ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាថ្ងៃទី១ ខែកញ្ញា ឆ្នាំ២០២០កន្លងទៅ បានចេញអនុក្រឹត្យ ស្តីពី ការកែសម្រួលផ្ទៃបឹងតាមោក (បឹងកប់ស្រូវ) ស្ថិតក្នុងរាជធានីភ្នំពេញ ក្នុងទំហំ ១៥០ ០០០ម៉ែត្រការ៉េ (មួយរយហាសិបពាន់ម៉ែត្រក្រឡា)ឬស្មើនឹង១៥ហិកតា ស្ថិតនៅខណ្ឌព្រែកព្នៅ ដើម្បីប្រើប្រាស់រៀបចំកសាងការិយាល័យស្ថាប័នរបស់រដ្ឋចំនួន៣។
ក្នុងអនុក្រឹត្យរបស់រដ្ឋាភិបាលស្តីពី ការកែសម្រួលផ្ទៃបឹងតាមោក (បឹងកប់ស្រូវ) ចុះផ្សាយកាលពីថ្ងៃទី១ ខែកញ្ញាឱ្យដឹងថា រដ្ឋាភិបាលសម្រេចធ្វើប្រទានកម្មផ្ទៃដីទំហំ ១៥០.០០០មែត្រការ៉េ (មួយរយហាសិបពាន់ម៉ែត្រក្រឡា) ស្ថិតនៅសង្កាត់គោករកា ខណ្ឌព្រែកព្នៅ រាជធានីភ្នំពេញ ជូនជាកម្មសិទ្ធដល់ គណៈកម្មាធិការជាតិគ្រប់គ្រងគ្រោះមហន្តរាយ គណៈកម្មាធិការសិទ្ធិមនុស្សកម្ពុជា និងអាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសាមីន៕ដោយ៖កូឡាប