ស្ទឹងត្រែង ៖ សាលាដំបូងខេត្តស្ទឹងត្រែង បានចេញដីកាសម្រេចឃុំខ្លួនបុរសខ្មែរស្លាមម្នាក់ ករណីរានព្រៃយកធ្វើជាកម្មសិទ្ធិ ដាក់ក្នុងពន្ធនាគារខេត្តស្ទឹងត្រែង កាលពីថ្ងៃទី ២៩ ខែសីហា ឆ្នាំ ២០២០។
សូមបញ្ជាក់ថា ជនសង្ស័យខ្មែរអ៊ីស្លាមម្នាក់ឈ្មោះម៉ាជេត ហូសេន ហៅពៅ អាយុ ៣៥ ឆ្នាំ មានស្រុកកំណើតនៅភូមិជីធាង ឃុំសេដា ស្រុកតំបែរ ខេត្តត្បូងឃ្មុំ ហើយបានមករស់នៅភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង អស់រយៈពេលជាច្រើនឆ្នាំ។
ក្រោយពីបុរសរូបនេះ បានយកគ្រឿងចក្រទៅឈូសឆាយកាប់រានយកដីព្រៃ នៅភូមិស្វាយរៀង ឃុំតាឡាត ស្រុកសេសាន ខេត្តស្ទឹងត្រែង ក៏ត្រូវកម្លាំងសមត្ថកិច្ចចម្រុះ ដឹកនាំដោយលោកជេត ខេមរា ព្រះរាជអាជ្ញាអមសាលាដំបូងខេត្តស្ទឹងត្រែង បានធ្វើការឃាត់ខ្លួនតែម្ដង កាលពីថ្ងៃទី ២៧ ខែសីហា ឆ្នាំ ២០២០។
បន្ទាប់មកសមត្ថកិច្ចបានបញ្ជូនខ្មែរអ៊ីស្លាមរូបនេះ ទៅតុលាការ។ តុលាការបានចោទប្រកាន់ដាក់ឲ្យស្ថិតក្រោមការពិនិត្យ ពីបទកាប់រានព្រៃឈូសឆាយដីព្រៃដីព្រៃធ្វើជាកម្មសិទ្ធិ។ រីឯគ្រឿងចាក់ក៏ត្រូវបានដកហូតផងដែរ៕ ដោយ៖សុខុម
