ភ្នំពេញ៖ឃាត់ជនសង្ស័យ ករណី លួច ម៉ូតូចំនួន ៤នាក់ នៅ ថ្ងៃទី១៣ខែកញ្ញា ឆ្នាំ២០២០ វេលាម៉ោង ២និង៣៥នាទីទៀបភ្លឺនៅចំណុច ផ្ទះជួល ភូមិឬស្សីស្រុក ឃុំឈើទាល ស្រុកកៀនស្វាយ ខេត្តកណ្តាល។ នគរបាលបានឆែកមើលកាម៉ារ៉ាសុវត្ថិភាព បានមើលឃើញ សកម្មភាពជនសង្ស័យខាងលើ ធ្វើសកម្មភាពលួចម៉ូតូចេញពីមុខបន្ទប់ជួលនោះប្រាកដមែន។
ជនរងគ្រោះ ចំនួន១នាក់ឈ្មោះ វិត ប៊ុនធឿន ភេទប្រុស អាយុ ៥១ឆ្នាំ ជនជាតិខ្មែរ មានស្រុកកំណើត ភូមិ គោកពេញ ឃុំ ជៀប ស្រុក ទឹកផុស ខេត្តកំពង់ឆ្នាំង បច្ចុប្បន្នស្នាក់នៅផ្ទះជួល នៅភូមិឬស្សីស្រុក ឃុំឈើទាល ស្រុក កៀនស្វាយ ខេត្តកណ្តាល មុខរបរ ចុងភៅ។
ជនសង្ស័យមានចំនួន ៤នាក់ ត្រូវឃាត់ខ្លួន ១/ឈ្នោះ ញ៉ាញ់ បញ្ញឹម ភេទ ប្រុស អាយុ ២៦ឆ្នាំ ជនជាតិ ខ្មែរ មានទីលំនៅភូមិឬស្សីស្រុក២ ឃុំឈើទាលស្រុកកៀនស្វាយខេត្តកណ្តាល មុខរបរ ពុំពិត ប្រាកដ។ ២/ឈ្មោះ អឿ ឈឿន (ហៅ ថន) ភេទ ប្រុស អាយុ ២២ឆ្នាំ ជនជាតិ ខ្មែរមានទីលំនៅភូមិឈើទាល២ឃុំឈើទាលស្រុកកៀនស្វាយខេត្តកណ្តាល មុខរបរពុំពិតប្រាកដ។ ៣/ឈ្មោះ កុល ខេមរា (ហៅខ្លា) ភេទប្រុស អាយុ ៣២ឆ្នាំជនជាតិខ្មែរ មុខរបរមិនពិត មានទីលំនៅ ភូមិ ឫស្សីស្រស់ សង្កាត់និរោធ ខណ្ឌច្បារអំពៅ ភ្នំពេញ ជាម្ចាស់ផាស់អាប់ ។ ៤/ឈ្មោះ សែស មេសា ភេទប្រុស អាយុ ២៧ឆ្នាំ មុខរបរ លក់ដូរ មានទីលំនៅភូមិ កណ្ដាល សង្កាត់ច្បារអំពៅពីរ ខណ្ឌច្បារអំពៅ ភ្នំពេញ។
សម្ភារបាត់បង់ ៖ ម៉ូតូមួយគ្រឿងម៉ាក់ CBR ពណ៌ស ខៀវ ពាក់ផ្លាកលេខ សៀមរាប 1X-3266(រកឃើញវិញ)។
វត្ថុតាងចាប់យករួមមាន: កង់១ ពណ៌ស នឹង ស្បែកជើងផ្ទាត់មួយគូរ(ជារបស់ជនសង្ស័យ)។ ម៉ូតូកង់បីផាស់អ៊ាប់ពណ៌ស ពាក់ផ្លាកលេខ ភ្នំពេញ 1HI 2768មួយគ្រឿង(ជារបស់ជនសង្ស័យ)។
នៅថ្ងៃខែឆ្នាំវេលាម៉ោង16និង30នាទីជនរងគ្រោះ បានទុកម៉ូតូរបស់ខ្លួនម៉ាកHONDA CBR 250c ពណ៌ ស ខៀវ ពាក់ផ្លាកលេខ សៀមរាប 1X-3266 នៅមុខបន្ទប់ជួល នៅចំណុចកើតហេតុខាងលើ (ម៉ូតូធំមិនអាចយកចូលក្នងបន្ទប់កើត)ធម្មតាទុកនៅមុខបន្ទប់។លុះដល់ម៉ោង៦ព្រឹកជនគ្រោះបានក្រោកពីដេក ចេញមកខាងក្រៅបន្ទប់មិនឃើញម៉ូតូរបស់ខ្លួន ហើយក៏យល់ថាមានគេលួចខ្លួនក៏ប្រាប់ទៅម្ចាស់ផ្ទះឲ្យជួយឆែកមើលកាម៉ារ៉ាសុវត្ថិភាព បានមើលឃើញ សកម្មភាពជនសង្ស័យខាងលើ ធ្វើសកម្មភាពលួចម៉ូតូចេញពីមុខបន្ទប់ជួល យកទៅក្រៅបាត់។
ក្រោយពីឆែកការ៉ាម៉ាសុវត្ថិភាពរួចជនរងគ្រោះបានមកដាក់ពាក្យបណ្តឹង នៅប៉ុស្តិ៍នគរបាលរដ្ឋបាលឈើទាល ពេលទទួលបណ្តឹងរួចកម្លាំងជំនាញស្រុក បានសហការជាមួយកម្លាំងប៉ុស្តិ៍ ចុះទៅដល់កន្លែងកើតហេតុដើម្បីសុំឆែកកាម៉ារ៉ាសុវត្ថិភាព។ ក្រោយពីឆែករួច កម្លាំងជំនាញនឹងប៉ុស្តិ៍បានកំណត់មុខសញ្ញាជនសង្ស័យ ជាមនុស្សនៅក្នុងមូលដ្ឋាន រួចបានចុះទៅដល់ផ្ទះជនសង្ស័យ តែជនសង្ស័យបានគេចខ្លួនបាត់មិននៅក្នុងមូលដ្ឋានទេ។
