ភ្នំពេញ៖ រថយន្តដឹកដីរបស់ថៅកែរកស៊ីដី «តាកៅ» បើកបុកពីក្រោយទាំងកំរោល ម៉ូតូជាប់ក្រោមរថយន្តអូសជាង២០០មែត្រ បណ្តាលឱ្យនុស្សប្រុសម្នាក់ស្លាប់ និ២នាក់ទៀតរងរបួសធ្ងន់ ។ ហេតុការណ៍ដ៏រន្ធត់នេះកើតឡើងនៅរសៀល ថ្ងៃទី ៥ កុម្ភៈ ២០១៨នៅលើកំណាត់ផ្លូវទំនប់ស្រូវ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ។
ជនរងគ្រោះដែលស្លាប់ឈ្មោះ សិន វាសនា អាយុ៣៦ឆ្នាំ មានស្រុកកំណើត ភូមិព្រែកតាកុយ ស្រុកកងមាស ខេត្តកំពង់ចាម ជាអ្នកបើកម៉ូតូ ។ចំណែក២នាក់ទៀត ១មានឈ្មោះ សិន វណ្ណដេត អាយុ១៨ឆ្នាំ រថយន្តដឹកទៅសង្គ្រោះនៅក្លីនិក ពន្លឺ ទី២មានឈ្មោះ ស្នា សីហា អាយុ៥ឆ្នាំ ដឹកទៅសង្គ្រោះនៅមន្ទីពេទ្យគន្ធបុប្ភា ។រីឯអ្នកបើកបររថយន្តមានឈ្មោះ មុត សាន អាយុ២៣ឆ្នាំ មានទីលំនៅភូមិរលាំងកែន ឃុំរលាំងកែន ស្រុកកណ្តាលស្ទឹង ខេត្តកណ្តាល ។រថយន្តបង្កជារថយន្តដឹកដីរបស់ថៅកែរកស៊ីដី ធំជាងគេដែកគេស្គាល់ឈ្មោះឧកញ៉ាញឹក ផន ហៅ«តាកៅ»
អ្នកភូមិបានឱ្យដឹងថា៖មុនពេលកើតហេតុ រថយន្តនិងម៉ូតូប់កស្របទិសគ្នាចេញពីគល់ស្ពាន លីយ៉ុងផាត ក្នុងទិសដៅពីកើតទៅលិច ចង្ងាយ៥ទៅ៦រយមែត្រពីគល់ស្ពាន លុះមកដល់ចំណុចកើតហេតុរថយន្ត បង្ករ ម៉ាក ហ៊ីណូ ពណ៍ស្លែរពាក់ស្លាកលេខបាត់ដំបង3A-0568 បើកបរដោយបុរសម្នាក់ បានបើកមកបុកពីក្រោយម៉ូតូជនរងគ្រោះម៉ាក ហុងដារឌ្រីមសង់ស៊េរី ០១០ពណ៍ខ្មៅពាក់ស្លាកលេខស្វាយរៀង 1D-0358 បុកទាំងកំរោលហើយអូសម៉ូតូពីកន្លែងកើតហេតុជាង២០០មែត្រ កិនអ្នបើកម៉ូតូធ្លាយខួរស្លាប់ភ្លាមៗ រីឯភ្មេងអាយុ៥ឆ្នាំ និងយុវជនម្នាក់អាយុ១៩ឆ្នាំរងរបួសធ្ងន់។
ក្រោយកើតហេតុ តៃកុងរថយន្តត្រូវបានសមត្ថកិច្ចឃាត់ខ្លួនបាន ដោយឡែកអ្នករបួសត្រូវរថយន្តសាម៊ុយដឹកទៅសង្គ្រោះបន្ទាប់ ចំណែកសព សមត្ថកិច្ចបានទាក់ទងទៅក្រុមគ្រួសារតាមរថយៈលេខទូរសព័របស់ជនរងគ្រោះ ដើម្បីរៀបចំឯកសាប្រគល់សពយកទៅធ្វើបុណ្យតាមប្រពៃណី រីឯរថយន្តបង្ករនិងម៉ូតូសមត្ថកិច្ចជំនាញចរាចរណ៍ក្រុងវាស់វែងយកទៅរក្សាទុកនៅការិយាល័យចរាចរណ៍នៃស្នងការនគរបាលរាជធានីភ្នំពេញរងចាំការដោះស្រាយសំណងជូនជនរងគ្រោះនៅពេលក្រោយ ៕ ដោយ៖បញ្ញាស័ក្តិ
