ឆ្នាំជូត
រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកស្ថិតនៅលើកំណាត់ផ្លូវរដិបរដុបច្រើនហើយពិសេសធ្វើច្រើនទទួលផលតិចថែមទៀត។
មុខរបរ ៖ សម្រាប់អ្នកប្រកបរបររកស៊ីជួញដូរក្នុងថ្ងៃនេះដែរភាពស៊យនៅតែតាមជាប់ជានិច្ចដូច្នេះឱ្យប្រយ័ត្នជួបគ្រោះបាត់របស់និងគ្រោះចាញ់បោកគេ។ការធ្វើដំណើរទីជិតឆ្ងាយចូរប្រយ័ត្នជួបបញ្ហាជម្លោះវិវាទដោយប្រការណាមួយ។
ស្នេហា ៖ កំលោះក្រមុំឬពោះម៉ាយមេម៉ាយក្តីក្នុងពេលនេះមានការចាប់កំហុសព្រោះតែភាពចង់ឈ្នះគ្នាច្រើន ៕
ឆ្នាំឆ្លូវ
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកប្រកបការងារពាក់ព័ន្ធនឹងប្រាក់កាសឬការងារតូចធំអ្វីមួយក៏តែងអាចទទួលជោគជ័យមកវិញផង។ការរស់នៅមានភាពសុខដុមនិងក្រុមមនុស្សអាណិតស្រឡាញ់ជានិច្ច។
មុខរបរ ៖ សម្រាប់អ្នកប្រកបរបររកស៊ីជួញដូរមានការកម្រើកគួរសមឡើងវិញហើយផលចំណូលមានហូរចូលគ្រាន់គួរជាទីកក់ក្តៅ។
ស្នេហា ៖ រីឯបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានភាពផ្អែមល្ហែមដូចទឹកឃ្មុំ៕
ឆ្នាំខាល
រាសីល្អជាមធ្យម។
ការងារ ៖ នៅថ្ងៃនេះការប្រកបការងារអ្វីឃើញថាមានការជឿនលឿនទៅមុខសន្សឹមៗហើយភាពសុខដុមក៏តែងកើតមានគ្រាន់គាប់ប្រសើរ។
មុខរបរ ៖ អ្នកប្រកបរបររកស៊ីជួញដូរជួបផលលំបាកក្នុងការរកផលចំណូលហើយទាល់តែខិតខំខ្លាំងទើបអាចរកកម្រៃគ្រាន់ចិញ្ចឹមឆ្នាំងបាយទៅរួច។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ជួបរឿងនឿយណាយនិងខ្វាយខ្វល់មិនតិចដែរនោះឡើយ៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីតែងជួបបញ្ហារកាំចិត្តនិងពិសេសតែងកើតបញ្ហានាពេលក្រោយច្រើនផង។
មុខរបរ ៖ ចំណែកអ្នកប្រកបរបររកស៊ីជួញដូរពេលនេះមានការហូរចេញនិងហូរចូលមិនទៀងទាត់ដូច្នេះមិនគួរផ្សងព្រេងទៅបោះទុនរកស៊ីធំដុំនិងយកទៅលេងល្បែងស៊ីសងទ្បើយនាំជាប់ការកុនខ្លួនដោយអស់ប្រាក់ទុនពីខ្លួននាំសត្រូវប្រមាថមើលងាយ។
ស្នេហា ៖ កំលោះក្រមុំ បើចង់យកនរណាម្នាក់ជាគូគាប់ត្រូវចេះពិ
និត្យពិច័យឱ្យបានច្បាស់លាស់ទើបមិនត្រូវរងកម្មនៅពេលគ្រាខាងមុខ៕
ឆ្នាំរោង
រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកធ្វើអ្វីក៏តែងមានសញ្ញាភ្លើងខៀវបើករង់ចាំហើយធ្វើអ្វីក៏ជឿនលឿនទៅមុខជានិច្ច។
