ភ្នំពេញ៖ ដូចដែលបងប្អូនប្រិយមិត្តជាច្រើន បានទទួលជ្រាបរួចហើយ ដែលកាលពីពេលកន្លងទៅនេះ អ្នកស្រី អ៊ាន សៀវម៉ីបានឡាយវីដេអូនិយាយហាក់ដៀមដាម និងហែកកេរចំៗ សំដៅទៅកាន់អ្នកស្រី ទ្រី ដាណា ប៉ុន្តែ អ្នកស្រីសៀវម៉ី មិននិយាយចំឈ្មោះនោះទេ។ ទោះយ៉ាងណា ដោយសារអ្នកស្រី ទ្រីដាណា ហាក់មានខ្លួន ក៏បានចេញលិខិតសូមអ្នកស្រី សៀវម៉ីធ្វើការបំភ្លឺជុំវិញជុំវិញរឿងបរិហាកេរ។ តែយ៉ាងណា លិខិតនេះបានត្រឹមមោឃៈ ព្រោះថាអ្នកស្រី សៀវម៉ី មិនអើពើឈឺក្បាលហាលថ្ងៃនោះឡើយ។
ដោយឡែក ក្រោយពីរឿងនេះបានផ្ទុះឡើង គេក៏ស្រាប់តែឃើញលោក ផែង វណ្ណៈ ចេញមកធ្វើការវែកញែកជុំវិញរឿងរ៉ាវនេះ ដោយលោកហាក់ឈរខាងអ្នកស្រី ទ្រី ដាណា ហើយដាក់បន្ទុកទៅលើអ្នកស្រី សៀវម៉ី ដែលពិតជាបាននិយាយធ្វើឲ្យប៉ះពាល់កេរឈ្មោះអ្នកស្រី ទ្រីដាណា ដែលលោកថាជាការវាយប្រហារគ្នានៅលើបណ្តាញសង្គម (Social Media) ។ លោកថា អ្នកស្រី សៀវម៉ី ហាក់មានការច្រណែននឹងការរកស៊ី ហេតុនេះក៏ចេញមករិះគន់ដោយលើកយករឿងឯកជនគ្រួសារគេមកនិយាយលើកយកស្អីៗបរិហាកេរៗគេជាដើម….។
ទោះយ៉ាងណា ក្រោយពីបានឃើញបែបនេះ នៅក្នុងអំឡុងរដូវកាន់បិណ្ឌ មុនភ្ជុំធំ អ្នកស្រី សៀវម៉ី ដែលសម្ងំមិនតបត ក៏បាននិយាយនៅក្នុងការឡាយផ្ទុះកំហឹងនឹងនារីម្នាក់ដែលបានជេរប្រមាថអ្នកស្រី ដោយផ្តាំផ្ញើថាភ្ជុំរួចនឹងព្រលះអាវែនតាម្នាក់នោះមុនគេ ប៉ុន្តែ អ្នកស្រីមិននិយាយចំឈ្មោះលោក ផែង វណ្ណៈ នោះទេ។
ដូចការគ្រោងទុក ថ្មីៗនេះនៅអំឡុងម៉ោង ៨ យប់ថ្ងៃទី២៣ ខែកញ្ញា ឆ្នាំ២០២០ អ្នកស្រី អ៊ាន សៀវម៉ី បានឡាយសួរទៅកាន់កាន់លោក ផេង វណ្ណៈ ត្រង់ៗថា៖ «ពូថាអត់ដែលមានពេលវេលាត្រូវទេពូ ចុះពូមានពេលវេលាតាមដានសាច់រឿងខ្ញុំម្លេះ ចា៎! លោកពូជួយបញ្ជាក់ប្រាប់ក្មួយបន្តិចណាលោកពូណា ឬមួយលោកពូអស់ប្រជាប្រិយភាព បានលោកពូទាក់ទាញយករឿងខ្ញុំទៅនិយាយទាំងដែលមិនជាការពិតៗ ហើយលោកពូបានពិសាបាយជាមួយក្មួយបានមួយពេលនៅលោកពូ? ចា៎ ហើយមិនត្រឹមតែប៉ុណ្ណឹង លោកពូទាញងាររបស់ខ្ញុំមកនិយាយទៀត ដូចលើសពេកហើយលោកពូអ្ហី