ភ្នំពេញ ៖ យ៉ាងហោចណាស់មានមនុស្សចំនួន ១០នាក់ (ស្រី៤នាក់) បានស្លាប់ របួសធ្ងន់២២នាក់ (ស្រី៥នាក់) និងរបួសស្រាល២៦នាក់ (ស្រី១៤នាក់) នៅក្នុងហេតុការណ៍គ្រោះថ្នាក់ចរាចរណ៍ ដែលកើតឡើងនៅទូទាំងប្រទេស នៅថ្ងៃទី៣ ខែកញ្ញា ឆ្នាំ២០២០ ។
យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី៣ ខែកញ្ញានេះ បានបញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសសរុប ចំនួន៥៨នាក់ គឺកើតឡើងដោយសារប៉ះទង្គិច ចំនួន២០លើក ៕
ដោយ៖បញ្ញាស័ក្តិ