ដូចដែលបងប្អូនប្រិយមិត្ត និងមហាជនជាច្រើន បានភ្ញាក់ផ្អើលរួចហើយ ដែលកាលពីពេលថ្មីៗនេះ ឃ្លីបសំឡេងសារបែកធ្លាយពីអាខោននៅក្រៅប្រទេសមួយ បានបញ្ចេញឲ្យដឹងថា អ្នកស្រី ទ្រី ដាណា ម្ចាស់ហាងពេជ្រកំពុងផ្ទុះរឿងល្បីខ្លាំង បានប្រើប្រាស់សម្តីធ្ងន់ៗយ៉ាងសាហាវ គំរាមប្តឹងអ៊ំស្រីខ្លួនដាក់គុក និងសូមឲ្យព្រះធរណីស្រូបទៀត ពិតជាសាហាវខ្លាំងណាស់ ដែលមហាជនសម្តែងការហួសចិត្តថា មិននឹកស្មានថា មនុស្សចិត្តព្រះ ចិត្តបុណ្យរូបនេះហ៊ានធ្វើដល់ថ្នាក់នេះ ដែលគ្រាន់តែអ៊ំស្រីខ្លួននិយាយពាក្យល្អអ៊ីចឹងសោះ?។
ជាការពិតណាស់ ថៅកែហាងពេជ្រ ដែលគេឲ្យរហ្សនាមថា «ប៉ះពូកែប្តឹង» ពិតជាមិនធម្មតានោះទេ គឺអ្នកស្រី ទ្រី ដាណា បានប្តឹងអ៊ំស្រីរបស់ខ្លួនពិតប្រាកដមែន ដោយឲ្យមេភូមិយកក្រដាសកោះអញ្ជើញដល់ផ្ទះ ហើយឲ្យអ៊ំស្រីដែលមានឈ្មោះ សៀង ហៀក ផ្តិតមេដៃទាំងដែលគាត់មិនដឹងថានេះជាក្រដាសអ្វីផងនោះ?។
បើតាមកូនស្រីរបស់អ៊ំស្រី សៀង ហៀក បានប្រាប់ឲ្យដឹងថា ក្នុងបណ្តឹងនោះ អ្នកស្រី ទ្រី ដាណា ក៏បានប្តឹងបងស្រីរបស់នាងឈ្មោះ ហួត ស្រីល័ក្ខ ដោយទាមទារ ២០ ម៉ឺនដុល្លារ ដោយមិនដឹងពីបទអ្វីនោះទេ? ពិតជាហួសចិត្តណាស់ គ្រាន់តែឃើញចង់ជ្រុះថ្លើមដល់ដី។ ដោយឡែកបងស្រីខ្លួនឈ្មោះ ទ្រី សុផានិត វិញ ក៏អ្នកស្រី ទ្រី ដាណា ប្តឹងទាមទារចំនួន ៥០ ម៉ឺនដុល្លារ ឯណោះ។
បងស្រីរូបនេះបានបញ្ចេញថា អ្នកស្រី ទ្រី ដាណា ពេលរដូវបុណ្យទានម្តង ឃើញថាមានតិចតួចមែន ចំពោះម្តាយរបស់នាង ប៉ុន្តែ ពីខាងក្រោយខ្នងវិញ គឺពិតជាសាហាវខ្លាំងណាស់ មកលើគ្រួសាររបស់នាង។
ក្រោយពីបានស្តាប់ឮបែបនេះ គ្រប់គ្នានៅលើបណ្តាញសង្គម ពិតជាសម្តែងនូវក្តីអាណិតអាសូរគ្រួសារអ៊ំស្រីជាខ្លាំង ហើយក្នុងនោះ គេបានដាក់ឲ្យអ្នកស្រី ទ្រី ដាណា ធ្ងន់ៗថា៖ «ធ្វើបុណ្យទាំងប៉ុន្មានហ្នឹង សង្ស័យរលាយអស់ហើយ បើចិត្តអាក្រក់យ៉ាងហ្នឹងនោះ!» ។
គួររំលឹកឲ្យដឹងផងដែរថា កាលពីពេលកន្លងទៅនេះនេះ បងស្រីអ្នកស្រី ទ្រី ដាណា ដែលមានឈ្មោះថា ទ្រី សុផានិត បានចេញវីដេអូរិះគន់ និងនិយាយមើលងាយប្អូនស្រីរបស់ខ្លួនឯង និងព្រមទាំងមានប្រើពាក្យមិនពីរោះស្តាប់ថែមទៀត ធ្វើឲ្យមហាជនមានការភ្ញាក់ផ្អើលខ្លាំងតែម្តង។
ក្រោយរឿងរ៉ាវនេះបានផ្ទុះឡើងមិនអាចពន្លត់ភ្លើងកំហឹងអ្នកស្រី ទ្រី ដាណា បាន នៅពេលនោះ អ៊ំស្រីធំរបស់អ្នកទាំងពីរ ក៏បានចេញមុខបង្រួបបង្រួមទាំងទឹកភ្នែក ដោយក្នុងនោះអ៊ំស្រីនិយាយថា ក្មួយទាំងពីរខុសដូចតែគ្នាហ្នឹង…. ដែលពាក្យនេះធ្វើឲ្យអ្នកស្រី ទ្រី ដាណា ប្រតិកម្មខ្លាំងក្លាតែម្តង៕ ដោយ៖ លឹម ហុង
