ភ្នំពេញ៖ វីដេអូថ្មីមួយរបស់ឯកឧត្តម ហ៊ុន ម៉ាណែត បានកំពុងទទួលការចាប់អារម្មណ៍ និងស៊ែរតៗគ្នាយ៉ាងច្រើនដែលបានបង្ហាញឲ្យឃើញឯកឧត្តម ហាក់មានការភ្ញាក់ផ្អើលខ្លាំង ខណៈមាននារីម្នាក់ដែលមានរូបសម្រស់ស្រស់សោភា បានសុំថតស្មានតែថត selfie ធម្មតា តែតាមពិតសុំថត Tik Tuk។
ហេតុការណ៍គួរឲ្យអស់សំណើច និងពោរពេញដោយភាពរីករាយខ្លាំងនេះ ត្រូវបានដឹងថា បានកើតឡើងខណៈឯកឧត្តម ហ៊ុន ម៉ាណែត បានកំពុងដើរពិនិត្យមើលការដ្ឋានសំណង់មួយកន្លែង កាលពីថ្ងៃទី៨ ខែកញ្ញា ឆ្នាំ២០២០។
ក្នុងនោះឯកឧត្តម ហ៊ុន ម៉ាណែត ក៏បានភ្ជាប់សារបែបកំប្លែងលេងគួរឲ្យចាប់អារម្មណ៍យ៉ាងដូច្នេះថា៖ «កំពុងដើរពិនិត្យការដ្ឋានសំណង់ មានប្អូនស្រីម្នាក់សុំថត selfie ជាមួយ… កំពុងតែញញឹមដាក់កាម៉េរ៉ាដូចថតselfieរាល់ដង ស្រាប់តែគាត់ប្រាប់ថាសុំថត tiktok… លឺភ្លាមចង់ភាំងព្រោះមិនដែលដឹងថា tiktok គេថតចឹងទេ… ហើយណាមួយមិនដឹងថាត្រូវធ្វើដូចម្តេចទៀតក្រៅពីបន្តញញឹមដាក់កាំមេរ៉ាទាំងភ័យបុកពោះ ព្រោះធ្លាប់តែឃើញក្នុង tiktok មានតែគេបញ្ចេញកាយវិការឬធ្វើមុខមាត់បែបប្លែកៗឬឃ្ជូតៗ 🙂
អរគុណប្អូនស្រីដែលមិនសុំឲ្យបងបញ្ចេញស្នៀតឬធ្វើមុខបែបប្លែកៗឬឃ្ជូតៗ ពេលថត tiktok នេះ… កុំអីចប់ប៉ាដោយខ្ញុំ 🙂
Tiktok លើកទីមួយក្នុងជីវិត»។
ក្រោយពីបានឃើញបែបនេះ បងប្អូនអ្នកប្រើប្រាស់បណ្តាញសង្គម បានសម្តែងនូវក្តីរំភើបជាខ្លាំង ដោយក្នុងនោះបងប្អូនជាច្រើនបានខមិនសញ្ញា «បេះដូង» និងកោតសរសើរចំពោះកាយវិការដ៏គួរឲ្យគោរពស្រឡាញ់របស់ឯកឧត្តមយ៉ាងដូច្នេះថា៖ «ឯកឧត្តម ជាថ្នាក់ដឹកនាំដែលពោរពេញដោយក្តីស្រលាញ់ពេញបេះដូង ទោះមិនដែលបានជួបមុខផ្ទាល់ ក៏មានអារម្មណ៍ថាស្រឡាញ់ គោរព ពេញចិត្តជារៀងរហូត ទាំងកាយវិការ ទាំងពាក្យសម្តី គឺបញ្ចាក់ថាជាថ្នាក់ដឹកនាំដ៏ល្អបំផុត សម្រាប់បងប្អូនប្រជាពលរដ្ឋគ្រប់ទីកន្លែង…ស្រឡាញ់ពេញបេះដូង»៕ ដោយ៖ លឹម ហុង
