កំពង់ស្ពឺ៖ រថយន្តស៊េរីទំនើប ម៉ាកALPHARD បានព្រលះ ជាមួយរថយន្ត សាំយ៉ុងបើកបរស្របទិសគ្នាពីក្រោយ នៅផ្លូវលេខ ៤ ចន្លោះគីឡូម៉ែត្រលេខ៦៦_៦៧ ត្រង់ចំណុច ភូមិត្រពាំអត់ទឹក ឃុំគីរីវន្ត ស្រុកភ្នំស្រួច កណ្ដាលរាត្រី ថៃ្ងទី២ សីហា ២០២០ បង្ករបួសធ្ងន់ស្រាលជនបរទេស-ខ្មែរ ១៣នាក់ ក្នុងនោះ បរទេស ៦នាក់ហើយត្រូវ បញ្ជូនសង្គ្រោះទាន់ពេលវេលា។
ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា កាលពី ថ្ងៃទី២ ខែកញ្ញា ឆ្នាំ២០២០ វេលាម៉ោង ១ និង ៣០ នាទី មានករណី គ្រោះថ្នាក់ចរាចរណ៍បង្កឡើង រវាងរថយន្ដ ប្រភេទទេសចរណ៍ នៅលើកំណាត់ផ្លូវជាតិលេខ៤ ចន្លោះគីឡូម៉ែត្រលេខ ៦៧-៦៨ ត្រង់ចំណុច ភូមិត្រពាំអត់ទឹក ឃុំគីរីវន្ត ស្រុកភ្នំស្រួច ខេត្តកំពង់ស្ពឺ មានរថយន្ត ម៉ាក ALPHARD ពណ៌ស គ្មាន ពាក់ផ្លាកលេខ អ្នកបើកបរមិនស្គាល់ឈ្មោះ អ្នករួមដំណើរចំនួន៦ នាក់ ស្រី៣ នាក់ (ជនជាតិចិន) បើកបរមកពីទិសខាងលិចទៅទិសខាងកើត មកដល់ចំណុចខាងលើបានបុកពីក្រោយរថយន្ត១ គ្រឿង ម៉ាកសាំយ៉ុង ពណ៌សពាក់ផ្លាកលេខ ភ្នំពេញ 2AA-7040 អ្នកបើកបរឈ្មោះ តូច ប៊ុន ធឿន ភេទប្រុសអាយុ៣៦ឆ្នាំ ទីលំនៅភូមិត្រពាំងជង ឃុំត្រពាំងជង ស្រុកបាកាន ខេត្តពោធិ៍សាត់ ។
ក្នុងហេតុការណ៍ បណ្តាលឲ្យរងរបួសមនុស្សខូចខាតសម្ភារៈ មនុស្សរបួសធ្ងន់ ស្រាល ១៣ នាក់ ប្រុស ១០ ស្រាល ជនបរទេស ៦នាក់ ប្រុស៣ ធ្ងន់ អ្នករបួសត្រូវកម្លាំងនគរបាលជំនាញធ្វើការ បញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្ដកំពង់ស្ពឺ និងមួយចំនួនបន្ដទៅមន្ទីរពេទ្យនៅរាជធានីភ្នំពេញ ។
តាមការបញ្ជាក់ពីជំនាញចរាចរណ៍ថា “គ្រោះថ្នាក់ចរាចរណ៍បណ្ដាលមកពីស្ថានភាព អ្នកបើកបរងងុយដេក បាត់បង់ម្ចាស់ការ ស្ថានភាពយប់ងងិតផង បើកបរគ្មានការប្រុងប្រយ័ត្ន ល្បឿនលឿនហួសកំណត់ “។
បច្ចុប្បន្នកម្លាំងនគរបាលចរាចរណ៍ បានកសាងឯកសារកំណត់ហេតុវាស់វែង បញ្ជូនរថយន្ដបង្កមកកាន់ការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្ដកំពង់ស្ពឺ ដើម្បីចំណាត់ការតាមនីតិវិធីគឺ៕ ដោយ៖កូឡាប
