង្ហាញថា ជាតិដែកមានកម្រិត ទាបស្ថិតក្នុងស្ថានភាពដ៏គ្រោះថ្នាក់ខ្លាំងដល់សុខភាពទារក។
ឆ្លើយតបទៅនឹងពាក្យបណ្តឹងរបស់ឪពុកម្ដាយចំនួន ១៥គ្រួសារ ដែលទារករបស់ពួកគេត្រូវបានសម្រាកព្យាបាល នៅមន្ទីរពេទ្យដោយសារបញ្ហាស្លេកស្លាំង និងកង្វះជាតិដែក អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៃក្រសួងពាណិជ្ជកម្ម បានសហការជាមួយ អង្គការហេឡែន ខេលល័រ អន្តរជាតិ (HKI) បានស្នើសុំការជួយគាំទ្រផ្នែកបច្ចេកទេសនិងហិរញ្ញវត្ថុពី គម្រោងសិក្សាស្រាវជ្រាវការចិញ្ចឹមទារកនិងកុមារ របស់ HKI ក្នុងការវិភាគទៅលើសំណាកគំរូម្សៅទឹកដោះគោ ដែលបានចែកចាយដោយក្រុមហ៊ុន NUTRILATT MASTER LM Co,. LTD.។ តាមរយៈកិច្ចសហការនេះ សំណាកគំរូនៃផលិតផលម្សៅទឹកដោះគោម៉ាក Nutrilatt ចំនួន៣០កំប៉ុង ត្រូវបានបញ្ជូនទៅកាន់មន្ទីរពិសោធន៍ឯករាជ្យមួយនៅប្រទេសសិង្ហបុរី ឈ្មោះ Eurofins Food Testing Singapore Pte Ltd ដែលជាមន្ទីរពិសោធន៍មានការទទួលស្គាល់ជាអន្តរជាតិតាមស្តង់ដារ ISO/IEC 170252017 ដើម្បីវិភាគរកកម្រិតជាតិដែក និងជាតិ ស័ង្កសី។ នៅថ្ងៃថ្ងៃពុធ ៨កើត ខែភទ្របទ ឆ្នាំជូត ទោស័ក ព.ស.២៥៦៤ ថ្ងៃទី២៦ ខែសីហា ឆ្នាំ២០២០អគ្គ នាយកដ្ឋាន ក.ប.ប. បានរៀបចំកិច្ចប្រជុំមួយ ដោយមានការចូលរួមពីតំណាងក្រុមហ៊ុន NUTRILATT MASTER LM Co,. LTD. តំណាងគ្រួសារទារករងគ្រោះចំនួន ១៩នាក់ អង្គការ WHO អង្គការ UNICEF ជាមួយអង្គការ Hellen Keller International (HKI) តំណាងមជ្ឈមណ្ឌលជាតិគាំពារមាតានិងទារក ក្នុងការ បើកស្រោមសំបុត្រពិនិត្យរួមគ្នាលើលទ្ធផលនៃការវិភាគលើសំណាកគំរូ ហើយជាលទ្ធផលត្រូវបានបង្ហាញដូច ខាងក្រោម៖
តារាងប្រៀបធៀបកម្រិតជាតិដែក និងស័ង្កសី ដែលប្រកាសដោយក្រុមហ៊ុន NUTRILATT MASTER LM OO LTD. និងលទ្ធផលវិភាគរបស់មន្ទីរពិសោធន៍ឯករាជ្យ និងទទួលស្គាល់ជាអន្តរជាតិ (Independenty and Internationally Accredited Laboratory)។
លទ្ធផលនៃការវិភាគបានបង្ហាញថា បរិមាណជាតិដែកនិងជាតិស័ង្កសីជាក់ស្តែងដែលមាននៅក្នុងសំណាក ផលិតផលម្សៅទឹកដោះគោ Nutrilatt ដែលមានលេខកូដ ៤៨៧, ៤៨៨, ៥៣៦, ៥៣៧, ៥៣៨ និង ៥៣៩ មាន កម្រិតទាបឆ្ងាយយ៉ាងខ្លាំងពីបរិមាណដែលបានបញ្ជាក់នៅលើស្លាកសញ្ញាផលិតផល ពោលគឺកម្រិតជាតិដែក មានចំនួន ២០ដង តិចជាងចំនួនជាតិដែក ដែលបានបញ្ជាក់នៅលើស្លាកសញ្ញាផលិតផល ហើយចំណែកជាតិ ស័ង្កសីវិញមានចំនួនតែពាក់កណ្តាលប៉ុណ្ណោះ ទៅនឹងអ្វីដែលបានបញ្ជាក់នៅលើស្លាកសញ្ញា។ សម្រាប់ក្រុមអាយុទារកទាំងពីរខាងលើនេះ ផលិតផល Nutrilatt មិនបានបំពេញតាមតម្រូវការអប្បបរមាលើកម្រិតជាតិដែក ដែលមានកំណត់ក្នុងស្តង់ដារ Codex នោះទេ។ ជាក់ស្តែងផលិតផលទាំងនេះស្ទើរតែគ្មានជាតិដកសោះ ពោលគឺកម្រិតជាតិដែកមានត្រឹមតែ តម្រូវការយ៉ាងតិចគឺ ២.២៨៦ មីលីក្រាមតិច ៤.៧២ មីលីក្រាម/១០០ ក្រាម សម្រាប់ផលិតផលលេខ១ (អាយុពី ០ ដល់ ៦ខែ) និងយ៉ាង/១០០ ក្រាម សម្រាប់ផលិតផលលេខ២ (អាយុពី ៦ ដល់ ១២ខែ)។
