ភ្នំពេញ៖ នៅថ្ងៃទី១១ ខែកញ្ញាឆ្នាំ ២០២០ ក្រសួងការបរទេសនិងសហប្រតិបត្តិការអន្តរជាតិបានចេញសេចក្ដីប្រកាសព័ត៌មានពីលទ្ធផលកិច្ចប្រជុំរដ្ឋមន្ដ្រីការបរទេសអាស៊ាន ជាមួយដៃគូសន្ទនាអាស៊ាន និងកិច្ចប្រជុំពាក់ព័ន្ធ នៅថ្ងៃទី១០ ខែកញ្ញា ឆ្នាំ២០២០ តាមប្រព័ន្ធវីដេអូ។ក្នុងកាលនោះឯកឧត្តមឧបនាយករដ្ឋមន្ត្រីបានរំលេចអំពីសមិទ្ធផលនៃកិច្ចសហប្រតិបត្តិការដ៏ល្អដែលកំពុងកើតមាន រវាងអាស៊ាន និងអាសហរដ្ឋមេរិក តាមរយៈក្របខ័ណ្ឌទ្វេភាគី និងតំបន់។
នៅថ្ងៃទី ១០ ខែកញ្ញា ឆ្នាំ២០២០ ជាថ្ងៃទីពីរដែល ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រី ការបរទេស និងសហប្រតិបត្តិការអន្តរជាតិ បានចូលរួមកិច្ចប្រជុំថ្នាក់រដ្ឋមន្ត្រីអាស៊ាន ជាមួយដៃគូ សន្ទនាអាស៊ាន នាឱកាសកិច្ចប្រជុំរដ្ឋមន្ត្រីការបរទេសអាស៊ានលើកទី ៥៣ និងកិច្ចប្រជុំពាក់ព័ន្ធផ្សេង ទៀត ។
កិច្ចប្រជុំរដ្ឋមន្ត្រីការបរទេសអាស៊ាន -សហរដ្ឋអាមេរិក ៖កិច្ចប្រជុំបានពិនិត្យឡើងវិញនូវកិច្ចសហប្រតិបត្តិការកន្លងមក និងបានពិភាក្សាអំពីទិសដៅអនាគតនៃ ទំនាក់ទំនងរវាងអាស៊ាន -សហរដ្ឋអាមេរិក។ ប្រទេសសមាជិកអាស៊ាន និងសហរដ្ឋអាមេរិកបានសម្តែងនូវ សេចក្តីពេញចិត្តដែលបន្ទាត់សកម្មភាពទាំងអស់ ដើម្បីអនុវត្តភាពជាដៃគូយុទ្ធសាស្ត្រអាស៊ាន អាមេរិក ២០១៦-២០២០ ត្រូវបានអនុវត្តតាមផែនការ។
ប្រទេសសមាជិកអាស៊ានបានសម្តែងនូវការកោតសរសើរចំពោះការប្តេជ្ញាចិត្តរបស់សហរដ្ឋអាមេរិក ក្នុង គាំទ្រមជ្ឈភាពអាស៊ាន នៅក្នុងនិម្មាបនកម្មតំបន់ដែលកំពុងវិវត្ត ដែលបើកចំហ មានតម្លាភាព ការប្រកបដោយបរិយាប័ន្ន និងដែលផ្អែកលើច្បាប់ ដោយកសាងលើយន្តការដែលដឹកនាំដោយអាស៊ាន ហើយដែលពហុភាគីនិយមនៅតែជាឧបករណ៍ប្រកបដោយប្រសិទ្ធិភាពមួយ សម្រាប់ដោះស្រាយបញ្ហា តំបន់ និងអន្តរជាតិ។ កិច្ចប្រជុំបានសង្កត់ធ្ងន់លើសារសំខាន់នៃកិច្ចសហប្រតិបត្តិការសេដ្ឋកិច្ច និង វប្បធម៌អាស៊ាន-សហរដ្ឋអាមេរិក ដូចជាលើវិស័យពាណិជ្ជកម្ម ការតភ្ជាប់ហេដ្ឋារចនាសម្ព័ន្ធ និង – សង្គម ការអភិវឌ្ឍធនធានមនុស្ស។ ប្រទេសសមាជិកអាស៊ានបានថ្លែងអំណរគុណដល់សហរដ្ឋអាមេត្ត បានចូលរួមចំណែកក្នុងការប្រយុទ្ធប្រឆាំងនឹងជំងឺកូវីដ១៩នឹងធ្វើកិច្ចសហប្រតិបត្តិការកាន់តែ ស៊ីជម្រៅថែមទៀត ជាមួយសហរដ្ឋអាមេរិក ក្នុងការស្តារឡើងវិញក្រោយវិបត្តិកូវីដ១៩។
