ឆ្នាំជូត
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកប្រកបកិច្ចការងារណាដែលសំខាន់ឬកិច្ចការងារដែលធំដុំផងពីប្រោះថាតែងផ្តល់ជាផ្លែផ្កាមកវិញជានិច្ច។
មុខរបរ ៖ អ្នកប្រកបរបររកស៊ីជួញដូរមានភាពកាក់កបគ្រាន់បើបន្តិចវិញតែយ៉ាងណាលោកអ្នកមិនគប្បីសេពគប់ល្បែងស៊ីសងឡើយនាំកើតឧបទ្រពចង្រៃរកស៊ីអ្វីមិនឡើងនឹងគេហើយកើតមានតែរឿងរាវចម្រូងចម្រាស។
ស្នេហា ៖ កំលោះក្រមុំមានការជឿនលឿនទៅមុខនិងកំពុងបើកទំព័រថ្មីសម្រាប់អ្នកហើយ៕
ឆ្នាំឆ្លូវ
រាសីល្អជាមធ្យម។
ការងារ ៖ នៅក្នុងថ្ងៃនេះបើទោះបីធ្វើអ្វីមួយក៏ដោយលោកអ្នកត្រូវតែមានការសម្រេចចិត្តឱ្យបានល្អិតល្អន់ហើយត្រូវតែចងចាំថាបើសម្រេចចិត្តត្រូវនឹងទទួលបានផលល្អ ប៉ុន្តែបើការសម្រេចចិត្តខុសវិញគឺមិនត្រឹមខកបំណងទេគឺថែមទាំងត្រូវខ្លោចផ្សាផ្លូវចិត្តទៀតផង។
មុខរបរ ៖ អ្នកប្រកបរបររកស៊ីជួញដូរវិញមានការទិញចូលលក់ចេញគ្រាន់បើឯផលកម្រៃទៀតសោតអាចប្រមូលចូលផ្ទះវិញយ៉ាងត្រជាក់ចិត្ត។
ស្នេហា ៖ កំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំខាល
រាសីស្រុតចុះ។
ការងារ ៖ នៅថ្ងៃនបើលោកអ្នកសម្រេចចិត្តអ្វីមួយចូរប្រយ័ត្នកើតបញ្ហាដល់នាថ្ងៃខាងមុខផង។ការប្រកបការងារទាំងស្ត្រីបុរសបើមើលឃើញថាអ្នកដទៃគេរំលោភបំពានឬបង្កហេតុចង់ចាញ់ឈ្នះលោកអ្នកត្រូវធ្វើមិនដឹងមិនឮខ្លះទើបប្រសើរពីព្រោះមិននាំកើតរឿងរាវត្រូវឈឺក្បាល។
មុខរបរ ៖ ចំណែកអ្នកប្រកបរបររកស៊ីជួញដូរទាំងការជួញទីជិតឆ្ងាយលោកអ្នកមិនអាចលោភលន់បានដែរហើយបើឃើញថារបស់អ្វីដែលអាចបញ្ចេញលក់ឬមានការផ្លាស់ប្តូរគប្បីបញ្ចេញឱ្យអស់។
ស្នេហា ៖ ប្រុសស្រីមិនមានអ្វីប្រែប្រួលប្តូរផ្លាស់ទេគឺដូចសព្វមួយដង៕
ឆ្នាំថោះ
រាសីល្អជាមធ្យម។
ការងារ ៖ ក្នុងថ្ងៃនេះបើលោកអ្នកប្រកបការងារអ្វីចូរប្រយ័ត្នសត្រូវឆ្ងាយជិតគេទម្លាក់កំហុសទុកឱ្យណាមួយនាំជួបការលំបាករែកពន់នៅថ្ងៃខាងមុខ។ការរស់នៅលោកអ្នកត្រូវចេះកាត់បន្ថយភាពរកាំរកូសក្នុងរង្វង់គ្រួសារទើបភាពចម្រុងចម្រើនមានភាពល្អប្រសើរជាងនេះ។
មុខរបរ ៖ អ្នកប្រកបរបររកស៊ីជួញដូរលោកអ្នកពុំត្រូវប្រកាន់ចិត្តស្រាលឆាប់ខឹងឬប្រកែប្រកាន់ច្រើនឡើយនាំតែមានជម្លោះជាមួយអតិថិជនបាត់បង់នូវចំណូលខ្លួនឯងប៉ុណ្ណោះ។
