ភ្នំពេញ ៖ ជឿជាក់ថា បងប្អូនប្រិយមិត្តមួយចំនួនធំ ពុំធ្លាប់បានដឹងពីប្រវត្តិខ្លះៗ របស់តារាស្រីដែលមានរូបសម្បត្តិស្រស់សោភា ពោរពេញទៅដោយសមត្ថកភាពសិល្បៈជាច្រើន ដែលសាងបាននូវកេរ្តិ៍ឈ្មោះ និងភាពល្បីល្បាញ នៅក្នុងវិស័យសិល្បៈមកទល់បច្ចុប្បន្ន គឺធ្លាប់បានចូលរួមប្រកួតប្រជែងនៅក្នុងកម្មវិធីប្រកួតផ្នែកសម្រស់នានានោះទេ។ ថ្ងៃនេះ CEN សូមលើកយកតារាស្រី១ដួង ដែលនៅតែទទួលការគាំទ្រពីប្រិយមិត្តទស្សនិកជន និងអាចក្តោបទីផ្សារសិល្បៈបានយ៉ាងច្រើន នោះគឺកញ្ញា ហ៊ិន ចាន់នីរ័ត្ន។
សូមបញ្ជាក់ថា ហ៊ិន ចាន់នីរ័ត្ន ជាអតីត Freshie Girl លេខ១ សម័យប្រឡងឆ្នាំ២០០៧ ។ បន្ទាប់ពីបានឈានជើងចូលប្រឡូកក្នុងវិស័យសិល្បៈ និងឆក់បានតំណែងជាពិធីការិនីនៅស្ថានីយ៍ទូរទស្សន៍បាយ័ន្ត អតីតស្រីស្អាតលេខ១រូបនេះ បានទទួលបានប្រជាប្រិយភាពលេចធ្លោខ្លាំងតែម្តង។ ជាការពិតណាស់ ពុំត្រឹមតែមានរូបសម្រស់ស្រស់ស្អាតពីធម្មជាតិ និងទេពកោសល្យដ៏ឆ្នើមលេចធ្លោ ក្នុងនាមជាពិធីការិនីប៉ុណ្ណោះទេ តែកំពូលស្រីស្អាតរូបនេះ ក៏មានទេពកោសល្យក្នុងការសម្តែងក៏មិនណយនោះដែរ ព្រោះថា ជារឿយៗគេតែងសង្កេតឃើញ ហ៊ិន ចាន់នីរ័ត្ន លេចមុខនៅក្នុងខ្សែភាពយន្តនានា។
បើទោះជាបានចូលប្រឡូកនៅក្នុងវិស័យសិល្បៈអស់រយៈពេលប្រមាណ ១៣ ឆ្នាំ ទៅហើយក្តី តែ ហ៊ិន ចាន់នីរ័ត្ន នៅតែរក្សាបាននូវកេរ្តិ៍ឈ្មោះល្បីល្បាញខ្លាំងដដែល ស្របពេលដែលបច្ចុប្បន្ន នាងក៏កំពុងក្តោបបានការងារធំៗជាច្រើនផងដែរ ដោយសារតែសម្រស់របស់កញ្ញានៅតែស្អាត ហាក់គ្មានការប្រែប្រួលបន្តិចសោះ ដែលមើលទៅនៅតែក្មេងដូច១៨ឆ្នាំអ៊ីចឹង។
ក្រៅពីអាជីពសិល្បៈ ស្រីស្អាត ចាន់នីរ័ត្ន ក៏មានហាងលក់សម្លៀកបំពាក់ដ៏ធំមួយដែលមានយីហោថា Eight Collection ដែលត្រូវបានគេដឹងថា មានទីតាំងស្ថិតនៅក្នុងខណ្ឌសែនសុខ។
អ្វីកាន់តែពិសេសលេចធ្លោគួរឲ្យចាប់អារម្មណ៍ទៀតនោះ គឺថា ស្រីស្អាតអតីតហ្វ្រេសស៊ីហ្គើលរូបនេះ គេក៏តែងតែសង្កេតឃើញប្រើនូវរបស់ប្រើប្រាស់ប្រេនៗផងដែរ ដែលក្នុងនោះដូចជាការប្រើជាមួយកាបូបម៉ាក Channel , LV និងហាងស្បែកជើង Manolo blahnik ជាដើម៕ ដោយ៖ លឹម ហុង
