ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញខិត្តប័ណ្ណស្តីពីអត្តសញ្ញាណប័ណ្ណសញ្ជាតិខ្មែរប្រភេទចាស់ មិនអាចប្រើប្រាស់សម្រាប់ការចុះឈ្មោះ បោះឆ្នោតឆ្នាំ២០២០ បានទេ។
បើតាមខិតប័ណ្ណ នៅថ្ងៃទី១ ខែកញ្ញា ឆ្នាំ២០២០នេះ បានឲ្យដឹងថា ការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២០ ត្រូវចាប់ផ្តើមពីថ្ងៃទី១ ដល់ថ្ងៃទី១៩ ខែតុលា ឆ្នាំ២០២០ នៅតាមសាលាឃុំសង្កាត់ និងនៅតាមភូមិមួយចំនួន ក្នុងឃុំសង្កាត់ទូទាំងប្រទេស។
គ.ជ.ប បានបញ្ជាក់បន្ថែមថា ដើម្បីចុះឈ្មោះបោះឆ្នោតបាន ប្រជាពលរដ្ឋខ្មែរទាំង២ភេទ ដែលមានអាយុ ១៨ឆ្នាំឡើងទៅ គឺកើតមុន ឬកើតត្រឹមថ្ងៃទី១ ខែមករា ឆ្នាំ២០០៣ ត្រូវមានអត្តសញ្ញាប័ណ្ណសញ្ជាតិខ្មែរប្រភេទថ្មី (អ.ខ) ឬឯកសារបញ្ជាក់អត្តសញ្ញាណ បម្រើឲ្យការចុះឈ្មោះបោះឆ្នោត (ឯ.អ)៕ដោយ៖កូឡាប