ស្នេហា ៖ ប្រុសស្រីកុំគប្បីភ្លើតភ្លើនតាមអារម្មណ៍អូសទាញត្រូវចេះអប់រំនិងដាស់តឿនដោយអាត្មាខ្លួនឯងទើបជាការប្រពៃបំផុត៕
ឆ្នាំរោង
រាសីល្អជាមធ្យម។
ការងារ ៖ ថ្ងៃនេះដួងរាសីរបស់លោកអ្នកជួបបញ្ហាប្រទាំងប្រទើសបន្តិចពិសេសឱ្យប្រយ័ត្នគ្រោះចាញ់បោកគេហើយនាំការឈឺចាប់នៅពេលក្រោយ។ទាំងស្ត្រីបុរសបើទោះបីលោកអ្នកមានប្រាក់កាសច្រើនក៏ដោយកុំសូវចិត្តល្អឱ្យគេខ្ចីពេកប្រយ័ត្នជួបរឿងដូចពាក្សចាស់ថា”ខ្ចីធូរឯការសងមកវិញតឹងដូអូស្សបញ្ច្រាសចុង”។
មុខរបរ ៖ សម្រាប់អ្នកប្រកបរបររកស៊ីជួញដូរលោកអ្នកជួបរឿងចំណូលតិឯការចាយវាយវិញចោមរោមគ្រប់ទិសទីឥតស្រួលចិត្តប៉ុន្មានឡើយ។
ស្នេហា ៖ កំលោះក្រមុំជួបរឿងប្រទាំងប្រទើសនិងមើលកំហុសគ្នាច្រើន៕
ឆ្នាំម្សាញ់
រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកធ្វើអ្វីក៏តែងមានភាពរលូនល្អនិងពិសេសអាចសម្រេចជោគជ័យត្រឡប់មកវិញផង។
មុខរបរ ៖ ចំពោះអ្នកប្រកបរបររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើន ហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។
ស្នេហា ៖ កំលោះក្រមុំឬពោះម៉ាយមេម៉ាយក្តីមានការរីកលូតលាស់និងផ្អែមល្ហែមប្រពៃ៕
ឆ្នាំមមី
រាសីស្រុតចុះ។
ការងារ ៖ នៅថ្ងៃនេះលោកអ្នកអាចបានស្តាប់រឿងរាវមិនល្អនិងពិសេសងាយកើតបញ្ហាចំពោះមុខផងគប្បីប្រយ័ត្នប្រយែង។
មុខរបរ ៖ អ្នកប្រកបរបររកស៊ីជួញដូរវិញការជួញទីជិតឆ្ងាយក្តីជួបផលលំបាកក្នុងការរកផលចំណូលណាស់ដែរ ហើយក្រៅពីនេះលោកអ្នកគួរប្រយ័ត្នប្រយែងការមានជម្លោះវិវាទថែមទៀត។ការធ្វើដំណើរឆ្ងាយជិតឱ្យប្រយ័ត្នក្រុមមនុស្សបៀតបៀនបន្តិចទើបប្រសើរ។
ស្នេហា ៖ កំលោះក្រមុំមានការឆាប់ទាំងប្រេះឆាហើយក៏ឆាប់ត្រូវគ្នាវិញដែរ៕
ឆ្នាំមមែ
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកនៅតែល្អប្រសើរដដែលទេដូចនេះទោះធ្វើអ្វីក៏តែងមានភាពស្រស់ស្រាយនិងផ្តល់ផលល្អមកវិញជានិច្ច។
មុខរបរ ៖ អ្នកប្រកបរបររកស៊ីជួញដូរលោកអ្នកអាចបើកហាងថ្មីឬទិញកន្លែលក់ដូរថ្មីតែងជោគជ័យដូចសមប្រកប។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ប្រុសស្រីបើមិនទាន់មានគូគាប់កុំឃើញភ្លាមស្រឡាញ់ភ្លែតនាំជួបផលលំបាកនៅគ្រាក្រោយ៕
ឆ្នាំវក
រាសីស្រុតចុះ។
