ខេត្តព្រះសីហនុ៖ ជនសង្សយ័ជាជាតិចិនម្នាក់ ពាក់ពន្ធ័បទល្មើសជួញដូរគ្រឿងញៀន ត្រូវបានកម្លាំងជំនាញកងរាជអាវុធហត្ថខេត្តព្រះសីហនុ ចាប់ខ្លួននៅ ភូមិ៣ សង្កាត់៤ ក្រុងព្រះសីហនុ កាលពីល្ងាចថ្ងៃទី២៨ ខែសីហា ឆ្នាំ២០២០ ។ កងរាជអាវុធហត្ថខេត្តព្រះសីហនុក៏បាន បញ្ជូនជនសង្ស័យជាជាតិចិនម្នាក់នេះ និងជនសង្ស័យប្រុស ស្រី ១០នាក់ផ្សេងទៀ ទៅអយ្យការអមសាលាដំបូងខេត្ត ពាក់ព័ន្ធករណីគ្រឿងញៀន។
លោកឧត្តមសេនីយ៍ត្រី ហេង ប៊ុនទី មេបញ្ជាការអាវុធហត្ថខេត្តព្រះសីហនុ បានប្រាប់បណ្ដាញផ្សព្វផ្សាយថា ជនសង្ស័យមានឈ្មោះ ទាន់ អាន ភេទប្រុស អាយុ៣២ឆ្នាំ ជនជាតិចិន មុខរបរមិនពិតប្រាកដ ស្នាក់នៅបណ្ដោះអាសន្ន ភូមិ៣ សង្កាត់៤ ក្រុង/ខេត្តព្រះសីហនុ។
វត្ថុតាងដកហូតបាន មានថ្នាំញៀនម្សៅពណ៌សចំនួន ៨ កញ្ចប់ , ម្សៅសថ្លាចំនួន២កញ្ចប់,ថ្នាំគ្រាប់ពណ៌ក្រហមចំនួន ១២៣ គ្រាប់,ថ្នាំគ្រាប់ពណ៌លឿងចំនួន ១៥ គ្រាប់,ទូរសព្ទ២គ្រឿង,ជញ្ជីងថ្លឹង១,កញ្ឆាចំនួន ៣ កញ្ចប់, ថ្នាំបន្ទះចំនួន ៣ បន្ទះស្មើនឹង ៣០ គ្រាប់, ម្សៅកញ្ចប់ពណ៌ទឹកប្រាក់ចំនួន ៥៨កញ្ចប់, ម្សៅកញ្ចប់ពណ៌បៃតងចំនួន ៥ កញ្ចប់, ម្សៅកញ្ចប់កាហ្វេចំនួន ២ កញ្ចប់, ថ្នាំទឹក២ដប, ថ្នាំគ្រាប់១ដប, លិខិតឆ្លងដែនចំនួន១ច្បាប់, កាំភ្លើងខ្លីបាញ់គ្រាប់ឃ្លី១គ្រឿង, រថយន្តចំនួន ១ គ្រឿង ម៉ាកRANGE ROVER ផ្លាកលេខភ្នំពេញ 2V- 4518។
បច្ចុប្បន្នកម្លាំងការិយាល័យជំនាញកំពុងសាកសួរនៅបញ្ជាការដ្ឋានកងរាជអាវុធហត្ថខេត្តព្រះសីហនុ មុននឹងបញ្ជូនទៅសាលាដំបូងខេត្តផ្តន្ទាទោស។
វេលាម៉ោង៩និង៣០នាទីព្រឹក ថ្ងៃទី២៩ ខែសីហា ឆ្នាំ២០២០ កម្លាំងការិយាល័យបទល្មើសគ្រឿងញៀន មន្ទីរស្រាវជ្រាវនិងបង្ក្រាបបទល្មើស កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យប្រុស ស្រី ចំនួន១០នាក់ រួមនឹងវត្ថុតាងពាក់ព័ន្ធមួយចំនួន ទៅអយ្យការអមសាលាដំបូងខេត្ត ពាក់ព័ន្ធករណីជួញដូរ រក្សាទុក ឬប្រើប្រាស់ដោយខុសច្បាប់នូវសារធាតុញៀន ដែលចុះបង្ក្រាបបានចំនួន០៣លើក ក្នុងភូមិសាស្ត្រក្រុងព្រះសីហនុ៕ ដោយ៖កូឡាប