ភ្នំពេញ៖ ពិធីការិនី និងតារាសម្តែង អ្នកនាង ឈិត សុជាតា បានបាត់មុខពីសិល្បៈអស់រយៈពេលយ៉ាងធំ ពោលគឺហាក់លែងនឹកនាទៅលើរឿងសិល្បះតទៅទៀត ក្រោយទទួលបានកូនភ្លោះប្រុសស្រី២នាក់គួរឲ្យស្រឡាញ់រួចមក ព្រោះថា គេពុំបានឃើញអ្នកនាងឡើងធ្វើជាពិធីការិនីនៅលើឆាកដូចលើកមុនៗទៀតនោះទេ។
ទោះយ៉ាងណា បើងាកមកចាប់អារម្មណ៍លើជីវិតឯកជនវិញ ឃើញថាតារាស្រីរូបនេះនាងហាក់កំពុងមានសេចក្តីសុខយ៉ាងពេញទំហឹងតែម្តង ក្រោយបង្ហាញមុខស្វាមីដែលខំលាក់បាំងអស់រយៈពេលជាយូរ និងពិសេសទទួលបានចំណងដៃកូនប្រុសស្រីភ្លោះ១គូ ដែលពេលនេះពួកគេធំៗហើយ។
បើទោះជាហាក់លែងគិតដល់សិល្បៈតទៅទៀត ក៏អ្នកនាង ឈិត សុជាតា នៅតែទទួលបានការចាប់អារម្មណ៍ដដែល ពីសំណាក់អ្នកគាំទ្រ ដែលតែងតែចូលមើលអ្នកនាងតែងតែបង្ហោះឲ្យឃើញពីជីវិតដ៏ហ៊ឺហារ និងព្រមទាំងទិដ្ឋភាពដំណើរកម្សាន្តជាមួយគ្រួសារជាច្រើន នៅលើបណ្តាញសង្គមហ្វេសប៊ុក។ ក្នុងនោះ អ្នកនាង ឈិត សុជាតា ក៏តែងតែបង្ហាញពីសកម្មភាពលក់ផលិតផលសម្លៀកបំពាក់តាមអនឡាញ និងមុខរបរបោះដុំសំបុកត្រចៀកកាំ ធម្មជាតិពិតៗ 100% និងព្រមទាំងមុខរបររកស៊ីដទៃទៀតដែលយើងដឹងពុំអស់។
ដោយឡែក ងាកមកមើលពីសម្រស់តារាស្រីរូបនេះ បើទោះជាឈានចូលវ័យកាន់តែជ្រេណាស់ហើយក្តី តែបើនិយាយពីរូបសម្រស់វិញ គឺថានៅតែវ័យក្មេង ក្រមុំសុំខ្មាសតែម្តង៕ ដោយ៖ លឹម ហុង