ការងារ ៖ នៅថ្ងៃនេះលោកអ្នកទទួលរងការហត់នឿយច្រើនពិសេសការបំពេញការងារអ្វីចូរប្រយ័ត្នក្រុមមនុស្សបង្កបញ្ហាអ្វីមួយឡើងនាំពិបាកទប់ទល់។
មុខរបរ ៖ អ្នកប្រកបរបររកស៊ីជួញដូរជួបបញ្ហាខ្សត់ខ្សោយចំណូល ហើយពិសេសងាយកើតបញ្ហាជាមួយក្រុមមនុស្សផងគប្បីមានការប្រយ័ត្នប្រយែង។ការធ្វើដំណើរឆ្ងាយជិតមិនសូវផ្តល់ផលល្អទេគឺតែងមានក្រុមមនុស្សបង្កបញ្ហាច្រើនជាងសព្វមួយដង ។
ស្នេហា ៖ ប្រុសស្រីមានភាពតានតឹងដូចអ៊ំទូកបញ្ច្រាសទឹកគឺងាយថយក្រោយហើយមិនងាយលូតទៅមុខនោះឡើយ៕
ឆ្នាំរកា
រាសីល្អជាមធ្យម។
ការងារ ៖ នាពេលនេះលោកអ្នកមិនគប្បីឆាប់ជឿក្រុមមនុស្សពេកទេព្រោះងាយជួបគ្រោះចាញ់បោកគេណាស់។ក្រៅពីនេះលោកអ្នកឱ្យប្រយ័ត្នក្រុមមនុស្សមាត់អុជអាលនាំជួបផលលំបាកណាមួយដែលរកនឹកស្មានមិនដល់។
មុខរបរ ៖ អ្នកប្រកបរបររកស៊ីជួញដូរនៅក្នុងថ្ងៃនេះដែរមានភាពលំនឹងល្អហើយទោះជួញទីជិតឆ្ងាយអាចរកផលកម្រៃចូលហែៗគ្រាន់សម្រាប់ការចាយវាយអញ្ចឹងដែរ។
ស្នេហា ៖ ប្រុសស្រីកុំគប្បីយកភាពប្រកែប្រកាន់និងកំហឹងទល់កំហល់ដាក់ខ្លួនប្រយ័ត្នកើតរឿងជម្លោះវិវាទឥតឈប់ឈរហើយឈានមិនដល់ខ្លោងទ្វាអាពាហ៍ពិពាហ៍៕
ឆ្នាំច
រាសីល្អជាមធ្យម។
ការងារ ៖ នៅថ្ងៃនេះយីអ៊ុនស្ថិតនៅលើកំណាត់ផ្លូវរដិបរដុបច្រើនបន្តិច ម្ល៉ោះហើយទោះធ្វើអ្វីមួយឃើញថាមានការលំបាកដែរពិសេសធ្វើច្រើនខុសច្រើនទៀតផង។ការបំពេញការងារចំពោះស្ត្រីឱ្យប្រយ័ត្នភាពមោហៈទោសៈនាំកើតជម្លោះវិវាទដោយប្រការណាមួយជាមួយក្រុមមនុស្សនៅក្បែរខ្លួន។
មុខរបរ ៖ អ្នកប្រកបរបររកស៊ីជួញដូរវិញមានការជឿនលឿនទៅមុខជាសន្សឹមៗឥតថយក្រោយទេតែយ៉ាងណាបើលោកអ្នកចង់រកស៊ីចូលហ៊ុនជាមួយអ្នកដទៃឱ្យប្រយ័ត្នបន្តិចព្រោះងាយខាតបង់និងចាញ់បោកគេណាស់។
ស្នេហា ៖ កំលោះក្រមុំមានការផ្អែមល្ហែមនិងជឿនលឿនទៅមុខប្រពៃ៕
ឆ្នាំកុរ
រាសីស្រុតចុះ។
ការងារ ៖ នៅថ្ងៃនេះបើលោកអ្នកធ្វើអ្វីក៏ដោយតោងតែប្រយ័ត្នប្រយែងហើយរក្សាភាពស្ងប់ស្ងាត់ទើបប្រសើរ។
មុខរបរ ៖ សម្រាប់អ្នកប្រកបរបររកស៊ីជួញដូរវិញមុនធ្វើអ្វីមួយត្រូវចេះត្រិះរិះពិចារណាឱ្យបានគ្រប់ជ្រុងជ្រោយហើយពុំត្រូវមានគំនិតវៀចវេឡើយបើពុំនោះទេនាំជួបផលលំបាកដោយសារអតិថិជនលែងមកក្បែរ។ការធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមការប្រុងប្រយ័ត្ន។
ស្នេហា ៖ ប្រុសស្រីជួបរឿងប្រឆាំងនិងមិនសូវចេះអត់ឱនឱ្យគ្នាឡើយ៕