លោកពូបានប៉ាវបាយក្មួយ១ពេលនៅលោកពូ អ្ហេ! ក្មួយនិយាយមែនណា ក្មួយអត់មានខ្នងបង្អែកណាទេចា៎ អត់ដូចលោកពូទេ ចា៎ក្មួយអ្នកព្រៃវែងទេ ក្មួយអត់មានខ្នងបង្អែកទេ តែក្មួយចូលចិត្តនិយាយអ្វីជាការពិត ចា៎ ក្មួយចង់សួរថាចិក្មួយទៅប៉ះអីលោកពូឯងៗ ចា៎! គ្រាន់តែស្រុកពូឯងពូឯងជួយ មើលប្រជាជនខ្មែរណែនៗផ្ទះ ពូឯងជួយអីបានខ្លះភូមិឃុំពូឯងមើលពូឯងជួយបានស្អីខ្លះហើយ មើលជួយប្រាប់ក្មួយតិចមើល ណែ៎ ប្រយ័ត្នចាញ់ក្មួយ ក្មួយគ្រាន់តែជួយខេត្តពូឯងហ្នឹងអស់ច្រើនណាស់ ខេត្តកណ្តាលហ្នឹងអស់ច្រើនណាស់ពូ ចា៎ អស់១០ម៉ឺនជាងណា អ៊ីចឹងលោកពូឯងជួយគិតពិចារណាឡើងវិញ….»។
អ្នកស្រី សៀវម៉ី បន្តថា៖ «រវល់ការងារលោកពូច្រើនណាស់ ចុះហេតុអ្វីលោកពូយករឿងក្មួយទៅនិយាយក្នុងឡាយរបស់លោកពូ ដាក់ងារក្មួយចំៗទាំងដែលរឿងមិនជាការពិត? អ៊ីចឹងសង្ឃឹមថាស្អែក លោកពូនឹងបកស្រាយសំណួរ៣នេះ ព្រោះប្រេតទៅវិញអស់ហើយ សំណួរទី១- តើក្មួយស្គាល់លោកពូអត់? ទី២- រឿងហ្នឹងជាការពិតអត់? ទី៣- លោកពូរាល់ថ្ងៃនេះ លោកពូថារវល់ការងារលោកពូច្រើនណាស់ ចុះហេតុអ្វីលោកពូយករឿងក្មួយទៅនិយាយក្នុងឡាយរបស់លោកពូ ដាក់ងារក្មួយចំៗទាំងដែលរឿងមិនជាការពិត?។
ជាមួយការលើកឡើងខាងលើនេះផងដែរ ក្នុងនោះ អ្នកស្រី អ៊ា សៀវម៉ី ក៏បានបាញ់ឈឺៗទៅកាន់លោក ផេង វណ្ណៈ ថា៖ «ពូគិតថាគិតប្រជាជនខ្លាំងណាស់ គិតប្រជាជនឡើងជាំមុខអស់ហើយ ក្មួយអាណិតពូឯងខ្លាំងណាស់ចា៎អូយអាណិតៗខ្លោចចិត្ត ស្អែកពូឯងដាក់លេខទូរស័ព្ទមកពូ ក្មួយយកផលិតផលទៅជូនពូដល់ផ្ទះហ្មង ចា៎សួរសុខទុក្ខពូបន្តិច។ ក្មួយអាណិតលោកពូ រាល់ថ្ងៃហ្នឹងឡើងជាំមុខអស់ហើយនិ! បើថាជាំខ្លាំង ក្មួយឧបត្ថម្ភឡេលោកពូ១ឈុត ចា៎ ក្រែងលោលោកពូពិបាក។ ក្មួយខំសរសើរតើពីដំបូង ចា៎ឃើញនិយាយរាងត្រូវចេះដឹង តែចុងក្រោយលេងមកបកឯងដូចនេះចឹងយីម៉េចហ្នឹង?។ ពូរាល់ថ្ងៃហ្នឹងគិតប្រជាជនខ្លាំងណាស់ គិតឡើងមុខជាំ វែនតាឡើងធ្លាក់អស់ហើយ ព្រោះវែងតាកញ្ចាស់ដងឡើងខ្មៅ ពិបាកពេកចាំក្មួយឧបត្ថម្ភវែនតាដាំពេជ្រឲ្យមួយ»៕ ដោយ៖ លឹម ហុង