មុខរបរ ៖ អ្នកប្រកបរបររកស៊ីជួញដូរវិញការជួញទីជិតឆ្ងាយពុំទាស់ខុសអ្វីទេពិសេសការចង់បើករបររយះពេលខ្លីៗជាការល្អប្រពៃបំផុតព្រោះឱកាសល្អៗកំពុងហុចឱ្យ។ការធ្វើដំណើរទីជិតឆ្ងាយជួបភាពសុខដុមដូចសព្វមួយដង។
ស្នេហា ៖ កំលោះក្រមុំមានភាពស្រស់ស្រាយប្រៀបដូចត្រីក្នុងទឹកនារដូវខែវស្សា ៕
ឆ្នាំម្សាញ់
រាសីល្អជាមធ្យម។
ការងារ ៖ នៅថ្ងៃនេះដួងរាសីរបស់លោកអ្នកមិនគាប់ប្រសើរប៉ុន្មានទេពិសេសការបំពេញការងារអ្វីក៏ដោយមិនអាចធ្វេសប្រហែសបានឡើយបើពុំនោះបញ្ហាអាក្រក់នឹងរត់ចូលទៀតជាក់ជាពុំខាន។
មុខរបរ ៖ អ្នកប្រកបរបររកស៊ីជួញដូរទោះការជួញទីជិតឆ្ងាយតែងមានផលកម្រៃហូរចូលមួយៗអញ្ជឹងដែរហើយកំពុងមានភាពសុខដុមណាស់ដែរ។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំឬពោះម៉ាយមេម៉ាយក្តីមានភាពស្រុះស្រួលនិងផ្អែមល្ហែមល្អណាស់៕
ឆ្នាំមមី
រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកតាំងចិត្តប្រកបការងារនោះឃើញថាទោះបញ្ហាតូចធំតែងអាចទម្លុះទម្លាយជោគជ័យជានិច្ច។
មុខរបរ ៖ សម្រាប់អ្នកប្រកបរបររកស៊ីជួញដូរនៅថ្ងៃនេះកំពុងមានភាពកាក់កបគួរសមហើយជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំ។ការធ្វើដំណើរឆ្ងាយជិតជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ កំលោះក្រមុំមានការលូតលាស់ទៅមុខនិងកំពុងផ្អែមល្ហែមប្រពៃណាស់៕
ឆ្នាំមមែ
រាសីស្រុតចុះ។
ការងារ ៖ នៅថ្ងៃនេះលោកធ្វើអ្វីតែងជួបបញ្ហារាំងស្ទះនិងរឿងរាវយាយីច្រើនគប្បីប្រយ័ត្នប្រយែង។
មុខរបរ ៖ ចំពោះអ្នកប្រកបរបររកស៊ីជួញដូរទីជិតឆ្ងាយឱ្យប្រយ័ត្នក្រុមមនុស្សប្លែកមុខគេប្រើប្រាស់ចិត្តមេត្តាដើម្បីបោកប្រាស់ក្នុងរឿងអ្វីមួយហើយលោកអ្នកមកត្រូវបាត់បង់ប្រាក់កាសឥតអំពើ ។
ស្នេហា ៖ កំលោះក្រមុំមិនមានការរីកលូតលាស់ទៅមុខទេគឺមានការថយក្រោយច្រើនដូចនេះឱ្យលោកអ្នកប្រយ័ត្នក្រុមមនុស្សនាំបញ្ហាមកឱ្យហើយត្រូវបង្កើតជាជម្លោះវិវាទជាមួយគ្នាឡើង ៕
ឆ្នាំវក
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកនៅតែល្អប្រសើរដដែលទេហើយធ្វើអ្វីក៏តែងផ្តល់ផ្លែផ្កាមកវិញគ្រាន់ជាទីពេញចិត្តជានិច្ច។