កម្លាំងជំនាញបានធ្វើការស្រាវជ្រាវសើបអង្កេតបន្តតាមរកមុខសញ្ញាខាងលើដោយមានកិច្ចសហការជាមួយ សមត្ថកិច្ចមូលដ្ឋានខណ្ឌច្បារអំពៅ។ លុះមកដល់វេលាម៉ោង ១១និង៥៥នាទី នៅថ្ងៃទីខែឆ្នាំដដែល កម្លាំងជំនាញនគរបាលយុត្តិធម៌ស្រុកកៀនស្វាយ បានឃាត់ខ្លួនជនសង្ស័យបានចំនួន៤នាក់ នៅចំណុចក្បែរវត្ត សំពោងផលអណ្តែត សង្កាត់ និរោធ ខណ្ឌច្បារអំពៅ រាជធានី ភ្នំពេញ ហើយកម្លាំងជំនាញស្រុកបាននាំខ្លួនជនសង្ស័យខាងលើ មកអធិការនគរបាលស្រុកកៀនស្វាយដើម្បីសួរនាំ ។
ក្រោយពីបានសួរនាំរួចជនសង្ស័យទាំង៤នាក់ខាងលើបានសារភាពថា ខ្លួនពិតជាបាននាំគ្នាចូលទៅលួចម៉ូតូម៉ាក HONDA CBR 250CC ពណ៌ ស ខៀវ ពាក់ផ្លាកលេខ សៀមរាប 1X. 3266 នៅចំណុចផ្ទះជួលក្នុងភូមិ ឫស្សីស្រុក ឃុំឈើទាល ស្រុកកៀនស្វាយ ខេត្តកណ្តាល ពិតប្រាកដមែន ។
ដោយឈ្មោះ ញាញ់ បញ្ញឹម ជាចូលអ្នកចូលទៅមុនរួចហើយបានហៅឈ្មោះ អឿ ឈឿន (ថន)ឲ្យចូលទៅជួយរុញម៉ូតូចេញមកក្រៅ ហើយឈ្មោះ សែស មេសា ភេទប្រុសជាអ្ក្នកបើកម៉ូតូផាស់អាប់(passapp) ចាំមើលផ្លូវខាងក្រៅ ពេលរុញម៉ូតូមកដល់ខាងក្រៅផ្លូវឈ្មោះ ញាញ់ បញ្ញឹមបានជិះម៉ូតូរបស់ជនរងគ្រោះ ចំណែកឈ្មោះ អឿ ឈឿន (ថា)អង្គុយលើផាស់អាប់ខាងមុខចំហៀងខាងឆ្វេងយកជើងរុញម៉ូតូពីក្រោយ ដោយ ឈ្មោះសែស មេសា ភេទប្រុស ជាអ្នកបើកម៉ូតូផាស់អាប់ ជិះរុញម៉ូតូរងគ្រោះមកដល់ចំណុចក្បែររបងវត្តកោះក្របី សង្កាត់ព្រែកថ្មី ខណ្ឌច្បាអំពៅ ភ្នំពេញ ម៉ូតូផាស់អាប់បានអស់សាំង ឈ្មោះ សែស មេ សា បានយកទូរស័ព្ទដៃរបស់ខ្លួន ទូរស័ព្ទទៅឈ្មោះ កុល ខេមរា (ខ្លា) ភេទប្រុស ឲ្យទិញសាំងហើយជិះម៉ូតូយកមកឲ្យពួកខ្លួន ដើម្បីចាក់ផាស់អាប់ក្រោយពីចាក់សាំង រួចក៏នាំគ្នារុញម៉ូតូរបស់ជនរងគ្រោះ រហូតមកដល់ផ្ទះ ឈ្មោះកុល ខេមរា(ខ្លា)ស្ថិតនៅភូមិនិរោធ សង្កាត់ច្បារអំពៅ ខណ្ឌច្បារអំពៅ ភ្នំពេញ។
លុះព្រឹកឡើងរហូតដល់ម៉ោង11និង55ថ្ងៃដដែលទើបកម្លាំងសមត្ថកិច្ចស្រុកកៀនស្វាយ ចុះឃាត់ខ្លួនបានបន្តបន្ទាប់នឹងដកហូតវត្ថុតាង(ម៉ូតូ) មកកាន់អធិការដ្ឋានស្រុក ដើម្បីចាត់ការតាមនីតិវិធី។
សូមបញ្ជាក់ មុខសញ្ញានេះ គឺជាក្រុមធ្លាប់ដើរធ្វើសកម្មភាពលួចឆក់នឹងគាស់ផ្ទះសកម្ម។ ពិសេសឈ្មោះ ញ៉ាញ់ បញ្ញឹម ភេទប្រុស កាលពីថ្ងែទី ៤ កក្កដា ឆ្នាំ២០២០ ម៉ោង ១៣និង០០នាទី បានលួចម៉ូតូមួយគ្រឿងម៉ាកស្មាស់រ៉េវូ ពណ៌ខ្មៅ (ម៉ូតូបងប្រុសបង្កើត) របស់ខ្លួនយកទៅលក់ម្តងរួចមកហើយ៕ ដោយ៖បញ្ញាស័ក្តិ