បាត់ដំបង ៖ លោកប៊ូ សុផល ប្រធានគម្រោងទិន្នន័យភូមិសាស្ត្រ Angkor Salad App ក្នុងទូរស័ព្ទដៃ បានមានប្រសាសន៍ថា គម្រោងបានសិក្សាពីបន្លែ ដែលផ្ដោតទៅលើសក្ដានុពល និងការសិក្សាទៅលើចំណេះដឹង របស់កសិករមាន៨មុខ គឺមានប៉េងប៉ោះ ស្ពៃជ្រក់ សណ្ដែកគួរ ត្រសក់ ពោតបារាំង។ល។ ដែលមានសក្ដានុពលទៅលើទីផ្សា។ កសិករអាចចែកចាយបន្លែបានតម្លៃខ្ពស់ជាង បន្លែដទៃទៀត។
លោកសំ ប៊ុនណាត ជាប្រធាន Angkor Salad បានមានប្រសាសន៍ថា គោលដៅរបស់ Angkor Salad របស់យើងគឺធ្វើយ៉ាងណាជួយឲ្យកសិករ អាចផលិតនូវបន្លែដែលអនុវត្តន៍បែបកសិកម្មល្អ ហើយកសិករអាចកាត់បន្ថយ នូវការប្រើប្រាស់ជី ថ្នាំនិងការប្រើប្រាស់ទឹកទៅតាមអ្វី ដែលតម្រូវការជាក់ស្ដែងរបស់បន្លែផងដែរ។ បើយើងក្រឡេកមើលទៅកសិករមួយចំនួន ដែលគាត់មិនបានទទួលការអប់រំច្បាស់លាស់ គឺគត់ប្រើប្រាស់ថ្នាំពុលគីមីច្រើន គាត់ប្រើប្រាស់ទឹកលើសតម្រូវការលើដំណាំ។ អីចឹងការផលិតបន្លែរបស់គាត់ មានតម្លៃថ្លៃ។ ប៉ុន្តែបើប្រជាកសិករប្រើកម្មវិធីឬ Angkor Salad Appរបស់អង្គរហ្គ្រីម អ៊ិនវេសមេន អេនឌីវេឡុបមែន លីមីធិតវិញ ពេលនោះថា គាត់យល់ដឹងច្រើន។
ប្រជាកសិករ២រូប មកពីស្រុកថ្មគោល បានប្រាប់ឲ្យដឹងថា ពួកគាត់យល់ដឹងច្រើនពីកម្មវិធីAppនេះ ក្នុងការដាំដុះបន្លែក្នុងសហគមរបស់ពួកគាត់ វាចំណេញទាំងប្រាក់ ចំណេញទាំងពេលវេលា និងតម្លៃបន្លែ។
លោកឈឹម វជ្ជរ៉ា ប្រធានមន្ទីកសិកម្មរុក្ខានិងប្រមាញ់ខេត្ត តំណាងឲ្យអាជ្ញាធរខេត្តបាត់ដំបង បានមានប្រសាសន៍ សូមគាំទ្រនូវការបើកដំណើរការជាផ្លូវការ នូវគម្រោងទិន្ន័យភូមិសាស្ត្រ សម្រាប់កសិករនិងទឹកក្នុងកម្មវិធីទូរស័ព្ទដៃ ដែលមានឈ្មោះជាភាសាអង់ក្លេសAngkor Salad App ជាកម្មវិធីទូរស័ព្ទដៃ ដែលជាបច្ចេកវិទ្យាថ្មី និងជាប្រភពចំណេះដឹង លើបច្ចេកទេសដាំដុះដំណាំបន្លែដ៏ទំនើបមួយ។ កម្មវិធី Angkor Salad Appមានការផ្ដូចផ្ដើម និងរួមគ្នាបង្កើតឡើងដោយគម្រោង Angkor SaladដែលទទួលបានជំនួយពីNetheriands Space office តាមរយៈក្រសួងការបរទេស នៃរដ្ឋាភិបាលប្រទេសហូឡង់។ ដាំគួរអនុវត្តគម្រោងនេះ រួមមាន បណ្ដាអង្គការ ក្រុមហ៊ុន ក្នុងស្រុកនិងក្រៅស្រុកជាច្រើនផងដែរ៕ ដោយ ៖ អ៊ុងសារុំ