មុខរបរ ៖ អ្នកប្រកបរបររកស៊ីជួញដូរមានភាពកាក់កបគ្រាន់បើបន្តិចវិញតែយ៉ាងណាលោកអ្នកមិនគប្បីសេពគប់ល្បែងស៊ីសងឡើយនាំកើតឧបទ្រពចង្រៃរកស៊ីអ្វីមិនឡើងនឹងគេហើយកើតមានតែរឿងរាវចម្រូងចម្រាស។
ស្នេហា ៖ កំលោះក្រមុំមានការជឿនលឿនទៅមុខនិងកំពុងបើកទំព័រថ្មីសម្រាប់អ្នកហើយ៕
ឆ្នាំរកា
រាសីស្រុតចុះ។
ការងារ ៖ ក្នុងថ្ងៃនេះដោយសារដួងរាសីធ្លាក់ស្រុតចុះដូចនេះបើមានកិច្ចការអ្វីសំខាន់តោងតែមានការប្រយ័ត្នប្រយែងទើបពុំមានបញ្ហាអ្វីត្រូវចោទឡើង។ការរស់នៅជួបបញ្ហាលំបាកនិងស្មុគស្មាញច្រើនបន្តិចពិសេសបញ្ហាគ្រួសារនិងការងារតែម្តង។
មុខរបរ ៖ សម្រាប់អ្នកប្រកបរបររកស៊ីជួញដូរលោកអ្នកងាយមានបញ្ហារកាំរកូសនិងបញ្ហាបង្កឡើងដោយសារស្នាដៃអ្នកដទៃណាស់គួរមានការប្រយ័ត្នប្រយែងទើបមិនជះឥទ្ធិពលអាក្រក់មកវិញ។
ស្នេហា ៖ កំលោះក្រមុំមានការរីកលូតលាស់យឺតៗតែងាយបាក់បែកណាស់ ៕
ឆ្នាំច
រាសីល្អជាមធ្យម។
ការងារ ៖ នៅថ្ងៃនេះមានភាពស្រស់ស្រាយល្អហើយបើមានបញ្ហាអ្វីមួយដោយសារក្រុមមនុស្សគុំគួនឬសម្អប់កាលពីមុនមកក៏មានភាពធូរស្រាលចិត្តហើយអ្នកខ្លះអាចដើរមកនិយាយចូលចងជាមិត្តទៀតផង។ប៉ុន្តែយ៉ាងណាលោកអ្នកមិនត្រូវទុកចិត្តពេកដែរប្រយ័ត្នតែគេល្អតែសំបកក្រៅខាងក្នុងនៅតែគុំគួនខ្មៅកខ្វក់ដដែល។
មុខរបរ ៖ សម្រាប់អ្នកប្រកបរបររកស៊ីជួញដូរការរកផលកម្រៃមិនត្រូវលោភលន់ឡើយបើពុំនោះទេប្រយ័ត្នបានបាតដៃទទេវិលត្រឡប់មកផ្ទះវិញ។
ស្នេហា ៖ ស្នេហាប្រុសស្រីក្នុងពេលនេះវិញមានដំណើរថយក្រោយនិងងាយមានជម្លោះវិវាទណាស់៕
ឆ្នាំកុរ
រាសីល្អជាមធ្យម។
ការងារ ៖ យីអ៊ុនរបស់លោកអ្នកថ្ងៃនេះមិនគាប់ប្រសើរប៉ុន្មានទេ ដូច្នេះទោះធ្វើអ្វីក៏ដោយត្រូវសន្សឹមៗបានហើយបើពុំនោះក្រែងជួបផលលំបាកណាមួយដែលជះឥទ្ធិពលដល់យូរអង្វែង។ការប្រកបការងារចូរប្រយ័ត្នភាពមោហៈទោសៈកើតជាជម្លោះវិវាទមើលមុខគ្នាមិនចំដោយប្រការណាមួយ។
មុខរបរ ៖ ចំពោះអ្នកប្រកបរបររកស៊ីជួញដូរមុនធ្វើអ្វីមួយត្រូវចេះត្រិះរិះពិចារណាឱ្យបានគ្រប់ជ្រុងជ្រោយហើយពុំត្រូវមានគំនិតវៀចវេឡើយបើពុំនោះទេនាំជួបផលលំបាកដល់អាត្មាខ្លួនឯងដោយសារអតិថិជនលែងមកក្បែរ។ការធ្វើដំណើរទីជិតឆ្ងាយពុំសូវមានសុវត្តិភាពទេគួរបន្ថែមការប្រុងប្រយ័ត្ន។
ស្នេហា ៖ ប្រុសស្រីមានការប្រឆាំងគ្នាច្រើនធ្វើឱ្យកើតការរកាំផ្លូវចិត្តមិនតិចដែរទេ៕
