ភ្នំពេញ៖ ឯកឧត្តមប្រធានគណៈកម្មាធិការជាតិរៀបចំការបោះឆ្នោតបានថ្លែងថា គោលដៅសំខាន់ ៣ ដែល គ.ជ.ប ត្រូវធ្វើឱ្យខាងតែបានគឺ ប្រជាពលរដ្ឋគ្រប់រូបត្រូវតែអាចចូលរួមបោះឆ្នោតបាន ឱ្យតែបានបំពេញគ្រប់លក្ខខណ្ឌត្រឹមត្រូវ តាមការកំណត់នៃច្បាប់។
គណៈកម្មាធិការជាតិរៀបចំការបោះឆ្នោត បានចេញសេចក្តីប្រកាសព័ត៌មាន ប្រធាន គ.ជ.ប ៖ “ខ្ញុំថា ខ្ញុំធ្វើឱ្យបាន”។
គណៈកម្មាធិការជាតិរៀបចំការបោះឆ្នោត បានលើកឡើងថានៅព្រឹកថ្ងៃទី១ ខែកញ្ញា ឆ្នាំ២០២០ គណៈកម្មាធិការជាតិរៀបចំការបោះឆ្នោត គ.ជ.ប បានរៀបចំ កិច្ចប្រជុំជាមួយភាគីពាក់ព័ន្ធ ទាក់ទងនឹងការចាប់ផ្តើមការងារការពិនិត្យបញ្ជីឈ្មោះ និងការ ចុះឈ្មោះបោះឆ្នោត .ជ.ប ក្រោមអធិបតីភាពដ៏ខ្ពង់ខ្ពស់របស់ឯកឧត្តម ស៊ិក ប៊ុនហុក ប្រធាន គ.ជ.ប ឆ្នាំ២០២០ នៅទីស្តីការ គ.ជ.ប។
ឆ្លៀតក្នុងឱកាសដែលខកខានមិនបានជួបជាមួយភាគីពាក់ព័ន្ធអស់រយៈពេល ២ឆ្នាំ ចាប់តាំងពីក្រោយ ការបោះឆ្នោតជ្រើសតាំងតំណាងរាស្ត្រ ឆ្នាំ២០១៨ មក នៅថ្ងៃនេះឯកឧត្តមប្រធាន គ.ជ.ប មានឱកាសជាថ្មី ម្តងទៀត ក្នុងការបង្ហាញនូវទស្សនវិស័យនៃការដឹកនាំ និងការកែទម្រង់ការបោះឆ្នោត។
ឯកឧត្តមប្រធានបានមានប្រសាសន៍ថា ក្នុងនាមជាប្រធាន គ. ជ.ប ជាស្ថាប័នរៀបចំការបោះឆ្នោត ដែលជាស្នូលនៃការអនុវត្តលទ្ធិប្រជាធិបតេយ្យ សេរី ពហុបក្ស បានចុះជួបផ្ទាល់ជាមួយសិស្ស និស្សិត សាស្ត្រាចារ្យ និងថ្នាក់ដឹកនាំ នៅតាមបណ្តាភូមិភាគទាំង ៥ នៃប្រទេសកម្ពុជា ហើយគំនិតរបស់ខ្ញុំទាំងអស់គឺបានចងក្រង ជាសៀវភៅដែលមានចំណងជើងថា “សម្រង់ប្រសាសន៍ឯកឧត្តម ស៊ិក ប៊ុនហុក ប្រធាន គ.ជ.ប ការយល់ដឹងស្តីពីការបោះឆ្នោត គ.ជ.ប ខ្ញុំទៅផ្លូវណា? គ.ជ.ប ក្នុងពិធីបញ្ហាប ” ហើយនៅក្នុងខ្លឹមសាររបស់សៀវភៅនេះក៏មាននិយាយអំពីថាតើខ្ញុំដឹកនាំ ខ្ញុំជូនអស់លោកយកទៅមើល អស់លោកនឹងឃើញថាតើមាគ៌ាយុទ្ធសាស្ត្រដែលខ្ញុំដឹកនាំនៅក្នុងការទទួលខុសត្រូវស្ថាប័នមួយដ៏រសើប ពាក់ព័ន្ធនឹងការដឹកនាំការបោះឆ្នោត តើខ្ញុំធ្វើរបៀបណា? “ ពីព្រោះខ្ញុំស្រឡាញ់ប្រទេសជាតិខ្ញុំតើ ! ស្រឡាញ់ដោយអំពើល្អ ដោយគោរពច្បាប់ ខ្ញុំថា ខ្ញុំធ្វើឱ្យបាន។ យើងនិយាយគ្នាឱ្យច្បាស់ សម្រាប់ការបោះឆ្នោតទៅមុខ ពីព្រោះវាសនាអនាគតប្រទេស មិនមែន តែសម្រាប់ខ្ញុំទេណា! គឺសម្រាប់ ព្រឹត្តិការណ៍អស្ថិរភាពកើតឡើងក្នុងប្រទេសរបស់ខ្ញុំ អត់មានការមិនទទួលស្គាល់ មិនយុត្តិធម៌ អត់មានទេ! គោលដៅខ្ញុំ ខ្ញុំច្បាស់ណាស់ !។
លោកបន្តថា ទាំងអស់គ្នាណា! ហើយខ្ញុំធ្វើការកែទម្រង់នេះ សម្រាប់ធ្វើឱ្យការបោះឆ្នោតមួយ ក្រោយការបោះឆ្នោត គ្មានព្រឹត្តិការណ៍អស្ថិរភាពកើតឡើងក្នុងប្រទេសរបស់ខ្ញុំ អត់មានការមិនទទួលស្គាល់ធ្វើការបោះឆ្នោតហ្នឹង មិនយុត្តិធម៌ អត់មានទេ! គោលដៅខ្ញុំ ខ្ញុំច្បាស់ណាស់ !។
ឯកឧត្តមប្រធានបានសង្កត់ធ្ងន់ទៀតថាគោលដៅសំខាន់ ៣ ដែល គ.ជ. ប ត្រូវធ្វើឱ្យខាងតែបានគឺ៖ ១- ប្រជាពលរដ្ឋគ្រប់រូបត្រូវតែអាចចូលរួមបោះឆ្នោតបាន ឱ្យតែបានបំពេញគ្រប់លក្ខខណ្ឌត្រឹមត្រូវ តាមការកំណត់នៃច្បាប់។
២- ថ្ងៃបោះឆ្នោតប្រជាពលរដ្ឋងាយទៅបោះឆ្នោត (ការិយាល័យបោះឆ្នោតនៅជិតលំនៅឋានប្រជាពលរដ្ឋ)។
៣- សន្លឹកឆ្នោតត្រូវតែរាប់ឱ្យបានត្រឹមត្រូវ និងមានតម្លាភាពជាទីបំផុត។ ឯកឧត្តមប្រធានបានប្រកាសបើកការងារការពិនិត្យបញ្ជីឈ្មោះ និងការ ចុះឈ្មោះបោះឆ្នោតប្រចាំឆ្នាំ ចាប់ពីពេលនេះតទៅរហូតដល់ថ្ងៃទី៣១ ខែធ្នូ ឆ្នាំ២០២០៕ ដោយ៖កូឡាប
