ភ្នំពេញ៖ ក្រសួងការបរទេសនិងសហប្រតិបត្តិការអន្តរជាតិ បានចេញសេចក្តីជូនដំណឹង ដោយគោរពជូនឯកឧត្តម រដ្ឋមន្ត្រីក្រសួងយុត្តិធម៌ កាលពីថ្ងៃទី៧ ខែកញ្ញា ឆ្នាំ២០២០ ស្តីការចូលជាធរមាន នៃសន្ធិសញ្ញាស្តីពីការផ្ទេរទណ្ឌិត រវាងកម្ពុជា និងវៀតណាម ។
សេចក្តីជូនដំណឹងនេះ យោងតាមកំណត់ទូតលេខ ៤៤៧ BNG-LPQT ចុះថ្ងៃទី១៨ ខែសីហា ឆ្នាំ២០២០ របស់ក្រសួងការបរទេសវៀតណាម។
យោងលិខិតលេខ៦០៩៣ កបទ-សអ/ច្បក១ ចុះថ្ងៃទី៤ ខែកញ្ញា ឆ្នាំ២០២០ របស់ក្រសួងការបរទេស និងសហប្រតិបត្តិការអន្តរជាតិ ។
ក្រសួងយុត្តិធម៌សូមជម្រាបជូនសាធារណជនមេត្តាជ្រាបថា សន្ធិសញ្ញាស្តីពីការផ្ទេរ ទណ្ឌិត រវាងកម្ពុជា-វៀតណាម នឹង ចូលជាធរមាន នៅថ្ងៃទី១ ខែតុលា ឆ្នាំ ២០២០ ខាងមុខនេះ ។
បើតាមក្រសួងការបរទេស ដែលជម្រាប់ជូនឯកឧត្តមរដ្ឋមន្ត្រីក្រសួងយុត្តិធម៌ ជ្រាបថា “យោងតាមមាត្រា២០ កថាខណ្ឌទី១ នៃសន្ធិសញ្ញាស្តីពីការផ្ទេទណ្ឌិតរវាងកម្ពុជាវៀតណាម ភាគីវៀតណាមបានជូនព័ត៌មានថា សន្ធិសញ្ញាខាងលើនេះ នឹងចូលជាធរមាននៅថ្ងៃទី១ ខែតុលា ឆ្នាំ២០២០”៕
ដោយ៖កូឡាប
