បន្ទាយមានជ័យ ៖ ពលរដ្ឋជាង ៣៥.០០០ គ្រួសារ បានទទួលអំណោយកាកបាទក្រហមកម្ពុជាខេត្តបន្ទាយមានជ័យ។ លោក លី សារី អភិបាលរងខេត្តបន្ទាយមានជ័យ និងជាប្រធានសាខាកាកបាទក្រហមកម្ពុជាខេត្តបន្ទាយមានជ័យ ថ្លែងសន្និបាតបូកសរុបលទ្ធផលការងារប្រចាំឆ្នាំ២០១៧ និងលើកទិសដៅបន្តឆ្នាំ២០១៨ របស់សាខាកាកបាទក្រហមកម្ពុជាខេត្តបន្ទាយមានជ័យកាលពីថ្ងៃទី៦ កុម្ភ: ម្សិលមិញ។
លោក សាន ឃិត នាយកប្រតិបត្តិកាកបាទក្រហមកម្ពុជាកម្ពុជានិយាយថា ៖ ក្នុងការសង្គ្រោះជីវិតមនុស្សដែលជួបប្រទះគ្រោះមហន្តរាយ និងវិបត្តិនានាដូចជាកាត់បន្ថយអត្រា ឈឺស្លាប់ នៃមាតានៃទារក និងអន្តរាគមន៍សុខភាពមានគ្រាអាសន្ន លើកកំពស់តំលៃមនុស្សធម៌សេចក្តីថ្លៃថ្នូរបស់មនុស្សជាតិដែលដឹកនាំដោយសម្តេចបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា។
លោកលី សារី បានបញ្ជាក់ថា នៅឆ្នាំ២០១៧ ផលប៉ពាល់ពីបញ្ហាប្រឈមជាសកល ដូចជា ៖ ការប្រែប្រួលអាកាសធាតុ គ្រោះមហន្តរាយ វិបត្តិផ្សេងៗ និងបញ្ហាសង្គមមានដូចជា គ្រោះថ្នាក់ចរាចរណ៍ គ្រឿងញៀន ជម្ងឺឆ្លង អំពើហឹង្សាជាដើម។ ក្នុងឆ្នាំ២០១៧ សាខាកាកបាតក្រហមខេត្តបន្ទាយមានជ័យ បានយកចិត្តទុកដាក់បង្កើនសហប្រតិបត្តិការឲ្យកាន់តែជិតស្និទ្ធថែមទៀតជាមួយអាជ្ញាធម៌គ្រប់លំដាប់ថ្នាក់ និងផ្នែកពាក់ពន្ធដូចជា សប្បុរសជន ធ្វើឲ្យគ្រួសាររងគ្រោះ និងងាយរងគ្រោះចំនួន៣.៤០៩គ្រួសារ បានទទួលអំណោយមនុស្សធម៌ ដូចជាស្បឿងអាហារ អណ្តូងទឹក ស្រះទឹក បង្គន់អនាម័យ ការអប់រំផ្សព្វផ្សាយ និងការលើកកម្ពស់សុខុមាលភាពសង្គមបើប្រៀបធៀបឆ្នាំ ២០១៦ មានការកើនឡើង។
លោក លី សារី បានបញ្ជាក់ឲ្យដឹងទៀតថា ក្នុងឆ្នាំ ២០១៨នេះ សាខាកាកបាតក្រហមត្រៀមសម្ភារៈអំណោយសង្គ្រោះបន្ទាន់ទៅតាមលទ្ធភាពធនធានរបស់សាខា ត្រៀមជម្រកបណ្តោះអាសន្នពេលប្រជាពលរដ្ឋមានគ្រោះអាសន្ន ត្រឿមផ្តល់សម្ភារៈជួសជុលជម្រកដល់ជនក្រីក្រនិងរងគ្រោះធ្ងន់ធ្ងរ និងធ្វើការលើកកម្ពស់ការផ្តល់ជំនួយសុខុមាលភាពដល់សង្គម ពង្រឹងសមត្ថកភាពដល់អនុសាខា ក្រុមកាកបាតក្រហមឃុំ សង្កាត់ អ្នកស្ម័គ្រចិត្ត និងយុវជន។ ចុះពង្រឹងការគ្រប់គ្រងអ្នកអស្ម័គ្រចិត្ត និងយុវជនកាកបាតក្រហមកម្ពុជា និងបន្តស្វែងរកការគាំទ្រមូលនិធិតាមរយៈការកសាងសមាជិកភាព និងសប្បុរសជនសម្រាប់ការឆ្លើយតបដល់ជនរងគ្រោះ និងងាយរងគ្រោះបន្តទៀតផង៕ ដោយ ៖ បន្ទាយ
