ភ្នំពេញ ៖ ជនសង្ស័យ២នាក់ដែលអារចម្រឹងបង្អួចបន្ទប់ឃុំឃាំង រត់គេចខ្លួនបាន៥ថ្ងៃ ត្រូវបានសមត្ថកិច្ចតាមចាប់ខ្លួនបានមកវិញដេីម្បីបន្តអនុវត្តតាមនីតិវិធីច្បាប់។
ស្នងការដ្ឋាននគរបាលរាជធានីភ្នំពេញ បានឲ្យដឹងថា ជនសង្ស័យ២នាក់ករណីលួចម៉ូតូ ដែលបានអារចម្រឹងបង្អួចបន្ទប់ឃុំឃាំងរត់គេចខ្លួនកាលពីយប់ថ្ងៃទី១៦ ខែកញ្ញា ឆ្នាំ២០២០ ត្រូវបានសមត្ថកិច្ចនៃអធិការនគរបាលខណ្ឌដូនពេញ តាមរកចាប់ខ្លួនបានម្នាក់មកវិញនៅថ្ងៃទី២១ និងម្នាក់ទៀតនៅថ្ងៃទី២៣ ខែកញ្ញា ឆ្នាំ២០២០ ។
សមត្ថកិច្ចនៃអធិការដ្ឋាននគរបាលខណ្ឌដូនពេញនឹងបញ្ជូនជនទាំង២នេះទៅតុលាការដេីម្បីអនុវត្តបន្តតាមនីតិវិធីច្បាប់ ៕ ដោយ៖កូឡាប