កោះកុង៖ ស្នងការដ្ឋាននគរបាលខេត្តកោះកុងបានឲ្យដឹងថា នៅវេលាម៉ោង ១២និង៣០ នាទីព្រឹក ថ្ងៃទី១៩ កញ្ញា ២០២០ មានទូកនេសាទមួយគ្រឿង បានលិចក្នុងលម្ហសមុទ្រខាងមុខភូមិចំការលើ ឃុំថ្មស ស្រុកបូទុមសាគរ នៅលើទូកមានមនុស្សចំនួន ២នាក់ (ឪពុក និងកូន) ក្នុងនោះអ្នកនេសាទដូចគ្នា បានជួយស្រង់ បានកូនម្នាក់ហើយរួចផុតពីគ្រោះថ្នាក់ នៅបាត់ខ្លួនឪពុករកមិនទាន់ឃើញ។
ជនរងគ្រោះមានឈ្មោះ សាំង វឿន ភេទប្រុស អាយុ ៤៦ឆ្នាំ ជាឪពុក រកពុំទាន់ឃើញ និងកូនឈ្មោះ វឿន ចូច ភេទប្រុស អាយុ ១៩ ឆ្នាំ សង្គ្រោះទាន់ពេល បច្ចុប្បន្នកម្លាំងយើងកំពុងបន្តស្វែងរក ៕ ដោយ៖កូឡាប
