ភ្នំពេញ ៖ នេះជាហេតុការណ៍ដ៏សាហាវមិននឹកស្មានដល់មួយ ដែលផ្ទះដ៏ធំមួយកន្លែងនៅជាប់ការ៉ាស់សាំង Total នៅផ្សារឃ្លាំងលើ ក្រុងព្រះសីហនុ ត្រូវក្រុមចោរដែលអាចមានបក្ខពួកច្រើន ដែលពិតជាហ៊ានខ្លាំងណាស់ ព្រោះថាសូម្បីតែទ្វារបង្អួចខាងក្នុងរហូតពីរបីជាន់ ក៏ត្រូវពួកវាកាត់គ្មានសល់។
បើតាមការបញ្ជាក់ប្រាប់ពីបុរសជាពូម្ចាស់ផ្ទះរងគ្រោះ បានឲ្យដឹងថា ក្រុមចោរបានចូលគាស់ផ្ទះក្មួយរបស់គាត់នៅផ្សារឃ្លាំងលើ ជាប់នឹងការ៉ាស់សាំងតូតាល់ ដោយពួកវាបានកាត់ចម្រឹងដែកបង្អួត ទ្វារដែកខាងក្នុង និងទ្វារបន្ទប់ទាំងអស់គ្មានសល់មួយទេ។ ដែលហេតុការណ៍បានកើតឡើងនៅវេម៉ោងជាង១១យប់ថ្ងៃទី៦ ខែកញ្ញា ឆ្នាំ២០២០ ខណៈម្ចាស់ផ្ទះជាប់រវល់ទៅចូលរួមកម្មពិធីគេនៅថ្ងៃអាទិត្យ។
បើតាមពូម្ចាស់ផ្ទះរងគ្រោះបានបញ្ជាក់ឲ្យដឹងថា សម្ភារទ្រព្យសម្បត្តិដែលបានបាត់បង់ គឺពុំមានអ្វីធំដុំនោះទេ ប៉ុន្តែ គ្រាន់តែចោរបានប្រមូលអស់ទូរស័ព្ទជាច្រើនគ្រឿងប៉ុណ្ណោះ។
តាមរយៈនេះផងដែរ ពួកគាត់ក៏បានអំពាវនាវដល់អាជ្ញាធមានសមត្ថកិច្ច មេត្តាយកចិត្តទុកពីបញ្ហាអសន្តិសុខនេះផង ព្រោះថា នេះមិនមែនជាករណីលើកទី១ទេ ពោលនេះគឺករណីលើកទី២ហើយ ដែលចោរបានចូលគាស់បែបនេះ៕ ដោយ៖ លឹម ហុង