ឯកឧត្តមឧបនាយករដ្ឋមន្ត្រីបានរំលេចអំពីសមិទ្ធផលនៃកិច្ចសហប្រតិបត្តិការដ៏ល្អដែលកំពុងកើតមាន រវាងអាស៊ាន និងអាសហរដ្ឋមេរិក តាមរយៈក្របខ័ណ្ឌទ្វេភាគី និងតំបន់។ ឯកឧត្តមឧបនាយករដ្ឋមន្ត្រី បានថ្លែងអំណរគុណចំពោះសហរដ្ឋអាមេរិកដែលបានគាំទ្រដល់វិស័យថែទាំសុខភាពនិងវត្តមានដ៏ រឹងមាំនៃមជ្ឈមណ្ឌលត្រួតពិនិត្យនិងបង្ការជំងឺឆ្លង(CDC ) របស់អាមេរិក ក្នុងការជួយបណ្តាប្រទេសនានា ដូចជាប្រទេសកម្ពុជា នៅក្នុងការប្រយុទ្ធប្រឆាំងនឹងជំងឺរាតត្បាត។ ឯកឧត្តមឧបនាយករដ្ឋមន្ត្រី បាន សម្តែងការគាំទ្រចំពោះសេចក្តីព្រាងសេចក្តីប្រកាស រួម ស្តីពីការអភិវឌ្ឍមូលធនមនុស្ស ។ ឯកឧត្តមឧបនាយករដ្ឋមន្ត្រីបានលើកទឹកចិត្តដល់សហរដ្ឋអាមេរិកឱ្យបន្តគាំទ្រកម្មវិធីទ្រទ្រង់នានាដែលមានគោលបំណងកែលម្អ និងបង្កើនជំនាញថ្មីៗបន្ថែមទៀតដល់កម្លាំងពលកម្មអាស៊ាន ដើម្បីលើក កម្ពស់ការប្រកួតប្រជែងផ្នែកឧស្សាហកម្ម នៅក្នុងតំបន់អាស៊ាន។ ការលើកស្ទួយការអភិវឌ្ឍហេដ្ឋារចនា សម្ព័ន្ធឌីជីថល ប្រព័ន្ធបរិស្ថានឌីជីថល សហគ្រិនភាពស្ត្រី ការតភ្ជាប់បច្ចេកវិទ្យាហិរញ្ញវត្ថុ (fintech) និង ក្រុមហ៊ុនបច្ចេកវិទ្យាបង្កើតថ្មីៗជាមួយបណ្តាក្រុមហ៊ុនអាមេរិកនានា គឺជាលទ្ឋភាពផ្សេងៗទៀត សម្រាប់សហរដ្ឋអាមេរិកក្នុងការលើកកម្ពស់កិច្ចសហប្រតិបត្តិការជាមួយអាស៊ាន។
ឯកឧត្តមឧបនាយករដ្ឋមន្ត្រីបានបញ្ជាក់ឡើងវិញនូវការប្តេជ្ញាចិត្តដ៏មោះមុតរបស់កម្ពុជាក្នុងការធ្វើឱ្យទំនាក់ទំនងកម្ពុជា-សហរដ្ឋអាមេរិកកាន់តែស៊ីជម្រៅថែមទៀត ក៏ដូចជាការលើកកម្ពស់ភាពជាដៃគូអាស៊ាន-អាមេរិក ឆ្ពោះទៅកាន់កម្រិតថ្មីមួយទៀត ដោយឈរលើមូលដ្ឋានគោរពគ្នាទៅវិញទៅមក ផលប្រយោជន៍រួម និងការជឿទុកចិត្តគ្នាទៅវិញទៅមក។
កិច្ចប្រជុំបានឯកភាពគ្នាអនុម័តផែនការសកម្មភាពថ្មី ឆ្នាំ២០២០-២០២៥ ដែលបានដាក់ចេញនូវ បណ្តាសកម្មភាព និងវិស័យយុទ្ធសាស្ត្រជាច្រើន ដើម្បីកំណត់ទិសដៅកិច្ចសហប្រតិបត្តិការអនាគត រវាងភាគីទាំងពីរ សម្រាប់រយៈពេល៥ឆ្នាំខាងមុខទៀត៕ ដោយ៖កូឡាប