ជាតិដែកគឺជាសារជាតិចិញ្ចឹមចាំបាច់សម្រាប់សុខភាពនិងការអភិវឌ្ឍរបស់កុមារ។ កង្វះជាតិដែក (ដែលជាមូលហេតុនៃបញ្ហាស្លេកស្លាំង) នឹងធ្វើឱ្យកុមារអាយុក្រោម ២ឆ្នាំ មានហានិភ័យខ្ពស់ក្នុងការទទួលបានលទ្ធផលមិន ល្អលើការអភិវឌ្ឍផ្នែកខួរក្បាល សតិបញ្ញា ស្មារតី ការអភិវឌ្ឍផ្នែករាងកាយ និងការអភិវឌ្ឍផ្នែកអារម្មណ៍ មនោសញ្ចេតនា និងទំនាក់ទំនងជាមួយមនុស្សដទៃទៀតនៅក្នុងសង្គម។ ជាតិស័ង្កសី ដើរតួនាទីយ៉ាងសំខាន់ក្នុងការ ធ្វើឱ្យមានការលូតលាស់កោសិការាងកាយ។ កង្វះជាតិស័ង្កសីធ្ងន់ធ្ងរចំពោះទារកអាចបណ្តាលឱ្យពួកគេមាន ការលូតលាស់ផ្នែករាងកាយយឺតយ៉ាវដែលធ្វើឱ្យកុមារមានបញ្ហាក្រិសក្រិន ការអភិវឌ្ឍផ្នែកសតិបញ្ញាស្មារតីយឺត យ៉ាវ និងការថយចុះសមត្ថភាពរបស់រាងកាយក្នុងការប្រយុទ្ធប្រឆាំងនឹងជំងឺផ្សេងៗ។
ផលិតផលជំនួសទឹកដោះម្តាយតម្រូវឱ្យធ្វើការផលិតស្របតាមស្តង់ដារសុវត្ថិភាពយ៉ាងតឹងរ៉ឹង និងមានសមាស ភាពផ្សំជាក់លាក់។ គណៈកម្មាការកូដិច (Codex Alimentarius Commision) ដែលជាស្ថាប័នរួមបង្កើតឡើង ដោយអង្គការសុខភាពពិភពលោក និងអង្គការស្បៀងអាហារនិងកសិកម្មរបស់អង្គការសហប្រជាជាតិ បានកសាង ស្តង់ដារកូដិចស្តីពីទឹកដោះគោម្សៅផ្សំតាមរូបមន្តសម្រាប់ទារក និងទឹកដោះគោម្សៅផ្សំតាមរូបមន្តសម្រាប់ប្រើ ប្រាស់ក្នុងករណីវេជ្ជសាស្ត្រពិសេសសម្រាប់ទារក (CXS 72-1981) ដែលផ្តល់ព័ត៌មានពេញលេញទាក់ទងទៅ នឹងតម្រូវការសមាសធាតុផ្សំ គុណភាព និងសុវត្ថិភាពសម្រាប់ផលិតផលដើម្បីអាចឱ្យធ្វើចរាចរណ៍ក្នុងទីផ្សារ បាន ហើយដែលក្នុងនោះបានកំណត់ពីតម្រូវការអប្បបរមាសម្រាប់ជាតិដែកនៅក្នុងទឹកដោះគោម្សៅជុំតាមរូប មន្តសម្រាប់ទារក គឺមានបរិមាណចំនួន ០.៤៥ មីលីក្រាម /១០០ គីឡូកាឡូរី កម្រិតជាតិស័ង្កសីអប្បបរមាដែលមានអាចអនុញ្ញាតបានគឺមានបរិមាណ ០.៥ មីលីក្រាម /១០០ គីឡូកាឡូរី។ តាមស្តង់ដារកូដិចលេខ_cXS 156 1987 សម្រាប់ផលិតផល Follow-Up Formula បានកំណត់ តម្រូវការអប្បបរមា សម្រាប់ជាតិដែកនៅក្នុងទឹក ដោះគោម្សៅផ្សំតាមរូបមន្តគឺត្រូវមានបរិមាណ ១ មីលីក្រាម ។ ត្រូវមានបរិមាណចំនួន ០.៥ មីលីក្រាម/១០០ គីឡូកាឡូរី /១០០ គីឡូកាឡូរី កម្រិតជាតិស័ង្កសីអប្បបរមាគឺអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៃក្រសួងពាណិជ្ជកម្ម មានភារកិច្ចទទួលខុសត្រូវក្នុងការអនុវត្តច្បាប់ ដើម្បីធានាសុវត្ថិភាព និងសុខភាពជូនអ្នកប្រើប្រាស់ទាំងអស់ជា ពិសេសទារកនិងកុមារកម្ពុជាយើង។ យើងរំពឹងថាក្រុមហ៊ុនដែលកំពុងប្រតិបត្តិការនៅប្រទេសកម្ពុជាពិតជា គោរពតាមស្តង់ដារអន្តរជាតិ និងច្បាប់ជាតិ។ យើងនឹងបន្តពង្រឹងការអនុវត្តបទប្បញ្ញត្តិរបស់យើង ដើម្បីធានាថា ក្រុមហ៊ុនទឹកដោះគោម្សៅផ្សំតាមរូបមន្តទាំងអស់គោរពយ៉ាងតឹងរ៉ឹងនូវបទប្បញ្ញត្តិរបស់កម្ពុជា។
អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៃក្រសួងពាណិជ្ជកម្ម សូមធ្វើការបដិសេធទាំងស្រុងចំពោះព័ត៌មានមិនពិតដែលបានអះអាងលើ លិខិតបដិសេធរបស់ក្រុមហ៊ុនម្សៅទឹកដោះនូទ្រីលេត ចុះថ្ងៃទី២៦ ខែសីហា ឆ្នាំ២០២០ ថា៖ “ការប្រកាសលទ្ធផលជាឯកតោភាគី របស់អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ដែលលទ្ធផលនោះមានភាពខុសគ្នាយ៉ាងខ្លាំង ពីលទ្ធផលដែលក្រុមហ៊ុនទទួលបានពីមន្ទីរពិសោធន៍ BVAQ និងមន្ទីរពិសោធន៍ ALS នៃប្រទេសសឹង្ហបុរី ដែលមានលេខកូដ៖ 537 / 562 / 563 / 568 ដែលអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ តែងតែយកទៅធ្វើពិសោធន៍ និងទទួលស្គាល់ជាផ្លូវការ។”
អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ សូមធ្វើការបញ្ជាក់លើការចោទប្រកាន់ខាងលើ ដូចតទៅ៖
•មន្ទីរពិសោធន៍នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក្រសួងពាណិជ្ជកម្ម ពុំដែលធ្វើការពិសោធន៍ និងទទួលស្គាល់ជាផ្លូវការ នូវផលិតផលម្សៅទឹកដោះគោម៉ាក Nutrilatt ដែលមានលេខ B/N: 537 / 562 / 563 / 568 ទាល់តែសោះ។
•លទ្ធផលវិភាគគំរូម្សៅទឹកដោះគោម៉ាក Nutrilatt មានលេខ B/N: 487 / 488 / 536 / 537 / 538 / 539 ដែលអគ្គនាយកដ្ឋាន បានធ្វើការប្រកាស ជាលទ្ធផលវិភាគដែលបានធ្វើឡើងដោយមន្ទីរពិសោធន៍ឯករាជ្យនិងទទួលស្គាល់ជាអន្តរជាតិ (Independent and Internationally Accredited Laboratory) នៅប្រទេសសឹង្ហបុរី (Eurofins Food Testing Singapore PTE LTD)។
•ដំណើរការកាត់ស្រោមសំបុត្រ ការបញ្ចូលទិន្នន័យ និងការប្រកាសលទ្ធផលនេះ បានធ្វើឡើងដោយមានការចូលរួមនិងអង្កេតយ៉ាងហ្មត់ចត់ពីភាគីពាក់ព័ន្ធជាច្រើនដូចជា (1).តំណាងក្រុមហ៊ុន Nutrilatt ដោយផ្ទាល់ ជាពិសេសការបញ្ចូលទិន្នន័យលើតារាងប្រៀបធៀបលទ្ធផលជាមួយនឹងស្តង់ដារកូដិចអន្តរជាតិ ធ្វើឡើយដោយភាគីក្រុមហ៊ុន Nutrilatt (មានរូបថត) (2).តំណាងមាតាបិតាទារករងគ្រោះចំនួន ១៩នាក់ (3).តំណាងមាតាបិតាទារកដែលបាន និងកំពុងប្រើប្រាស់ម្សៅទឹកដោះគោ Nutrilatt ចំនួន ៣នាក់ (4).តំណាងអង្គការអន្តរជាតិធ្វើការលើផ្នែកសុខភាពទារកនិងកុមារ ដូចជា អង្គការសុខភាពពិភពលោក WHO, អង្គការ UNICEFF, អង្គការ Hellen Keller International (5).តំណាងមជ្ឈមណ្ឌលគាំពារមាតានិងទារកនៃក្រសួងសុខាភិបាល ។ ក្នុងន័យនេះ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ មិនមែនធ្វើការប្រកាសលទ្ធផលខាងលើជាលក្ខណៈឯកតោភាគី ដូចក្រុមហ៊ុនបានប្រកាសឡើង៕ ដោយ៖កូឡាប